ສົມສະໜຸກຟາມຍັງຮັກສາຟອມຕາຕະລາງ ຄະແນນໃນການແຂ່ງຂັນຟຸດຊໍປະຈໍາອາທິດນີ້

ການແຂ່ງຂັນຟຸດຊໍລີກປະຈໍາປີ 2017 ໄດ້ດໍາເນີນມາແຕ່ເດືອນຕຸລາ 2017 ເປັນຕົ້ນມາ ໂດຍມີ 10 ທີມເຂົ້າຮ່ວມ ສ່ວນຮູບແບບການແຂ່ງຂັນແຕ່ລະທີມແມ່ນໄດ້ພົບກັນໝົດພ້ອມທັງສະສົມຄະແນນ ເຊິ່ງການແຂ່ງຂັນໄດ້ດໍາເນີນມາຮອດປັດຈຸບັນທີມສົມສະໜຸກຟາມ ເອັຟຊີ ຍັງຮັກສາຜູ້ນໍາອັນດັບທີ 1 ຂອງຕາຕະລາງຄະແນນປະຈໍາອາທິດນີ້ ຈາກການລົງໜາມ 8 ຄັ້ງ ຊະນະ 8 ຄັ້ງ ລວມມີ 24 ຄະແນນ, ອັນດັບທີ 2 ທີມນະຄອນຫລວງ ຢູໄນເຕັດ ຈາກການລົງສະໜາມ 8 ຄັ້ງ, ຊະນະ 7 ຄັ້ງ, ເສຍ 1 ຄັ້ງ, ລວມມີ 21 ຄະແນນ, ຂະນະທີ່ອັນດັບທີ 3 ຕົກເປັນຂອງທີມ ເອສທີທີ ເອັຟຊີ ຈາກການລົງສະໜາມ 8 ຄັ້ງ, ຊະນະ 6 ຄັ້ງ, ເສຍ 2 ຄັ້ງ, ລວມມີ 18 ຄະແນນ.

ສ່ວນອັນດັບທີ 4 ຕົກເປັນຂອງທີມ ສູນກິລາສະເຕດ້ຽມ ເອັຟຊີ ຈາກການລົງສະໜາມ 7 ຄັ້ງ, ຊະນະ 5 ຄັ້ງ, ເສຍ 2 ຄັ້ງ, ລວມມີ 15 ຄະແນນ, ອັນດັບທີ 5 ເປັນຂອງທີມດີເຄ ເອັຟຊີ ຈາກການລົງສະໜາມ 7 ຄັ້ງ, ຊະນະ 3 ຄັ້ງ, ເສຍ 3 ຄັ້ງ, ສະເໝີ 1 ຄັ້ງ, ລວມມີ 10 ຄະແນນ, ອັນດັບທີ 6 ທີມມະຫາວິທະຍະໄລ ວິທະຍາສາດສຸຂະພາບ ລົງສະໜາມ 8 ຄັ້ງ, ຊະນະ 3 ຄັ້ງ, ສະເໝີ 1 ຄັ້ງ, ເສຍ 4 ຄັ້ງ, ລວມມີ 10 ຄະແນນ. ຂະນະທີ່ອັນດັບສຸດທ້າຍຕົກເປັນຂອງທີມ ວິທະຍາໄລລາວທ໋ອບ ລົງສະໜາມ 8 ຄັ້ງ, ເສຍ 8 ຄັ້ງ, ບໍ່ມີຄະແນນລວມ.

ສໍາລັບຕາຕະລາງການແຂ່ງຂັນວັນທີ 6 ມັງກອນ 2017 ນັດສຸດທ້າຍມີ 5 ຄູ່ລົງສະໜາມ ເຊິ່ງປະກອບມີ: ເວລາ 09:30 ສະໂມສອນ ນະຄອນຫລວງ ຢູໄນເຕັດ ພົບ ເອັຟຊີ ລັກກີ້, ເວລາ 10:50 ສະໂມສອນ ວິທະຍາໄລລາວທ໋ອບ ພົບ ສະໂມສອນ ກຣີນໄລເດີ້ ເອັຟຊີ,  ເວລາ 14:30 ສະໂມສອນ ບຸນເກີດສຶກສາ ເອັຟຊີ ພົບ ສະໂມສອນ ມວສ, ເວລາ 15:50 ສະໂມສອນ ເອັສທີທີ ເອັຟຊີ ພົບ ສະໂມສອນ ດີເຄ ເອັຟຊີ, ເວລາ 17:10 ສະໂມສອນ ສົມສະຫນຸກຟາມ ເອັຟຊີ ພົບ ສູນກິລາສະເຕດ້ຽມ ຫລັງຈາກຈົບການແຂ່ງຂັນນັດສຸດທ້າຍຈະມີພິທີມອບຂັນຊະນະເລີດໃຫ້ກັບ ທີມທີ່ຊະນະເລີດ , ອັນດັບ 2 ແລະ ອັນດັບ 3.