10 ອາຫານເພີ່ມພະລັງໃຫ້ແມ່ໃນເດືອນຄອງ
February 1, 2018 - 2:29 PM
- ອາຫານເຊົ້າປະເພດຊີຣຽວ ເຊິ່ງຊີຣຽວເປັນອາຫານທ່ີເຮັດກິນໄດ້ງ່າຍໃນຕອນເຊົ້າ ພຽງແຕ່ເທໃສ່ຖ້ວຍ ແລະ ໃສ່ນົມລົງໄປກໍກິນໄດ້ຢ່າງອີ່ມສະບາຍທ້ອງແລ້ວ.
- ຖົ່ວ : ເປັນແຫ່ລງໂປຣຕິນຂັ້ນສູງ ແລະ ມີກາກໄຍສູງນຳ ເໝາະສຳລັບແມ່ທີ່ຕ້ອງການພະລັງງານໃນໄລຍະເດືອນຄອງທີ່ ສຸດ.
- ຜັກກາດດອກ : ເປັນຜັກສີຂຽວທີ່ມີກາກໄຍ ແລະ ສານຕ້ານອະນຸມູນອິດສະລະ. ນອກຈາກນີ້ ຜັກທີ່ມີສານສີຂຽວຍັງຊ່ວຍດູດຊຶມທາດເຫລັກໄດ້ດີ.
- ນົມໄຂມັນຕໍ່າ : ແມ່ຍິງຖືພາຄວນດື່ມນົມໃຫ້ຫລາຍກ່ວາປົກກະຕິເປັນ 2 ເທົ່າ ຫລື ດື່ມໃຫ້ໄດ້ 30% ຂອງອາຫານທີ່ກິນທັງໝົດໃນ 1 ມື້.
- ໝາກກ້ວຍ : ນອກຈາກໝາກກ້ວຍຈະໃຫ້ພະລັງງານສູງແລ້ວ ຍັງເຮັດໃຫ້ທ່ານອີ່ມສະບາຍທ້ອງ ແລະ ຍ່ອຍງ່າຍນຳອີກ.
- ຊີ້ນສັດບໍ່ຕິດໄຂມັນ : ໃນຊີ້ນສັດມີໂປຣຕິນ ແລະ ຈຳພວກແຮ່ທາດເຫລັກສູງ ເຊິ່ງຊີ້ນສັດເປັນອາຫານທີ່ແມ່ຍິງຖືພາຕ້ອງ ກິນເປັນປະຈຳຢູ່ແລ້ວ ພຽງແຕ່ຄວນເອົາມາປຸງແຕ່ງໃຫ້ສຸກດີ ແລະ ໃຫ້ອ່ອນ ເພື່ອຈະໄດ້ຍ່ອຍງ່າຍ.
- ຊີດສ໌ : ສາມາດເອົາມາເຮັດເປັນອາຫານໄດ້ແຊບ ແລະ ຍັງມີທາດການຊຽມສູງ ເຊິ່ງຖ້າແມ່ຍິງຄົນໃດແພ້ທ້ອງ ບໍ່ຢາກດື່ມ ນົມກໍໍສາມາດກິນຊີດສ໌ແທນໄດ້ຄືກັນ.
- ໄຂ່ : ເປັນສິ່ງທີ່ແມ່ຍິງຖືພາຈຳເປັນຕ້ອງກິນທຸກມື້ຢູ່ແລ້ວ ເພາະເປັນແຫລ່ງໂປຣຕິນທີ່ສຳຄັນ ແລະ ມີກົດອະມິໂນທີ່ສຳຄັນຕໍ່ຮ່າງກາຍ. ໄຂ່ເປັນອາຫານທີ່ເຮັດກິນໄດ້ງ່າຍຫລາຍ ບໍ່ວ່າຈະຈືນ, ຕົ້ມ ຫລື ຈຽວ ເຮັດໄດ້ງ່າຍ ໃຊ້ເວລາບໍ່ຫລາຍ ສາມາດເຮັດກິນໄດ້ຕະຫລອດເວລາໂດຍບໍ່ຕ້ອງກຽມອຸປະກອນຫຍັງຫລາຍ.
- ຖົ່ວເຫລືອງ : ອາຫານທີ່ເຮັດມາຈາກຖົ່ວເຫລືອງ ເຊັ່ນ : ເຕົ້າຫູ້, ນຳ້ເຕົ້າຫູ້ ເໝາະສົມຫລາຍສຳລັບເປັນອາຫານເຊົ້າຂອງແມ່ຍິງຖືພາ ຫລື ເຕົ້າຫູ້ສາມາດເອົາໄປເຮັດເປັນແກງຈືດ, ໜຶ້ງ ຫລື ຈືນ ກິນກັບນຳ້ແຈ່ວກໍໍແຊບຄືກັນ.
- ຜັກໃບຂຽວ : ອຸດົມໄປດ້ວຍທາດເຫລັກ ແລະ ໂຟເລດ ເຊິ່ງເປັນສິ່ງສຳຄັນສຳລັບແມ່ຍິງຕັ້ງແຕ່ເລີ່ມຖືພາ ເຊິ່ງສາມາດ ເລືອກກິນໄດ້ຫລາກຫລາຍ ເຊັ່ນ : ຜັກກາດນາ, ຜັກກາດຊອມ, ຜັກຫົມ, ຜັກສະຫລັດ ເປັນຕົ້ນ.
