ອາເມລິກາຢຸດການຊ່ວຍເຫລືອ ທາງການເງິນແກ່ປາກິດສະຖານ
ລັດຖະບານວໍຊິງຕັນປະກາດຢຸດການຊ່ວຍເຫລືອທາງທະຫານແກ່ລັດຖະບານອິດສະລາມາບັດ ທ່າມກາງການພົວພັນລະຫວ່າງສອງປະເທດເຄັ່ງຕຶງຂຶ້ນ.
Nikki Haley: Trump administration withholding $255 million in assistance to Pakistan pic.twitter.com/h35S2bPicE
— Washington Examiner (@dcexaminer) January 2, 2018
ສຳນັກຂ່າວຕ່າງປະເທດລາຍງານຈາກນະຄອນນິວຢອກ ປະເທດສະຫະລັດອາເມລິກາ ໃນວັນທີ 2 ມັງກອນວ່າ: ທ່ານນາງ ນິກກີ ເຮລີ ເອກອັກຄະລັດຖະທູດອາເມລິກາປະຈຳສະຫະປະຊາຊາດ (UN) ກ່າວໃນວັນທີ 2 ມັງກອນວ່າ: ລັດຖະບານວໍຊິງຕັນໄດ້ຕັດສິນໃຈຢຸດການຊ່ວຍເຫລືອທາງທະຫານມູນຄ່າ 255 ລ້ານໂດລາສະຫະລັດແກ່ປາກິດສະຖານ ເນື່ອງຈາກລັດຖະບານອິດສະລາມາບັດ “ຕີສອງໜ້າ” ດ້ວຍການ “ໃຫ້ບ່ອນພັກອາໄສແກ່ກຸ່ມກໍ່ການຮ້າຍ”. ໃນຂະນະທີ່ອີກດ້ານໜຶ່ງສະແດງບົດບາດເປັນພັນທະມິດດ້ານການຕໍ່ຕ້ານການກໍ່ການຮ້າຍຂອງອາເມລິກາ.
https://twitter.com/PressTV/status/948218427621199872
ຂະນະທີ່ທ່ານນາງ ຊາຣາ ແຊນເດີ ໂຄສົກທຳນຽບຂາວ ກ່າວວ່າ: ປາກິດສະຖານສາມາດ “ເຮັດໄດ້ຫລາຍກວ່ານີ້” ເພື່ອຢຸດຢັ້ງການກໍ່ການຮ້າຍ ແລະ ອາເມລິກາຫວັງເປັນຢ່າງຍິ່ງວ່າລັດຖະບານອິດສະລາມາບັດຈະມີການເຄື່ອນໄຫວຢ່າງມີປະສິດທິພາບເພີ່ມຂຶ້ນໃນອະນາຄົດອັນໃກ້ນີ້. ສ່ວນຖະແຫລງການໂດຍສະພາຄວາມໝັ້ນຄົງແຫ່ງຊາດຂອງອາເມລິກາ (NSC) ລະບຸວ່າ: ລັດຖະບານອິດສະລາມາບັດບໍ່ໄດ້ສະໜັບສະໜູນນະໂຍບາຍຍຸດທະສາດດ້ານຄວາມໝັ້ນຄົງຂອງອາເມລິກາໃນອາຊີໃຕ້ “ຢ່າງພຽງພໍ”.
