ຍອດຜູ້ເສຍຊີວິດຈາກພາຍຸພັດຖະຫລົ່ມ ຟີລິບປິນເພີ່ມຂຶ້ນເຖິງ 240 ຄົນແລ້ວ
ເຈົ້າໜ້າທີ່ຕຳຫຼວດຟີລິບປິນໄດ້ເປີດເຜີຍວ່າ: ລົມພາຍຸເຂດຮ້ອນເຕັມບິນພັດຖະຫຼົ່ມເກາະມິນດານາວທາງພາກໃຕ້ປະເທດຟີລິບປິນເຮັດໃຫ້ຢ່າງໜ້ອຍມີ 240 ຄົນເສຍຊີວິດ, ອີກ 70 ຄົນຫາຍສາບສູນ.
Philippines Tropical Storm Tembin kills more than 100 in Mindanaohttps://t.co/Y6PYRsyTTN pic.twitter.com/UU80csKusO
— BBC News (World) (@BBCWorld) December 23, 2017
ຜົນຕິດຕາມຈາກກົມອຸຕຸນິຍົມຂອງຟີລິບປິນໃຫ້ຮູ້ວ່າ: ມາຮອດເວລາ 11 ໂມງຂອງວັນທີ 23 ທັນວານີ້ຕາມເວລາທ້ອງຖິ່ນ, ໃຈກາງລົມພາຍຸເຂດຮ້ອນເຕັມບິນໄດ້ພັດຜ່ານເກາະມິນດານາວໄປແລ້ວ, ແຕ່ຍັງຈະກະທົບຕໍ່ເກາະປາລາວານທາງພາກຕາເວັນຕົກສຽງໃຕ້ປະເທດຟີລິບປິນ, ຄາດວ່າຈະເຄື່ອນຜ່ານປະເທດຟີລິບປິນໃນວັນທີ 24 ຫາວັນທີ 25 ທັນວານີ້.
ໃນຫຼາຍມື້ຜ່ານມາ, ຟີລິບປິນໄດ້ເກີດອາກາດຮ້າຍແຮງຫຼາຍເທື່ອ ໂດຍກ່ອນໜ້ານີ້ບໍ່ດົນ, ລົມພະຍຸໄຄຕັກໄດ້ພັດຖະຫຼົ່ມພາກກາງຟີລິບປິນສົ່ງຜົນເຮັດໃຫ້ຢ່າງໜ້ອຍມີ 80 ຄົນເສຍຊີວິດຫຼືຫາຍສາບສູນ.
