ສູນວັດທະນະທຳຈີນຈັດງານເທດສະການກຸດຈີນ 2018 ທີ່ ສປປ ລາວ
ສູນວັດ ທະນະທຳຈີນ ປະຈຳ ລາວ ໄດ້ຈັດງານມະ ໂຫລານເທດສະການກຸດຈີນ ປີ 2018, ຂຶ້ນຢ່າງຟົດຟື້ນໃນ ວັນທີ 10 ກຸມພານີ້, ທີ່ຫໍວັດ ທະນະທຳແຫ່ງຊາດ ໂດຍການ ເຂົ້າຮ່ວມຂອງທ່ານ ກິແກ້ວ ໄຂຄຳພິທູນ ເລຂາທິການສູນ ກາງພັກ, ຫົວໜ້າຄະນະໂຄສະ ນາອົບຮົມສູນກາງພັກ, ທ່ານ ຄຳມະນີ ອິນທິລາດ ລັດຖະມົນ ຕີກະຊວງພະລັງງານ ແລະ ບໍ່ ແຮ່ທັງເປັນປະທານສະມາ ຄົມມິດຕະພາບລາວ-ຈີນ, ມີ ທ່ານ ວາງ ເວີນທຽນ ເອກອັກ ຄະລັດຖະທູດວິສາມັນຜູ້ມີ ອຳນາດເຕັມແຫ່ງ ສປ ຈີນ ປະຈຳ ສປປ ລາວ, ພ້ອມດ້ວຍ ນັກສຶກສາ ລາວ-ຈີນ ເຂົ້າຮ່ວມ ເປັນຈຳນວນຫລາຍ.
+ ເທສະການອາຫານ ແລະ ສະໝຸນໄມໄທໄດ້ຮັບຄວາມສົນໃຈຈາກສັງຄົມ
+ ເມືອງໄຊຍະບູລີຕິດຕັ້ງກ້ອງວົງຈອນປິດ 21 ຈຸດໃນເຂດເທສະບານ
ງານດັ່ງກ່າວ, ໄດ້ຈັດຂຶ້ນ ຢູ່ນະຄອນຫລວງວຽງຈັນ ເປັນປີທີ 4 ແລ້ວ, ເຊິ່ງຜູ້ເຂົ້າ ຮ່ວມໄດ້ຮັບຊົມການສະແດງ ສິລະປະທີ່ໜ້າຕື່ນຕາຕື່ນໃຈ ຈາກຄະນະສິລະປະນະຄອນ ຈີໜານ ແຂວງຊານຕູງ ສປ ຈີນ. ພ້ອມນີ້, ຍັງມີການວາງ ສະແດງສິລະປະການແຕ້ມ ຮູບ, ການປັ້ນຫຸ່ນ, ການຄວັດ ລາຍໃສ່ໝາກນ້ຳເຕົ້າ, ສາທິດ ສິລະປະການຊົງຊາ-ດື່ມຊາ, ການຂຽນອັກສອນຈີນດ້ວຍ ແປງຂົນສັດ, ການຖັກເຊືອກ ມຸງຄຸນ ແລະ ການຫລິ້ນເກມ ຕ່າງໆ ເພື່ອຊິງລາງວັນຢ່າງ ຫລວງຫລາຍ ແລະ ຍັງມີການ ວາງສະແດງອາຫານຈີນທີ່ມີ ຊື່ສຽງນຳອີກ./.
