ສຳເລັດການສ້ອມແປງໂຮງຮຽນປະຖົມບ້ານແສນດິນ ຈາກການຊ່ວຍຂອງອົງການກາແດງລາວ ແລະ ສ ເກົາຫລີ

ມີພິທີມອບ-ຮັບໂຮງຮຽນ ປະຖົມ ບ້ານແສນດິນ ເມືອງ ນາ ຊາຍທອງ ນະຄອນຫຼວງວຽງ ຈັນ, ໄດ້ມີຂຶ້ນໃນວັນທີ 1 ກຸມພາ ນີ້, ລະຫວ່າງ ທ່ານນາງ Yun Moon Ja ຜູ້ໃຫ້ທຶນ ຈາກ ສ ເກົາຫຼີ ແລະ ທ່ານ ພູວຽງ ເພຍ ເທບ ຮອງເຈົ້າເມືອງນາຊາຍ ທອງ, ມີທ່ານປະທານອົງການ ກາແດງລາວ, ຕາງໜ້າອົງການ ກາແດງ ສ ເກົາຫຼີ ເຂົ້າຮ່ວມນໍາ ດ້ວຍ. ພາຍຫຼັງ ສໍາເລັດການ ສ້ອມແປງຍົກພື້ນຫ້ອງການ, ມຸງກະເບື້ອງ, ປູກະໂລ້, ແປງ ເພດານ, ຕິດຕັ້ງໄຟຟ້າ, ສ້າງ ອ່າງລ້າງມື ແລະ ຫ້ອງນໍ້າ ໃໝ່. ໂດຍໄດ້ຮັບການສະໜັບ ສະໜູນ ຈາກສະພາກາແດງ ສ ເກົາຫລີ, ເຊິ່ງລວມມູນຄ່າທັງໝົດ 232 ລ້ານກວ່າກີບ, ໃນນັ້ນ ທຶນຊ່ວຍ ເຫຼືອຈາກສະພາກາແດງ ສ ເກົາ ຫລີ 155 ລ້ານກວ່າກີບ ແລະ ທຶນສົມທົບຈາກປະຊາຊົນ ບ້ານ ແສນດິນ 76 ລ້ານກວ່າກີບ.

+ ກາແດງຊ່ວຍຍົກລະດັບຄວາມຮູ້ໃຫ້ການແພດລາວ

+ ອົງການກາແດງລາວມອບເຄື່ອງຊ່ວຍເຫລືອບ້ານຕໍເຮືອ