ດີໃຈຮ້ານຍິບໆຍັບໆຈະໝົດໄປ

ເພື່ອນຜູ້ອ່ານທີ່ຮັກແພງ, ເມື່ອກ່ອນພວກເຮົາຕ່າງກໍເຄີຍ ວິພາກວິຈານກັນຫລາຍໃນ ເລື່ອງໄພສັງຄົມອັນເປັນສິ່ງ ເສດເຫລືອ ແລະ ເປື່ອຍເຍື່ອ ຂອງສັງຄົມເກົ່າເໜົ່າເໝັນ ປະໄວ້ ແລະ ທຸກຂະແໜງການ ກໍໄດ້ສຸມໃສ່ກຳຈັດປັດເປົ່າມັນ ມາໂດຍຕະຫລອດແຕ່ເບິ່ງຄື ວ່ານັບມື້ຍິ່ງຮ້າຍແຮງ. ໂດຍ ສະເພາະແມ່ນການຂາຍບໍລິ ການທາງເພດ, ນັບທັງໃນລັກ ສະນະແອບແຝງຢູ່ນຳຮ້ານອົບ ນວດ, ຮ້ານບັນເທີງ, ໂຮງແຮມ ແລະ ເຮືອນຜັກຕ່າງໆແລ້ວ, ປັດຈຸບັນຍິງເປີດແປນ, ໂດຍສະ ເພາະພວກຫາກິນແບບນີ້ຈະຕັ້ງ ເປັນຮ້ານເລັກຮ້ານນ້ອຍ, ຂາຍ ກາເຟເຄື່ອງດື່ມ, ຮ້ານຄາລາ ໂອເກະ ແບບໄຟເຫລື່ອມຍິບໆ ຍັບໆ ກໍມີຢ່າງຫລວງຫລາຍ ໂດຍສະເພາະຕົວເມືອງໃຫຍ່ ຕ່າງໆ ດັ່ງເມືອງເອກເຮົາກໍມີ ຫລາຍເກືອບວ່າທຸກຖະໜົນ ຫົນທາງໃນເຂດຊານເມືອງ ແມ່ນມີໄປທົ່ວ, ເຂດດົງນາ ໂສກ ມີ, ຖະໜົນສີວິໄລໂພນຕ້ອງມີ, ອອກໄປ ເຂດບ້ານນ້ອຍຊຽງ ດາມີ ແລະ ກ້າວໄປຮອດເຂດ ໜອງບຶກ, ໜອງພະຍານາພອກ ຫລາຍໆຈຸດແມ່ນມີບໍ່ອຶດ… ແລ້ວໃຜຈະ ປາບມັນໃນ ເມື່ອຂະ ແໜງການກ່ຽວຂ້ອງ, ອຳນາດ ການປົກຄອງ ແລະ ເຈົ້າໜ້າ ທີ່ຮັກສາຄວາມສະຫງົບຫາກ ບໍ່ໃສ່ໃຈ ຫລື ຖ້າມີສ່ວນຮ່ວມກໍ ຍິງຮ້າຍແຮງ ແລະ ສິ່ງເຢື່ອຍ ນີ້ຖ້າເຮົາບໍ່ອອກ ແຮງປາບແຕ່ ຫົວທີກໍນັບມື້ຮ້າຍແຮງ, ກໍດັ່ງ ປັດຈຸບັນນີ້ເລີ່ມປະກົດເຫັນມີ ການໂຊຕົນ, ໂຊໂຕ, ໂຊໃຫຍ່, ໂຊນ້ອຍໃນສື່ສັງຄົມ ອອນລາຍ, ເຟດສະບຸກຕ່າງໆ.

ເພື່ອຍົວະຍວນ ສິ່ງລາມົກ ອານາຈານດັ່ງກ່າວຄ່ອຍໆ ເປີດ ແປນ, ເອົາລະເວົ້າມາກໍຫລາຍ ແຕ່ເມື່ອມໍ່ໆນີ້ຂະແໜງກ່ຽວຂ້ອງ ຂອງນະຄອນຫລວງໄດ້ອອກ ມາຊີ້ແຈງວ່າ: ຕົນມີແຜນຈະ ປາບສິ່ງຫຍໍ້ທໍ້ນີ້ໃຫ້ໝົດໄປ ເພື່ອສ້າງຄວາມສົດໃສໃຫ້ຕົວ ເມືອງຫລວງພວກເຮົາສົມເປັນ ສູນກາງການເມືອງ, ເສດຖະ ກິດ ແລະ ວັດທະນະທຳສັງຄົມ ຂອງຊາດ, ເຊິ່ງຈະບໍ່ອະນຸຍາດ ໃຫ້ຊາດອື່ນເຂົ້າມາສ້າງ ແລະ ທຳລາຍກຽດສັກສີດັ່ງກ່າວໄດ້.

+ ບັນຫາໄພສັງຄົມຕ້ອງເລັ່ງສະກັດກັ້ນ

+ ເບິ່ງຄືນໂຮງອົບນວດແອບແຝງຫລາຍຢ່າງ