ຈັດກິດຈະກຳປູກຈິດສຳນຶກສິນທຳ ແກ່ເຍົາວະຊົນເພື່ອຫລີກລ່ຽງບັນຫາຢາເສບຕິດ

ວັນທີ 9 ກຸມພານີ້, ໂຄງ ການເມດຕາທຳ, ອົງການ ພຸດ ທະ ສາສະໜາສຳພັນລາວ ໄດ້ຈັດກິດຈະກຳປູກຈິດສຳ ນຶກ ທາງສິນທຳໃຫ້ແກ່ເຍົາວະຊົນ ແລະ ນັກຮຽນ ເພື່ອຫ່າງໄກ ຈາກຢາເສບຕິດ ແລະ ອະບາຍ ຍະມຸກຕ່າງໆ ຂຶ້ນທີ່ວັດສະພານ ທອງເໜືອເມືອງໄຊເສດຖາ ນະຄອນຫລວງ ວຽງຈັນ, ໂດຍ ການເຂົ້າຮ່ວມເປັນປະທານ ເປີດກິດຈະກຳດັ່ງກ່າວຂອງ ພຣະອາຈານ ເວດ ມະເສໄນ ຮອງປະທານສູນກາງພຸດທະ ສາດສະໜາສຳພັນລາວ, ພ້ອມ ມີຄຳເຫັນວ່າ: ພຣະສົງແມ່ນ ພາກ ສ່ວນໜຶ່ງທີ່ມີບົດບາດ ສຳຄັນໃນການປະກອບສ່ວນ ແກ້ໄຂບັນຫາສັງຄົມ ແລະ ໃນໄລຍະຜ່ານມາເຫັນວ່າ ການນໍາເອົາທໍາມະກັບທັກສະ ຊິວິດທາງພຸດທະສາດ ສະໜາ ເຂົ້າໃນສະຖາບັນການສຶກ ສາແມ່ນເຮັດໃຫ້ເຍົາວະຊົນມີ ຄວາມ ອ່ອນນ້ອມຖ່ອມຕົວ ແລະ ມີສະຕິສາມາດຫລີກລຽງ ຈາກບັນຫາຢາເສບຕິດ, ບັນຫາ ເຮສໄອ ວີ/ເອດ, ບັນຫາຄວາມ ບໍ່ປອດໄພທາງດ້ານຊີວິດ ແລະ ຊັບສິນ,ການບໍ່ເຄົາລົບພໍ່-ແມ່, ຜູ້ອາວຸໂສ, ຄູ-ອາຈານ, ການ ອາລະວາດຜິດຖຽງກັນຂອງ ກຸ່ມໄວໜຸ່ມ. ບັນຫາເຫຼົ່ານີ້ ໄດ້ສ້າງຄວາມບໍ່ສະຫງົບໃຫ້ ສັງຄົມ. ດັ່ງນັ້ນໂຄງການເມດ ຕາທໍາຈຶ່ງໄດ້ນຳເອົາຫລັກຄຳ ສອນທາງສາດສະໜາລົງ ເຜີຍແຜ່ ໃນສະຖາບັນການ ສຶກສາເປັນປະຈໍາເພື່ອປູກຈິດ ສຳນຶກໃຫ້ນັກຮຽນ- ນັກສຶກສາ ເຫລົ່ານັ້ນ.

+ ການແກ້ໄຂຢາເສບຕິດເປັນບັນຫາຍຸດທະສາດຂອງຊາດ

+ ຕໍາຫລວດຈັບຜູ້ຄ້າຢາເສບຕິດລາຍໃຫຍ່ມາດໍາເນີນຄະດີພ້ອມຂອງກາງຢາບ້າ 36 ພັນ​ເມັດ

ພຣະອາຈານ ອະທິປະ ໄຕ ໄມຕຼີຈິດ ປະທານໂຄງ ການເມດຕາທຳໃຫ້ຮູ້ວ່າ: ປັດຈຸບັນ, ບັນຫາໄພສັງຄົມ, ໂດຍສະເພາະຢາເສບຕິດ, ໂລກເອດ ແລະ ອື່ນໆ ອັນໄດ້ ເຮັດໃຫ້ເຍົາວະຊົນ, ຊາວໜຸ່ມ ມີຄວາມສ່ຽງເຂົ້າ ໄປພົວພັນ, ເຊິ່ງຜ່ານມາໂຄງການເມດ ຕາທຳກໍໄດ້ປະກອບສ່ວນໃນ ການລົງໂຄສະນາເຜີຍແຜ່ ຜົນຮ້າຍດັ່ງກ່າວ, ຕາມໂຮງ ຮຽນຕ່າງໆດ້ວຍການສິດ ສອນໃຫ້ນັກຮຽນໄດ້ຮຽນ ຮູ້ ແລະ ສາມາດຫລີກລ່ຽງ ຈາກໄພສັງຄົມດັ່ງກ່າວໄດ້ ເປັນຢ່າງດີ.