ງານບຸນມະໂຫລານຍີ່ປຸ່ນຄັ້ງທີ 4 ຈະຈັດຂຶ້ນໃນຕົ້ນເດືອນກຸມພານີ້

ໃນວັນທີ 19 ມັງກອນນີ້, ອົງການ JETRO ປະຈໍາ ລາວ, ໄດ້ຖະແຫຼ່ງໃຫ້ຮູ້ວ່າ: ງານບຸນມະໂຫລານຍີ່ປຸ່ນ ຄັ້ງທີ 4 ຈະໄດ້ຈັດຂຶ້ນໃນວັນທີ 2-4 ກຸມພານີ້, ທີ່ສູນການຄ້າລາວ- ໄອເຕັກນະຄອນຫຼວງວຽງ ຈັນ. ໂດຍສະຖານເອກອັກຄະ ລາຊະທູດຍີ່ປຸ່ນປະຈໍາລາວ ຮ່ວມກັບ ຫ້ອງການອົງການ ໄຈກາປະຈໍາລາວ, ອົງການ ສົ່ງເສີມການຄ້າ ແລະ ການລົງ ທຶນຂອງປະເທດຍີ່ປຸ່ນປະ ຈໍາລາວ, ສູນພັດທະນາຊັບ ພະຍາກອນມະນຸດລາວ-ຍີ່ປຸ່ນ, ສະມາຄົມອະດີດນັກສຶກສາ ລາວຈາກຍີ່ປຸ່ນ, ສະມາຄົມຄົນ ຍີ່ປຸ່ນຢູ່ລາວ, ຫ້ອງການສະ ພາອຸດສາຫະກໍາ ແລະ ການ ຄ້າຍີ່ປຸ່ນປະຈໍາລາວ, ຫ້ອງ ການ ປະສານງານສູນອາຊີ ມູນນິທິຍີ່ປຸ່ນ ແລະ ສະພາການ ຄ້າ ແລະ ອຸດສາຫະກໍາແຫ່ງ ຊາດລາວຮ່ວມກັນຈັດຂຶ້ນ. ເພື່ອແນໃສ່ຮັດແໜ້ນສາຍພົວ ພັນລະຫວ່າງຍີ່ປຸ່ນ ແລະ ລາວ, ອາຊຽນ ແລະ ທົ່ວໂລກ, ໂດຍ ການເຮັດກິດຈະກໍາທີ່ບົ່ງ ບອກໃຫ້ເຫັນເຖິງຄວາມຫຼາກ ຫຼາຍຂອງຍີ່ປຸ່ນເປັນຕົ້ນ: ທາງ ວັດທະນະທໍາ, ປະເພນີຕ່າງໆ, ນອກນີ້ ຍັງເຮັດກິດຈະກໍາເພື່ອ ເຊື່ອມຕໍ່ໄປສູ່ສາຍພົວພັນການຮ່ວມມືມິດຕະພາບ ແລະ ທຸລະ ກິດຂອງຍີ່ປຸ່ນ ແລະ ລາວ.

+ ງານວາງສະແດງຜະລິດຕະພັນເຟີນີເຈີລາວປີ 2018 ຈະຈັດຂຶ້ນແຕ່ ວັນທີ 13-21 ມັງກອນ

+ ຍີ່ປຸ່ນເພີ່ມງົບປະມານດ້ານການທະຫານ ໃນປີໜ້າເປັນ 46.000 ລ້ານໂດລາ

ງານດັ່ງກ່າວຈະເລີ່ມຕັ້ງແຕ່ເວລາ 18:00 ໂມງຂອງ ວັນທີ 2 ກຸມພາເປັນຕົ້ນໄປ. ໃນ ງານຈະມີອາຫານທີ່ມີຄຸນນະ ພາບສູງຂອງຍີ່ປຸ່ນ, ການວາງ ສະແດງສິນຄ້າຍີ່ປຸ່ນ ເພື່ອແນະ ນໍາຜະລິດຕະພັນ, ເຕັກໂນໂລຊີ, ການບໍລິການຂອງບໍລິສັດຍີ່ ປຸ່ນ, ຂາຍ ແລະ ທົດສອບການ ຕະຫຼາດ ແລະ ຈະມີການນໍາ ສະເໜີບໍລິສັດຍີ່ປຸ່ນ, ມີການ ສະແດງຕີກອງຍີ່ປຸ່ນ, ການ ສະແດງວິລະບຸລຸດຂອງ ຍີ່ ປຸ່ນ, ການຍ່າງສະແດງຊຸດກິ ໂມໂນ, ການແຂ່ງຂັນແຕ່ງ ກາຍຄອສເພສ, ການແຂ່ງ ຂັນເຕັ້ນ J-pop cover dance), ການຟ້ອນບົງໂອ ໂດຣິ ແລະ ຈະມີງານຄອນ ເສີດທີ່ມີນັກສິລະປິນທີ່ມີຊື່ ສຽງຂອງລາວ ແລະ ຍີ່ປຸ່ນເຂົ້າ ຮ່ວມ. ນອກນີ້ ຍັງມີການບໍລິ ການລົດເມ ໄອເຕັກ-ຕະຫຼາດ ເຊົ້າໂດຍບໍ່ໄດ້ເສຍຄ່າສໍາລັບ ບຸນມະໂຫລານຍີ່ປຸ່ນຄັ້ງນີ້.