ຕຳຫລວດເມືອງບໍລິຄັນຈັບຜູ້ຖືກຫາພ້ອມຂອງກາງຢາບ້າ 153 ເມັດ
ພາຍຫລັງເຈົ້າໜ້າທີ່ ປກສ ເມືອງບໍລິຄັນ ແຂວງ ບໍລິຄຳໄຊ ໄດ້ຮັບແຈ້ງຈາກ ພົນລະເມືອງດີໃນວັນທີ 10 ມັງກອນນີ້ວ່າ: ມີການລັກລອບ ຂາຍຢາເສບຕິດຢູ່ເຮືອນ ຂອງ ທ້າວ ກອງ ອາຍຸ 44 ປີ, ຢູ່ບ້ານ ຫວ້າ ເມືອງບໍລິຄັນ, ຈຶ່ງໄດ້ນຳກຳລັງເຂົ້າກວດຄົ້ນ ເຮືອນຂອງ ທ້າວ ກອງ, ຈຶ່ງ ພົບເຫັນຢາເສບຕິດປະເພດ ຢາບ້າ ຈຳນວນ 153 ເມັດ ຊຸກ ເຊື່ອງໄວ້ໃນຖົງເສື້ອຜູ້ກ່ຽວ ຈຶ່ງໄດ້ຢຶດໄວ້ເປັນຫລັກຖານ ເພື່ອດຳເນີນຄະດີຕາມລະບຽບ ກົດໝາຍ.
ຜ່ານການສືບສວນ-ສອບ ສວນຂອງເຈົ້າໜ້າທີ່, ທ້າວ ກອງ ໄດ້ຮັບສາລະພາບວ່າ: ໃນ ວັນທີ 8 ມັງກອນຕົນເອງ ໄດ້ໄປຊື້ຢາບ້ານຳໝູ່ ຢູ່ບ້ານ ທົ່ງນາມີ ເມືອງປາກກະດິງ ແຂວງບໍລິຄຳໄຊ ຈຳນວນ 160 ເມັດ ແລະ ມາຮອດວັນ ທີ 9 ມັງກອນໄດ້ກັບຄືນມາ ບ້ານເພື່ອເອົາຢາບ້າມາຂາຍ ໃຫ້ໄວລຸ້ນພາຍໃນບ້ານ ແລະ ບ້ານໃກ້ຄຽງແລ້ວຈຳນວນ ໜຶ່ງມາຮອດເວລາປະມານ 15 : 45 ໂມງ ຂອງວັນທີ 10 ມັງກອນ ຈຶ່ງຖືກເຈົ້າໜ້າທີ່ກັກ ຕົວພ້ອມຂອງກາງດັ່ງກ່າວ.
ປັດຈຸບັນເຈົ້າໜ້າທີ່ພວມ ເລັ່ງຂະຫຍາຍຜົນຫາຜູ້ຮ່ວມ ຂະບວນການເພື່ອຈັບຕົວ ມາດຳເນີນຄະດີຕາມລະບຽບ ກົດໝາຍ.
+ ປກສ ເມືອງບໍລິຄຳໄຊ ຈັບຜູ້ຕ້ອງຫາພ້ອມຂອງກາງຢາບ້າ 385 ເມັດ
+ ປກສ ເມືອງສີສັດຕະນາກຈັບໄວລຸ້ນຄ້າຢາບ້າ ພ້ອມຂອງກາງຫລາຍກວ່າ 1.000 ເມັດ
