ສະພາອີຣານຮັບຮອງເຢລູຊາເລມ ເປັນເມືອງຫລວງຂອງປາແລັສຕິນ
ລັດຖະສະພາຂອງອີຣານໃນນະຄອນຫລວງເຕຮາຣານ ປະກາດຮັບຮອງນະຄອນຫລວງເຢລູຊາເລມເປັນ “ເມືອງຫລວງຕະຫລອດການ” ຂອງປາແລັສຕິນ, ສ່ວນຜູ້ນຳສູງສຸດຂອງອີຣານກ່າວວ່າ: ນະໂຍບາຍເລື່ອງອີຣານຂອງລັດຖະບານ ທຣຳ ຈະ “ລົ້ມເຫລວ” ເໝືອນລັດຖະບານ ເຣແກນ ທັງທີ່ຜູ້ນຳອາເມລິກາໃນຕອນນັ້ນ “ສະຫລາດກວ່າ” ຕອນນີ້ກໍຕາມ.
Iran declares Jerusalem "capital of Palestine" after Trump recognizes Jerusalem as capital of Israel https://t.co/fi9hK7n0hG pic.twitter.com/Spm6QAfDyJ
— The Hill (@thehill) December 28, 2017
Reagan was both wiser and more powerful than Trump. They took measures against Iran: they shot down one of our passenger aircrafts. But where is Reagan, and how powerful is the Islamic Republic now?
— Khamenei.ir (@khamenei_ir) December 27, 2017
ສຳນັກຂ່າວຕ່າງປະເທດລາຍງານຈາກນະຄອນຫລວງເຕຮາຣານ ປະເທດອີຣານ ໃນວັນທີ 28 ທັນວາວ່າ: “ມາຈິສ” ເຊິ່ງເປັນສະພາທີ່ປຶກສາແຫ່ງລັດ ຫລື ລັດຖະສະພາຂອງອີຣານ ມີມະຕິສຽງສ່ວນຫລາຍ 207 ສຽງ ຈາກທັງໝົດ 290 ສຽງ ໃນກອງປະຊຸມວັນທີ 27 ທັນວາ ປະກາດໃຫ້ນະຄອນຫລວງເຢລູຊາເລມເປັນ “ເມືອງຫລວງຕະຫລອດການ” ຂອງປາແລັສຕິນ. ການເຄື່ອນໄຫວທີ່ຈະແຈ້ງວ່າເປັນການຕອບໂຕ້ຄຳປະກາດ ໂດຍປະທານາທິບໍດີ ໂດນັນ ທຣຳ ໃນວັນທີ 6 ທັນວາຜ່ານມາວ່າ: ອາເມລິກາຮັບຮອງພື້ນທີ່ທັງໝົດຂອງນະຄອນຫລວງເຢລູຊາເລມ ໃນຖານະ “ເມືອງຫລວງຢ່າງເປັນທາງການ” ຂອງອິດສະລາແອນ.
ເຖິງວ່າຄຳປະກາດຂອງທ່ານ ທຣຳ ບໍ່ໄດ້ລະບຸ “ການປ່ຽນແປງ” ທີ່ຈະເກີດຂຶ້ນກັບອານາເຂດທັງໝົດຂອງນະຄອນຫລວງເຢລູຊາເລມ, ແຕ່ທ່າທີດັ່ງກ່າວຂອງຜູ້ນຳອາເມລິກາຖືເປັນ “ການເລືອກຂ້າງຢ່າງຈະແຈ້ງ” ຕໍ່ການຂັດແຍ່ງທີ່ຍືດເຍື້ອລະຫວ່າງອິດສະລາແອນກັບປາແລັສຕິນ ໂດຍສະມັດຊາໃຫຍ່ສະຫະປະຊາຊາດ (UNGA) ມີມະຕິສຽງສ່ວນຫລາຍ 128 ຕໍ່ 9 ສຽງ ລະບຸໃຫ້ຄຳປະກາດຂອງທ່ານ ທຣຳ “ເປັນໂມຂະ” ເນື່ອງຈາກເປັນການລະເມີດມະຕິຂອງສະພາຄວາມໝັ້ນຄົງແຫ່ງສະຫະປະຊາຊາດ (UNSC) ສະບັບປີ 1967 ວ່າດ້ວຍການກຳນົດເຂດແດນລະຫວ່າງອິດສະລາແອນກັບປາແລັສຕິນ.
