WhatsApp Business ແອັບໃຫມ່ຈາກ WhatsApp ສໍາລັບໃຊ້ງານທາງທຸລະກິດໂດຍສະເພາະ
WhatsApp ອອກແອັບພິເຄຊັນຕົວໃຫມ່ WhatsApp Business ທີ່ອອກມາເພື່ອໃຫ້ທຸລະກິດນ້ອຍໆສາມາດເຊື່ອມຕໍ່ກັບລູກຄ້າໄດ້ງ່າຍຂຶ້ນ ໂດຍແອັບນີ້ຈະມີຟີເຈີສໍາຄັນເຊັ່ນ: ໂປຣໄຟລ໌ທາງທຸລະກິດ, ອີເມວ, ຄໍາອະທິບາຍທຸລະກິດ ທີ່ຢູ່ສະໂຕຣ໌ ແລະ ເວັບໄຊ ລວມເຖິງ Tools ສໍາລັບການສົ່ງຂໍ້ຄວາມເຊັ່ນ: ການທັກທາຍ, ການຕອບແບບດ່ວນ ແລະ ການລະບຸຂໍ້ຄວາມ Away message ຕະຫຼອດຈົນການວັດວ່າມີຂໍ້ຄວາມຖືກສົ່ງ ແລະ ເປີດອ່ານຫຼາຍໜ້ອຍພຽງໃດ.
ສໍາລັບຜູ້ທີ່ໃຊ້ເບີໂທລະສັບແຍກກັນລະຫວ່າງເບີສ່ວນຕົວກັບເບີທຸລະກິດ ເປັນຂ່າວດີວ່າທັງ WhatsApp Business ແລະ WhatsApp Messenger ສາມາດຕິດຕັ້ງໃນໂທລະສັບມືຖືເຄື່ອງດຽວກັນໄດ້ ແລະ ສາມາດຜູກກັບເບີໂທລະສັບຄົນລະເບີກັນໄດ້ WhatsApp Business ຍັງສາມາດເປີດໄດ້ຈາກ WhatsApp Web ຊຶ່ງເປັນການເປີດຈາກເວັບເບຣົາເຊີດ້ວຍ.
ບັນຊີຜູ້ໃຊ້ທາງທຸລະກິດຖືກບັນທຶກໄວ້ຢ່າງຊັດເຈນ ແລະ ທຸລະກິດທີ່ສາມຢືນຢັນໝາຍເລກໂທລະສັບໄດ້ຈະໄດ້ຮັບ Badge ເພື່ອຢືນຢັນໃນໂປຣໄຟລ໌ດ້ວຍ ຊຶ່ງຄືລິ້ງກັບ Badge ສີຂຽວທີ່ໃຊ້ຢືນຢັັນຕົວຕົນຂອງບັນຊີທຸລະກິດໃນ WhatsApp Messenger ເມື່ອປີກ່ອນ.
WhatsApp ຍັງລະບຸວ່າ ຜູ້ໃຊ້ທໍາມະດາຍັງສາມາດໃຊ້ງານແອັບ WhatsApp Messenger ຕໍ່ໄປໄດ້ຕາມປົກກະຕິ ແລະ ຍັງສາມາດລັອກເບີໂທລະສັບ ແລະ ແຈ້ງແປມໄດ້ຄືເກົ່າ.
WhatsApp Business ເປັນແອັບຟຣີ ໃນຂະນະນີ້ເປີດໃຫ້ດາວໂຫຼດສໍາລັບຜູ້ໃຊ້ລະບົບ Android ແລ້ວໃນບາງປະເທດ ແລະ ຈະມີແຜນເປີດໃຫ້ໃຊ້ທົ່ວໂລກໃນມໍ່ໆນີ້ ແນວໃດກໍຕາມ ຍັງບໍ່ໄດ້ປະກາດວ່າຜູ້ໃຊ້ iOS ຈະໄດ້ໃຊ້ແອັບນີ້ເມື່ອໃດ.
