ປູກພືດແບບປະສົມປະສານຊ່ວຍສ້າງເສດຖະກິດຄອບຄົວດີຂຶ້ນ

ຖ້າໃຜໄດ້ໄປເມືອງວິລະບູ ລີ ແຂວງສະຫວັນນະເຂດ, ກໍ ຈະຮູ້ດີກັບຊື່ສຽງຂອງຄອບຄົວ ທ່ານ ບຸນເສິນ ດວງມາລາ, ຢູ່ ບ້ານລາດແດງໃຫຍ່ ເມືອງດັ່ງ ກ່າວ, ຈາກຄອບຄົວທີ່ທຸກຍາກ ຂາດເຂີນໃນເມື່ອກ່ອນ, ໄດ້ກາຍ ມາເປັນຄອບຄົວຮັງມີສີສຸກ ໃນ ປັດຈຸບັນ, ຍ້ອນການຮູ້ຫັນປ່ຽນ ອາຊີບຈາກການຜະລິດກະສິ ກຳແບບເກົ່າແກ່ຫລ້າຫລັງທີ່ ອີງໃສ່ແຕ່ທຳມະຊາດ, ມາເຮັດ ການຜະລິດປູກພືດແບບປະສົມ ປະສານ ແລະ ລ້ຽງສັດເປັນສິນ ຄ້າ ເຊິ່ງໃນແຕ່ລະປີສາມາດ ສ້າງລາຍຮັບໄດ້ນັບຫລາຍ ຮ້ອນລ້ານກີບ, ດັ່ງທ່ານ ບຸນ ເສິນ ເລົ່າສູ່ຝັງວ່າ: ໂດຍເລີ່ມ ຈາກປີ 2014, ພາຍຫລັງບໍລິ ສັດລ້ານຊ້າງມີເນໂຣນໄດ້ເຂົ້າ ມາລົງທຶນຂຸດຄົ້ນຄຳໃນເຂດ ເມືອງດັ່ງກ່າວ ແລະ ໄດ້ມີນະ ໂຍບາຍສົ່ງເສີມການພັດທະນາ ຊີວິດການເປັນຢູ່ຂອງປະຊາຊົນ ໃນເຂດນີ້ດ້ວຍການອະນຸມັດ ເງິນກູ້ດອກເບຍຕ່ຳ ແລະ ຄອບ ຄົວຂອງຕົນ ຈິ່ງໄດ້ຕັດສິນໃຈ ໄປຢືມເງິນນຳບໍລິສັດນີ້ຈຳນວນ 10 ພັນໂດລາສະຫະລັດ ເຂົ້າ ມາບຸກເບີກ ແລະ ປູກພືດຕ່າງໆ ໃນເນື້ອທີ່ດິນທີ່ຄອບຄົວມີຢູ່ ຄືໃນເບື້ອງຕົ້ນໄດ້ປູກຕົ້ນຢາງ ພາລາ, ປູກດ້ວຍ ແລະ ໝາກ ນັດໃສ່ເນື້ອທີ່ຫວ່າງ, ພ້ອມໄດ້ ຊື້ ແນວພັນງົວມາລ້ຽງຈຳນວນ 80 ໂຕ, ໝູ 14 ໂຕ ແລະ ແບ້ 60 ໂຕ, ພ້ອມໄດ້ບຸກເບີກ ໜອງປາອີກ 7 ໜອງ ແລະ ສວນພັກຕ່າງໆ ໃນເນື້ອທີ່ ປະມານ 14 ເຮັກຕາ, ເຊິ່ງມາ ຮອດປີ 2017, ກໍສາມາດ ກີດຢາງພາລາໄດ້ ແລະ ຂາຍ ງົວ ແລະ ສັດລ້ຽງຕ່າງໆ ດັ່ງ ກ່າວ, ພ້ອມຜົນລະປູກກ້ວຍ, ໝາກນັດ, ມີລາຍຮັບທັງໝົດ 200 ກວ່າລ້ານກີບ ແລະ ສຳລັບ ປີ 2018 ນີ້ຈະມີ ລາຍ ຮັບເພີ່ມຂຶ້ນຍ້ອນມີການປູກ ຕົ້ນໄມ້ໃຫ້ໝາກອື່ນໆ.

ຕື່ມອີກ ແລະ ສິ່ງສຳ ຄັນ ບຸນເສິນ ສາມາດພັດທະ ນາການຜະລິດແບບຄອບ ຄົວກາຍເປັນຮູບແບບນິຄົມ ທີ່ ທັນສະໄໝຂຶ້ນຄື: ປັດຈຸບັນ ຢູ່ໃນນິຄົມ ບຸນເສິນ ມີກຳມະ ກອນ 14 ຄົນ, ມີລົດໄຖຂະ ໜາດໃຫຍ່, ລົດຫົດນ້ຳ, ລົດ ຈົກ ແລະ ອຸປະກອນການຜະ ລິດອື່ນໆ ອີກເພື່ອສາມາດຂະ ຫຍາຍການຜະລິດຂອງຕົນ ໃຫ້ນັບມື້ກວ້າງຂວາງ./.

+ ປູກພືດແບບປະສົມປະສານພາຄອບຄົວມີລາຍຮັບດີຂຶ້ນ

+ ການປູກພືດລະດູແລ້ງປີນີ້ລື່ນແຜນການ