ເບົາຊາ ຖືກ ອາເຈນຕິນາ ໄລ່ອອກຈາກຕຳແໜ່ງຜູ້ຈັດການແລ້ວ

ເອດກາໂຕ ເບົາຊາ ຜູ້ຈັດ ການທີມອາຍຸ 59 ປີ ຖືກໄລ່ອອກ ຈາກຕຳແໜ່ງຜູ້ຈັດການທີມຊາດອາເຈນຈິນາ ເປັນທີ່ຮຽບຮ້ອຍ ແລ້ວ ໂດຍ ເບົາຊາ ເຂົ້າມາຄຸມ ທີມຕໍ່ຈາກ ເກຣາໂດ ມາຕິໂນ ທີ່ລາອອກໄປ ຫຼັງຈາກພາດແຊ໊ມ ໂຄປາ ອາເມຣິກາ ໃນເດືອນສິງ ຫາປີຜ່ານມາ ແຕ່ພາທີມຊະນະ ໄດ້ພຽງ 3 ຈາກ 8 ນັດ ແລະ ຍັງຢູ່ອັນດັບ 5 ໃນການແຂ່ງຂັນ ບານໂລກ 2018 ຮອບຄັດເລືອກ ເຂດ ອາເມຣິກາ.

ອາເຈນຕິນາ ຢູ່ຫ່າງຈາກ ຊິລີ ທີມອັນດັບ 4 ເຊິ່ງເປັນອັນກັບ ສຸດທ້າຍທີ່ຈະເຂົ້າຮອບອັດຕະໂນມັດຢູ່ 1 ຄະແນນ ແລະ ນຳໜ້າ ເອກວາດໍ ເຊິ່ງຢູ່ອັນດັບ 6 ຢູ່ 2 ຄະແນນ ຫາກຈົບອັນດັບ 5 ກໍ ຈະຕ້ອງຫຼິ້ນເພລອອຟກັບທີມເຂດໂອເຊຍເນຍ ແຕ່ ອາເຈນຕິນາ ຈະ ບໍ່ມີ ລີໂອເນລ ເມສຊີ ລົງຫຼິ້ນ 3 ນັດຕໍ່ໄປຈາກການຕິດໂທດ.

ທັງນີ້ເຊື່ອກັນວ່າ ຮໍເກ ຊຳ ເປົາລີ ຜູ້ຈັດການທີມຂອງ ເຊບີຍາ ຈະເຂົ້າມາຄຸມທີມຊາດ ອາເຈນຕິ ນາ ເປັນຄົນຕໍ່ໄປ ຫຼັງຈາກຕົກເປັນ ຂ່າວລືມານານຫຼາຍອາທິດແລ້ວ.