ສະຫລອງປີໃໝ່ມ່ວນຫລາຍຈົນລືມລະບຽບ

ສະບາຍດີເພື່ອນຜູ້ອ່ານ, ໂດຍ ສະເພາະຜູ້ຢູ່ໃນນະຄອນຫລວງ ວຽງຈັນຫລາຍທ່ານກໍອາດລະ ເອີບອື່ມກັບບັນຍາກາດສົ່ງທ້າຍ ປີເກົ່າ 2017 ຕ້ອນຮັບປີໃໝ່ 2018. ປາກົດວ່າຟົດຟື້ນກວ່າ ຫລາຍໆປີ ຜ່ານມາ. ໃນຊ່ວງນາທີນັບຖອຍຫລັງອັນເປັນໄລຍະເວລາສັກສິດ ແລະ ສຳຄັນນັ້ນ ເກືອບວ່າທຸກທິດ, ທຸກມູນຢູ່ນະຄອນຫລວງວຽງຈັນໄດ້ຟົດສະ ນັ່ນໄປດ້ວຍການຈູດລູກພຸ, ບັ້ງໄຟ ດອກຂະໜາດນ້ອຍໃຫຍ່ ຮຸ່ງແຈ້ງ ໄປທົ່ວທ້ອງຟ້າເໝືອນດັ່ງການສະເຫລີມສະຫລອງໄຊຊະນະຂະໜາດໃຫຍ່ຂອງຊາດ ແລະ ກໍ ສົມຊື່ອີ່ຫລີເພາະກໍໃນຄຳ່ຄືນປີນີ້ເອງ. ນະຄອນຫລວງວຽງຈັນ ໄດ້ຖືໂອກາດເປີດປີທ່ອງທ່ຽວ 2018 ເຊັ່ນກັນ ຂຶ້ນຢູ່ສວນເຈົ້າອານຸວົງໃນເຂດແຄມຂອງ ເຊິ່ງ ມີຫລາຍກິດຈະກຳທີ່ສ້າງຄວາມເບີກບານມວນຊື່ນ ແລະ ຈັບອົກຈັບໃຈຜູ້ມາທ່ຽວເປັນຈຳນວນບໍ່ໜ້ອຍ, ນັບແຕ່ຂີ່ລົດໄຟຟ້າ ຊົມຄວາມສວຍງາມຂອງຕົວເມືອງ ແລະ ແຫລ່ງທ່ອງທ່ຽວ ທີ່ສຳຄັນຕ່າງໆ. ດັ່ງປະຕູໄຊ, ພະທາດຫລວງ ແລະ ວັດວາອາຣາມທີ່ໂດດເດັ່ນຕ່າງໆແລ້ວ, ຜູ້ ເຂົ້າຮ່ວມງານຍັງໄດ້ຊົມການສະ ແດງຄອນເສີດ, ສີລະປະວັນນະຄະດີ, ຈາກຄະນະສິລະປິນຜູ້ມີຊື່ ສຽງຂອງລາວເຮົາ, ພ້ອມໄດ້ສຳ ພັດກັບສິນຄ້າ-ອາຫານທີ່ເປັນ ເອກະລັກຂອງລາວ ແລະ ຊົມຮູບ ພາບຕ່າງໆທີ່ສ່ອງແສງໃຫ້ເຫັນ ເຖິງຄວາມຫລາກຫລາຍຂອງ ແຫລ່ງທ່ອງທ່ຽວລາວເຮົານີ້ ແມ່ນ ຄວາມມ່ວນຊື່ນລື່ນເລີງ ໃນໂອກາດຕ້ອນຮັບປີໃໝ່ ຄສ 2018 ຢູ່ນະຄອນຫລວງພວກ ເຮົາ. ແຕ່ຄຽງຄູ່ກັບບັນຍາກາດ ໂດດເດັ່ນ ດ່ັງກ່າວ, ກໍຍັງມີປະກົດການຫຍໍ້ ທໍ້ບາງຢ່າງຕາມມາ. ດັ່ງການຕັ້ງວົງເຫລົ້າວົງເບຍ, ຂອງສ່ວນບຸກຄົນຢູ່ຕາມບ້ານ ເຮືອນແຄມຖະໜົນຫົນທາງເບິ່ງ ແລ້ວຂ້ອນຂ້າງມົ້ວສຸມ ແລະ ຟູມເຟືອຍບ່ອນໃດກໍດື່ມ, ບ່ອນໃດ ມີສຽງຮ້ອງສຽງໂຮດັ່ງ ແຊວໆຢ່າງບໍ່ມີລະບຽບປະສານ ກັບສຽງຈູດກະໂພກເບິ່ງແລ້ວ ຂ້ອນຂ້າງໄປໃນ ທາງອີເຕືອກ. ເມົາມາຂີ່ລົດເປັນພິງເປັນແພ, ຂາດການເຄົາລົບລະບຽບຈະລາ ຈອນສົ່ງຜົນໃຫ້ເກີດອຸປະຕິເຫດ ຕາມມາກໍອາດຈະມີຫລາຍ. ຢູ່ ລະຫວ່າງເສັ້ນທາງອານຸວົງມີຜູ້ ຂັບຂີ່ລົດຈັກຄັນໜຶ່ງເບິ່ງທ່າທາງ ກໍອາດຈະເມົາແດ່ແລ່ນຕຳເອົາ ເສົາໄຟເຍືອງທາງຈົນຂາດເຄິ່ງ, ສ່ວນຜູ້ຂັບຂີ່ກໍຢ້ານຈະເອົາຕົວ ບໍ່ລອດ,ເອົາລະເວົ້າມາກໍອາດຈະ ຫລາຍ, ແຕ່ສ່ວນສຳຄັນທ່ຽງ ທຳເຫັນວ່າ: ຖ້າເຮົາເຮັດຫຍັງກໍ ຄວນເອົາໃຈໃສ່ຕໍ່ລະບຽບການ ຄຸ້ມຄອງໃຫ້ດີ, ການຫລິ້ນກິນກໍ ໃຫ້ຢູ່ໃນຂອບເຂດພໍດີພໍງາມ, ການ ຈູດກະໂພກກໍບໍ່ແມ່ນຈະຫ້າມ ແຕ່ຄວນກຳນົດວ່າຈູດຢູ່ເຂດໃດ ບ່ອນໃດໃຫ້ມີຄວາມປອດໄພ, ພ້ອມນັ້ນກໍຕ້ອງຄຳນຶງເຖິງນະໂຍ ບາຍປະຢັດມັດທະຢັດແດ່.

+ ນະຄອນຫລວງກຽມສະຫລອງປີໃໝ່ 2018 ແລະ ຖືໂອກາດນີ້ເປີດປີທ່ອງທ່ຽວ

+ ສະຫລອງປີໃໝ່ຕ້ອງໃສ່ໃຈຄວາມສະອາດຕົວເມືອງ