3 ເຕັກນິກຊ່ວຍຝຶກສະມາທິໃນການເຮັດວຽກ

     ມື້ນີ້ພວກເຮົານຳເອົາເຕັກນິກການຝຶກສະໝອງໃຫ້ພ້ອມກັບສະພາບທີ່ມີສິ່ງລົບກວນຈິດໃຈໃຫ້ສະໝອງສາມາດປັບເຂົ້າສູ່ລະບົບ ສະມາທິໄດ້ໄວ ຫລື ໃຫ້ສະມາທິບໍ່ແກ່ວງໄດ້ງ່າຍມາແນະນຳ.

1. ເຮັດວຽກທີ່ຕ້ອງໃຊ້ຄວາມຄິດສ້າງສັນກ່ອນ : ສ່ວນຫລາຍຄົນເຮົາກໍມັກຈະເລືອກເຮັດວຽກງ່າຍໆ ຫລື ເຮັດຫຍັງທ່ີບໍ່ຕ້ອງຄິດກ່ອນເປັນຫລັກ ແລ້ວຄ່ອຍໄປເຄຍວຽກຍາກໆຕາມຫລັງ, ແຕ່ໃນຄວາມຈິງແລ້ວວິທີດັ່ງກ່າວນັ້ນ ເຮັດໃຫ້ທ່ານໃຊ້ພະລັງງານໄປບໍ່ໜ້ອຍ ທັງຍັງເຮັດໃຫ້ສະມາທິຂອງທ່ານໜ້ອຍລົງ (ທ່ານຕ້ອງບໍ່ລືມວ່າລະຫ່ວາງທີ່ທ່ານກຳລັງຫ້າວຫັນຢູ່ນັ້ນ ທ່ານຈະສາມາດຈຳກັດຂອບເຂດວຽກໄດ້ດີກ່ວາໄລຍະທີ່ທ່ານເຊື່ອງຊຶງ) ທັງນີ້ຍ້ອນທຸກການຄິດ ແລະ ການຕັດສິນໃຈນັ້ນຈະໃຊ້ພະລັງງານຂອງສະໝອງບໍ່ຫລາຍກໍໜ້ອຍ. ສະນັ້ນແລ້ວທ່ານຄວນເບິ່ງວ່າໃນແຕ່ລະມື້ມີວຽກຫຍັງທີ່ທ່ານຈຳເປັນຕ້ອງໃຊ້ສະມາ ທິ ແລະ ຄວາມຄິດສ້າງສັນ ຈາກນັ້ນຟ້າວເຮັດມັນເປັນສິ່ງທຳອິດໃນໄລຍະທີ່ທ່ານກຳລັງຫ້າວຫັນຢູ່. ສ່ວນວຽກທີ່ບໍ່ຕ້ອງໃຊ້ຄວາມຄິດນັ້ນຄ່ອຍໄປເຮັດຕາມຫລັງຈະດີກ່ວາ.
2. ວາງແຜນການໃຊ້ເວລາຢ່າງຮອບຄອບ : ຈາກການສຶກສານັ້ນພົບວ່າຄົນທົ່ວໄປມັກຈະມີໄລຍະເວລາໃນການເຮັດວຽກທີ່ສາມາດມີສະມາທິປະມານ 6 ຊົ່ວໂມງຕໍ່ອາທິດ ເມື່ອເປັນແນວນີ້ແລ້ວທ່ານຄວນຈະຄິດດີໆວ່າຈະໃຊ້ເວລາດັ່ງກ່າວກັບຫຍັງແດ່ ເຊິ່ງຕ້ອງບອກວ່າແຕ່ລະຄົນມີໄລຍະເວລາດັ່ງກ່າວນີ້ບໍ່ຄືກັນ, ບາງຄົນເໝາະສົມກັບການເຮັດວຽກໃນໄລຍະເຊົ້າ, ບາງຄົນເໝາະສົມກັບໄລຍະກາງຄືນ ທັງບາງຄົນອາດຈະເໝາະສົມກັບການຄິດວຽກຢູ່ນອກຫ້ອງການ. ສະນັ້ນແລ້ວທ່ານຕ້ອງລອງສຳຫລວດໂຕເອງ ແລະ ຕັ້ງຄຳຖາມວ່າທ່ານຈະໃຊ້ໄລຍະເວລາທີ່ເຮັດວຽກດີທີ່ສຸດຂອງທ່ານເຫລົ່ານີ້ໄປກັບຫຍັງແດ່.
3. ຝຶກໃຊ້ສະໝອງຄືກັບທ່ີທ່ານອອກກຳລັງກາຍ : ການເຮັດວຽກ Multitasking ເລື້ອຍໆ ເປັນການເຮັດໃຫ້ທ່ານລຶ້ງເຄີຍກັບການເຮັດວຽກໂດຍບໍ່ໄດ້ຈຳກັດຂອບເຂດ ແລະ ສຸດທ້າຍທ່ານກໍຈະສູນເສຍທັກສະການເຮັດວຽກແບບໃຊ້ສະມາທິໄປໂດຍບໍ່ຮູ້ໂຕ ເມື່ອເປັນແນວນີ້ແລ້ວມັນຈຶ່ງເປັນເລື່ອງສຳຄັນທີ່ທ່ານຄວນຈະຝຶກໂຕເອງໃຫ້ຍັງມີການເຮັດວຽກແບບຈົດຈໍ່ ແລະ ໃຊ້ສະມາທິຢູ່ເລື້ອຍໆລອງປິດໂທລະສັບມືຖື ແລະ ຕັດສິ່ງລົບກວນອອກໄປຈາກການເຮັດວຽກ ເຊັ່ນ : Go Offline ຫລື ໄປເຮັດວຽກໃນ ຫ້ອງງຽບໆ ອາດຈະບໍ່ຕ້ອງໃຊ້ເວລາຫລາຍ, ແຕ່ກໍເຮັດຢູ່ສະເໝີໃຫ້ຮ່າງກາຍ ແລະ ສະໝອງຂອງທ່ານລຶ້ງເຄີຍກັບການເຮັດວຽກ ແບບນີ້ຢູ່ເລື້ອຍໆ.