ເຊກອງ-ເທືອທຽນເຫ້ວເພີ່ມທະວີຮ່ວມມືດ້ານວຽກງານສາທາລະນະສຸກ

ພິທີ່ຮ່ວມລົງນາມໃນບົດບັນທຶກຄວາມເຂົ້າໃຈການຕົກລົງເພີ່ມທະວີການຮ່ວມມືດ້ານວຽກງານສາທາລະນະສຸກລະຫວ່າງ ແຂວງເຊກອງ ແລະ ໂຮງໝໍສູນກາງແຫ່ງທີ່ 2 ໃນແຂວງເທືອທຽນເຫ້ວແຫ່ງສສ ຫວຽດນາມ,   ໄດ້ມີຂຶ້ນ ໃນວັນທີ 6 ເມສານີ້, ໃນໂອກາດທີ່ຄະນະຜູ້ແທນໂຮງໝໍ ດັ່ງກ່າວ ເຊິ່ງນຳໂດຍທ່ານ ຟ້າມ ຍືທຽບ ສະມາຊິກສະພາ ແຫ່ງ ຊາດ ສສ ຫວຽດນາມ ທັງເປັນ ອຳນວຍການໃຫຍ່ໂຮງໝໍສູນ ກາງແຫ່ງນີ້.

ໃນບົດບັນທຶກໄດ້ລະບຸວ່າ:  ເຖິງວ່າການພົວພັນຮ່ວມມືຊ່ວຍ ເຫລືອລະຫວ່າງສອງທ້ອງຖິ່ນ, ໃນໄລຍະຜ່ານມາໄດ້ມີ ໝາກຜົນຫລາຍດ້ານ, ໂດຍສະເພາະດ້ານສາທາລະນະສຸກກໍມີຜົນສຳເລັດຕົວຈິງໃນການຊ່ວຍກໍ່ສ້າງພະນັກງານ ແພດໝໍໃຫ້ແກ່ກັນ, ພ້ອມນັ້ນຝ່າຍຫວຽດນາມຍັງໄດ້ຕັ້ງໜ້າເຂົ້າມາເຄື່ອນໄຫວກວດພະຍາດ ແລະ ຈ່າຍຢາປິ່ນ ປົວໃຫ້ປະຊາຊົນຜູ້ທຸກຍາກຂາດເຂີນໃນ ແຂວງເຊກອງໄດ້ຮັບຜົນສຳເລັດເປັນຢ່າງດີ.  ແຕ່ໃນຕໍ່ໜ້າ ແລະ ຍາວ ນານສອງຝ່າຍຈະໄດ້ເພີ່ມທະວີການຊ່ວຍເຫລືອ ເຊິ່ງກັນ ແລະ ກັນໃນຂົງເຂດວຽກງານສາທາລະນະສຸກໃຫ້ຫລາຍ ຂຶ້ນ, ໂດຍສະເພາະສືບຕໍ່ເພີ່ມທະວີຊ່ວຍເຫລືອກໍ່ສ້າງ ພະນັກງານແພດໝໍໃນຂະແໜງການຕ່າງໆ ໃຫ້ແກ່ແຂວງ ເຊກອງຫລາຍຂຶ້ນ ແລະ ແຕ່ລະປີສອງຝ່າຍຈະພ້ອມກັນ ແລກປ່ຽນຢ້ຽມຢາມຖອດຖອນບົດຮຽນ ແລະ ປະສົບ ການຕ່າງໆໃນການຮັກສາປິ່ນປົວສຸຂະພາບຂອງປະຊາຊົນໃຫ້ມີຄຸນນະພາບດີຂຶ້ນ.