ກຳປູເຈຍຈະສຸມໃສ່ກໍ່ສ້າງກອງກຳລັງ ປ້ອງກັນປະເທດທີ່ທັນສະໄໝ
ຫົວໜ້າກົມໃຫຍ່ເຕັກນິກ ກະຊວງປ້ອງກັນປະເທດກຳປູ ເຈຍ ໄດ້ກ່າວໃນການສຳມະນາ ເຕັກນິກກອງທັບລາຊະນາວີກຳປູເຈຍ ໃນວັນທີ 24 ມັງກອນນີ້ ວ່າ: ກຳປູເຈຍຈະເສີມສ້າງ ແລະ ຍົກສູງກຳລັງການສູ້ຮົບຂອງ ກອງທັບປະເທດຕົນ, ຊຸກຍູ້ການ ສ້າງສາທີ່ທັນສະໄໝດ້ານອາວຸດ ຍຸດໂທປະກອນ ເພື່ອເພີ່ມທະວີ ຄວາມສາມາດການປ້ອງກັນປະ ເທດຂອງກອງທັບ.
ທ່ານກ່າວວ່າ: ຈະຫຼວດ ແບບຍິງລະດົມທີ່ມີຢູ່ໃນປັດຈຸບັນ ຂອງກຳປູເຈຍ ຈະໃຫ້ຜູ້ຊ່ຽວ ຊານປະເທດຕົນປັບປຸງບູລະນະ ເພື່ອເພີ່ມທະວີຄວາມສາມາດ ການປ້ອງກັນປະເທດຂອງກອງ ທັບລາຊະອານາຈັກກຳປູເຈຍ. ຂະນະທີ່ລັດຖະບານປະເທດຕົນກໍສຸມໃສ່ການສ້າງຄວາມສາ ມາດຂອງກອງທັບ ຊຸກຍູ້ການ ສ້າງສາທີ່ທັນສະໄໝຂອງອາວຸດ ຍຸດໂທປະກອນ ເພື່ອຍົກຄວາມ ສາມາດການປ້ອງກັນປະເທດ ໃຫ້ສູງຂຶ້ນ ແຕ່ກຳປູເຈຍຈະບໍ່ ຮຸກຮານປະເທດອື່ນ. ພັນທະ ແລະ ພາລະກຳຂອງກອງທັບ ປະເທດຕົນແມ່ນປົກປັກຮັກສາປະເທດຊາດ, ປົກປັກຮັກສາຜືນ ແຜ່ນດິນອັນຄົບຖ້ວນ ແລະ ສິດ ອະທິປະໄຕຂອງປະເທດ ທັງ ຮັບປະກັນຄວາມສະຫງົບຮຽບຮ້ອຍຂອງສັງຄົມ.
