ປາແລັສຕິນກ່າວວ່ານະຄອນຫລວງ ເຢລູຊາເລມບໍ່ໄດ້ມີໄວ້ຂາຍ
ລັດຖະບານປາແລັສຕິນປະນາມຄຳຂົ່ມຂູ່ຖອນການຊ່ວຍເຫລືອຂອງປະທານາທິບໍດີອາເມລິກາ ຈາກຄວາມຂັດແຍ່ງເລື່ອງສະຖານະນະຄອນເຢລູຊາເລມ ວ່າຄວາມສຳຄັນຂອງນະຄອນສັກສິດແຫ່ງນີ້ “ຕີລາຄາມູນຄ່າບໍ່ໄດ້”.
#BREAKING Palestinian president Mahmud Abbas's office says Jerusalem is "not for sale" after US President Donald Trump threatens to cut annual aid of more than $300 million to force them to the negotiating table
— AFP News Agency (@AFP) January 3, 2018
ສຳນັກຂ່າວຕ່າງປະເທດລາຍງານຈາກເມືອງຣາມັລເລາະ ລັດປາແລັສຕິນ ໃນວັນທີ 4 ມັງກອນວ່າ: ທ່ານ ນາບິລ ອາບູ ຣູໄດນາ ໂຄສົກທຳນຽບປະທານາທິບໍດີປາແລັສຕິນ ກ່າວໃນວັນທີ 3 ມັງກອນວ່າ: ລັດຖະບານປາແລັສຕິນບໍ່ເຄີຍປິດກັ້ນໂອກາດໃນການເຈລະຈາສັນຕິພາບກັບອິດສະລາແອນ, ແຕ່ການຫາລືຕ້ອງເປັນໄປຕາມພື້ນຖານຂອງກົດໝາຍສາກົນ ແລະ ມະຕິຂອງສະຫະປະຊາຊາດ (UN) ທີ່ລະບຸເຖິງການຮັບຮອງອະທິປະໄຕຂອງລັດປາແລັສຕິນ ໂດຍມີເມືອງຫລວງຄືນະຄອນຫລວງເຢລູຊາເລມຕາເວັນອອກ, ພ້ອມທັງເນັ້ນວ່າ: ນະຄອນສັກສິດແຫ່ງນີ້ຄື “ເມືອງຫລວງຕະຫລອດການ” ຂອງລັດປາແລັສຕິນ ທີ່ບໍ່ສາມາດຕີລາຄາເປັນຄຳ ຫລື ເງິນຫລາຍພັນລ້ານໂດລາສະຫະລັດໄດ້.
It's not only Pakistan that we pay billions of dollars to for nothing, but also many other countries, and others. As an example, we pay the Palestinians HUNDRED OF MILLIONS OF DOLLARS a year and get no appreciation or respect. They don’t even want to negotiate a long overdue…
— Donald J. Trump (@realDonaldTrump) January 2, 2018
ຂະນະທີ່ທ່ານນາງ ຮານານ ອາຣາວີ ໜຶ່ງໃນເຈົ້າໜ້າທີ່ລະດັບສູງຂອງລັດຖະບານປາແລັສຕິນ ກ່າວວ່າ: ປະທານາທິບໍດີ ໂດນັນ ທຣຳ ທຳລາຍຄວາມພະຍາມຂອງຊາວປາແລັສຕິນໃນການສະແຫວງຫາສັນຕິພາບ, ເສລີພາບ ແລະ ຄວາມຍຸຕິທຳ, ແຕ່ພັດກ່າວໂທດຊາວປາແລັສຕິນຈາກການກະທຳອັນໄຮ້ເຊິ່ງຄວາມຮັບຜິດຊອບຂອງຕົນເອງ, ຕໍ່ຈາກນີ້ລັດຖະບານປາແລັສຕິນຈະບໍ່ມີທາງຕົກເປັນເຄື່ອງມືຂອງການຂົ່ມຂູ່ອີກຕໍ່ໄປ.
