ແຂວງຈຳປາສັກກຳນົດ 8 ກິດຈະກຳສຳລັບປີທ່ອງທ່ຽວລາວ 2018
ຄະນະກຳມະການຈັດງານ ປີທ່ອງທ່ຽວແຂວງຈຳປາສັກ ໄດ້ຕົກລົງເຫັນດີກຳນົດເອົາ 8 ກິດຈະກຳຫລັກ ເພື່ອສົ່ງເສີມການທ່ອງທ່ຽວ ເພື່ອແນໃສ່ ດຶງ ດູດນັກທ່ອງທ່ຽວທັງພາຍໃນ ແລະ ຕ່າງປະເທດ ເຂົ້າມາທ່ຽວ ແຂວງຂອງຕົນໃຫ້ຫລາຍຂຶ້ນ ເພື່ອສ້າງລາຍຮັບເຂົ້າທ້ອງຖິ່ນ.
+ ເປີດງານວາງສະແດງສິນຄ້າຕ້ອນຮັບປິີທ່ອງທ່ຽວລາວ 2018
+ ເຊີນທ່ຽວຊົມ-ນະມັດສະການພະທາດສີໂຄດຕະບອງ
ຮອງຫົວໜ້າ ພະແນກຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງຈຳປາສັກ ໃຫ້ ຮູ້ວ່າ: 8 ກິດຈະກຳສຳລັບປີ ທ່ອງທ່ຽວລາວ 2018 ຂອງ ແຂວງຈຳປາສັກທີ່ໄດ້ກຳນົດ ມີຄື: ງານບຸນນະມັດສະການ ຜາສາດຫີນວັດພູ, ບຸນຊ້າງ ບ້ານກຽດໂງ້ງ ທີ່ເມືອງປະ ທຸມພອນ ເຊິ່ງໄດ້ໄດ້ຈັດຂຶ້ນມາ ແລ້ວ ແລະ ສາມາດດຶງດູດຜູ້ ເຂົ້າມາທ່ຽວຊົມເປັນຈຳນວນ ບໍ່ໜ້ອຍ, ສ່ວນບຸນພະເວດທີ່ ເມືອງຊະນະສົມບູນຈະຈັດຂຶ້ນໃນເດືອນມີນານີ້, ບຸນປີໃໝ່ ລາວທີ່ ເມືອງປາກເຊ, ບຸນບັ້ງ ໄຟ ເມືອງໂພນທອງ, ງານເທດ ສະການໝາກໄມ້ສົດທີ່ເມືອງ ບາຈຽງໃນ(ເດືອນມິຖຸນາ), ຄາລາວານລົດຖີບ ແລະ ງານ ບຸນປະວໍລະນາອອກພັນສາທີ່ ເມືອງປາກເຊ ເຊິ່ງຈະມີຂຶ້ນ ໃນ ເດືອນຕຸລາ ທີ່ຈະມາເຖິງ, ເພື່ອ ເປັນກິດຈະກໍາໃຫ້ 10 ຕົວ ເມືອງທົ່ວແຂວງຈຳປາສັກ ຈັດຕັ້ງປະຕິບັດໂດຍໄດ້ແບ່ງ ອອກເປັນ 4 ກຸ່ມ ຕາມແຕ່ລະ ທ່າແຮງຂອງບັນດາກຸ່ມດັ່ງ ກ່າວ ເຊິ່ງອາດຈະເປັນການສົ່ງ ເສີມການທ່ອງທ່ຽວທາງດ້ານປະຫວັດສາດ, ວັດທະນະທຳ ແລະ ທຳມະຊາດ.
ປັດຈຸບັນນີ້, ແຕ່ລະກຸ່ມກຳ ລັງຂຸ້ນຂ້ຽວກະກຽມຄວາມ ພ້ອມດ້ານຕ່າງໆເຊັ່ນ: ການໂຄ ສະນາເຜີຍແຜ່, ການພັດທະ ນາພື້ນຖານໂຄງລ່າງ, ການຮັກ ສາຄວາມສະຫງົບປອດໄພ, ຄວາມສະອາດ, ການປັບປຸງ ສິ່ງ ອຳນວຍຄວາມສະດວກ, ສຳລັບສະຖານທີ່ພັກອາໄສ, ການຜະລິດຂອງທີ່ລະນຶກ ແລະ ອື່ນໆ.
ໃນຂະນະດຽວກັນ, ທາງ ຄະນະກຳມະການຈັດງານປີ ທ່ອງທ່ຽວແຂວງ ກໍໄດ້ລົງຊຸກ ຍູ້, ສົ່ງເສີມໃຫ້ແຕ່ລະເມືອງ ລວມທັງຫົວໜ່ວຍທຸລະກິດ ດ້ານທ່ອງທ່ຽວ ໃຫ້ມີຄວາມ ພ້ອມ, ບໍ່ວ່າຈະເປັນດ້ານການ ປັບປຸງຍົກລະດັບຂອດການ ບໍລິການ, ຄວາມຮູ້ຄວາມສາ ມາດຂອງບຸກຄະລາກອນ, ພາຫະນະສຳລັບບໍລິການນັກ ທ່ອງທ່ຽວໃຫ້ພຽງພໍ. ນອກ ຈາກນີ້, ແຕ່ລະທ້ອງຖິ່ນຈະ ຕ້ອງໄດ້ເອົາໃຈໃສ່ສົ່ງເສີມ ຮັກສາເອກະລັກທາງດ້ານວັດ ທະນະທຳ ແລະ ຮີດຄອງປະ ເພນີຂອງຕົນ.
ປັດຈຸບັນ, ແຂວງຈຳປາ ສັກມີສະຖານທີ່ທ່ອງທ່ຽວ ທັງໝົດ 216 ແຫ່ງ, ໃນນັ້ນມີ ແຫລ່ງທ່ອງທ່ຽວທາງທຳມະຊາດ 116 ແຫ່ງ, ປະຫວັດສາດ 40 ແຫ່ງ ແລະ ວັດທະນ ທຳ 60 ແຫ່ງ.
ໃນປີ 2017 ມີ ນັກທ່ອງ ທ່ຽວເຂົ້າມາແຂວງດັ່ງກ່າວ, 799.054 ເທື່ອຄົນ, ສ້າງລາຍ ຮັບໄດ້ເກືອບ 144 ລ້ານໂດລາ ສະຫະລັດ. ສະເພາະປີທ່ອງ ທ່ຽວລາວນີ້, ຄາດວ່າຈະມີ ນັກທ່ອງທ່ຽວເຂົ້າມາບໍ່ຫລຸດ 917.700 ເທື່ອຄົນ, ເຊິ່ງ ຈະນຳລາຍຮັບເຂົ້າທ້ອງຖິ່ນ ຢ່າງໜ້ອຍ 140 ລ້ານໂດລາ ສະຫະລັດ./.
