ໂຕໂຢຕາ ເອັຟຊີ ສະເໝີ ບຶງເກດ ເອັຟຊີ 3-3 ປະຕູລາຍການ ເອເອັຟຊີ

ສະໂມສອນລາວໂຕໂຢຕາ ເອັຟຊີ ລົງສະໜາມຄັ້ງທໍາອິດ ໃນວັນທີ 29 ມັງກອນນີ້ ສະເໝີສະໂມສອນ ບຶງເກດ ເອັຟຊີ 3-3 ປະຕູ ທີ່ສະໜາມກິລາໂອແລັມປິກ ສະເຕດຽມ ນະຄອນຫລວງພະນົມເປັນ ປະເທດກໍາປູເຈຍ ໃນລາຍການແຂ່ງຂັນ ເອເອັຟຊີ ຄັບ 2018 ຮອບຄັດເລືອກ.

ການແຂ່ງຂັນບານເຕະ ເອເອັຟຊີ ຄັບ 2018 ຮອບຄັດເລືອກຄັ້ງທໍາອິດຂອງສະໂມສອນລາວໂຕໂຢຕາ ເອັຟຊີ ຕົວແທນຂອງສະໂມສອນລາວເຂົ້າຮ່ວມແຂ່ງຂັນດັ່ງກ່າວ ແລະ ໄດ້ລົງສະໜາມພົບກັບສະໂມສອນບຶງເກດ ເອັຟຊີ ຜ່ານການແຂ່ງຂັນທັງ 90 ນາທີ ທັງສອງສະໂມສອນສະເໝີກັນ 3-3 ປະຕູ ເຊິ່ງສະໂມສອນລາວໂຕໂຢຕາໄດ້ປະຕູຈາກທ້າວ ຄາຊູໂອະ ຮົມມະ ນາທີ 30, 87 ແລະ ທ້າວ ເຟດີລິກ ພູດາ ນາທີ 79. ສ່ວນສະໂມສອນບຶງເກດ ໄດ້ປະຕູໃນນາທີ 6, 53 ແລະ ນາທີ 60.

ສຳລັບການແຂ່ງຂັນບານເຕະ ເອເອັຟຊີ ຄັບ 2018 ຮອບຄັດເລືອກ ຄັ້ງທີ 2 ຈະລົງສະໜາມແຂ່ງຂັນ​ໃນ​ວັນ​ທີ 2 ກຸມພາ 2018 ເວລາ 18:00 ໂມງ ສະໂມສອນ ລາວໂຕໂຢຕາ ເອັຟຊີ ຕ້ອນຮັບການມາຢາມຂອງສະໂມສອນ ບຶງເກດ ເອັຟຊີ ຕົວແທນສະໂມສອນຈາກປະເທດກຳປູເຈຍ ທີ່ສະໜາມກິລາແຫ່ງຊາດຫລັກ 16.