ທະນາຄານເອຊີລີດາສະຫລອງສົ່ງທ້າຍປີເກົ່າຕ້ອນຮັບປີໃໝ່ດ້ວຍບັນຍາກາດມ່ວນຊື່ນ

ໃນທ້າຍອາທິດຜ່ານມານີ້, ທະນາຄານເອຊີລີດາສໍານັກງານໃຫຍ່, ຢູ່ນະຄອນຫລວງວຽງຈັນ, ໄດ້ຈັດພິທີສະເຫລີມ ສະຫລອງສົ່ງທ້າຍປີເກົ່າ ພສ 2559 ແລະ ຕ້ອນຮັບປີໃໝ່ ພສ 2560 ດ້ວຍ ບັນຍາກາດຟົດຟື້ນມ່ວນຊື່ນ, ໂດຍມີ ທ່ານ ນາຣີນພອນ ຜູ້ອໍານວຍການໃຫຍ່, ພ້ອມດ້ວຍພະນັກງານເຂົ້າຮ່ວມ ເປັນຈໍານວນ ຫລາຍ, ເຊິ່ງໄດ້ຈັດໃຫ້ ມີພິທີສູດຫລົດນໍ້າ, ບາສີສູ່ຂວັນຕາມຮີດຄອງປະເພນີ ແລະ ຈັດງານລ້ຽງ ພາເຂົ້າສາມັກຄີ ເພື່ອເປັນການ ຮັດແໜ້ນຄວາມສາມັກຮັກແພງຂອງພະນັກງານ ແລະ ອວຍໄຊ ໃຫ້ພອນ ເຊິ່ງກັນ ແລະ ກັນໃນ ໂອກາດ ປີໃໝ່ລາວໃຫ້ມີສຸຂະພາບເຂັ້ມແຂງ, ພະລານາໄມສົມບູນ, ປະສົບຜົນສໍາເລັດໃນວຽກ ງານຍິ່ງໆຂຶ້ນ.

ໃນໂອກາດນີ້, ທ່ານອໍາ ນວຍການທະນາຄານກ່າວວ່າ: ຕະຫລອດໜຶ່ງປີຜ່ານມາ, ທະນາຄານເອຊີລີດາໄດ້ ມີຄວາມເຕີບໃຫຍ່ຂະຫຍາຍຕົວຂຶ້ນເປັນ ລໍາດັບ, ຍອດສີນເຊື່ອ ແລະ ເງິນຝາກມີອັດຕາເພີ່ມຂຶ້ນ, ອັນພົ້ນ ເດັ່ນແມ່ນໄດ້ສະໜອງເງິນກູ້ ໃຫ້ແກ່ຫົວໜ່ວຍທຸລະກິດຂະໜາດນ້ອຍ ແລະ ກາງໄດ້ເປັນຢ່າງດີຕາມແນວ ທາງນະໂຍບາຍຊຸກຍູ້ການເຕີບໃຫຍ່ດ້ານ ເສດຖະກິດພັກ ແລະ ລັດຖະບານ, ກໍຄືການປະກອບສ່ວນ ສໍາຄັນເຂົ້າໃນການພັດທະນາເສດຖະກິດ-ສັງຄົມຂອງປະເທດໃຫ້ ເຂັ້ມແຂງຂຶ້ນເທື່ອລະກ້າວ.