ເປີດແຜນງານລາວ 030 ແຂວງວຽງຈັນຢ່າງເປັນທາງການ

ພິທີເປີດແຜນງານະພັດທະນາທ້ອງຖິ່ນແຂວງວຽງຈັນ 030 ໄດ້ມີຂຶ້ນຢ່າງເປັນທາງການໃນຕອນເຊົ້າວັນທີ 10 ມັງກອນີ້ຢູ່ທີ່ພະແນກແຜນການ-ການລົງທຶນແຂວງດັ່ງກ່າວ, ໂດຍການເປັນປະທານຂອງທ່ານຮອງເຈົ້າແຂວງໆວຽງຈັນ.

ຫົວໜ້າພະແນກແຜນການ-ການລົງທຶນແຂວງວຽງຈັນກ່າວວ່າ: ໂຄງການນີ້ແມ່ນໄດ້ຮັບການຊ່ວຍເຫຼືອຈາກລັດຖະບານລຸກຊຳບວກ ໃນມູນຄ່າ 5,5 ລ້ານຢູໂລ ໂດຍມີໄລຍະເວລາຈັດຕັ້ງປະຕິບັດ5ປີເລີ່ມແຕ່ປິ 2017 ເປັນຕົ້ນໄປ, ກວມເອົາ 41ບ້ານໃນ 4 ເມືອງຄື: ເມືອງຫີນເຫີບ, ເມືອງແມດ, ກາສີ ແລະ ເມືອງເຟືອງ ເຊິ່ງຈະສຸມໃສ່ຈັດຕັ້ງປະຕິບັດໃນຂະແໜງການສຶກສາ, ສາທາລະນະສຸກ, ກະສິກຳ, ໂຍທາທິການ ແລະ ຂົນສົ່ງ ເຊິ່ງປະກອບດ້ວຍກິດຈະກຳຕ່າງໆຄືກໍ່ສ້າງ ແລະ ສ້ອມແປງໂຮງຮຽນ, ນໍ້າລິນ, ຂົວຂ້າມນໍ້າ, ສ້າງກອງທຶນພັດທະນາບ້ານ ແລະ ອື່ນໆ.