ທ່ຽວຫລວງພະບາງຊົມທຳມະຊາດວັດວາອາຮາມອັນເກົ່າແກ່ ແລະ ສວຍງາມ

ແຂວງຫຼວງພະບາງຍັງມີແຫຼ່ງທ່ອງທ່ຽວທໍາມະຊາດ, ວັດທະນະທໍາ, ວັດຖຸບູຮານປູສະນິຍະສະຖານອັນເກົ່າແກ່ ແລະ ສັກສິດຫລາຍແຫ່ງທີ່ພວກເຮົາບໍ່ຄວນເບິ່ງຂ້າມໃນການທີ່ຈະໄປພັກຜ່ອນຢ່ອນໃຈໃນໄລຍະບຸນປີໃໝ່ລາວເພື່ອຈະ ໄດ້ເຫັນຄວາມເປັນເອກະລັກສະເພາະອັນແທ້ຈິງຂອງເມືອງມໍລະດົກໂລກເປັນຕົ້ນແມ່ນ:

– ນໍ້າຕົກຕາດກວາງຊີ ຕັ້ງ ຢູ່ເຂດບ້ານທ່າແປ້ນ, ຫ່າງຈາກ ຕົວເມືອງຫຼວງພະບາງໄປປະມານ 25 ກິໂລແມັດ, ເປັນນໍ້າ ຕົກຕາດທີ່ມີຄວາມສູງປະມານ 80ແມັດ ແລະ ຫຼຸດລົງມາເປັນ ຊັ້ນໆ. ອ້ອມບໍລິເວນຕາດແມ່ນ ອຸດົມສົມບູນໄປດ້ວຍທໍາມະຊາດ ປ່າໄມ້ອັນຂຽວສົດງົດງາມປົກຄຸມຫຸ້ມໄປທົ່ວທຸກບ່ອນບວກກັບ ນໍ້າຕົກ ຕາດທີ່ມີສີຂຽວມໍລະກົດໄດ້ກາຍເປັນມົນສະເໜ່ ແລະ ສ້າງ ຄວາມປະທັບໃຈໃຫ້ນັກທ່ອງທ່ຽວ ທີ່ມາທ່ຽວ ຊົມຕາດແຫ່ງນີ້. ຕາມເສັ້ນທາງເດີນເຂົ້າຫາຕາດທ່ານຈະໄດ້ເຫັນວັງນໍ້າສີຂຽວງົດງາມຫຼາຍວັງ ເຊິ່ງທ່ານສາມາດ ລົງໄປອາບ ແລະ ລອຍຫຼິ້ນຢ່າງຊື່ນໃຈ. ນອກຈາກນັ້ນ, ຍັງມີການພະຈົນໄພ ຍ່າງເລາະປ່າ ເຊິ່ງເປັນກິດຈະກໍາ ອັນໜຶ່ງໃນ ການອອກກໍາລັງກາຍເພື່ອສຸຂະພາບໂດຍໄດ້ເລີ່ມແຕ່ບ້ານລ້ອງ ເລົາໄປຫາບໍລິເວນນໍ້າຕົກຕາດ ກວາງຊີໃຊ້ເວລາປະມານ 3-4ຊົ່ວໂມງ ແລະ ຕາມເສັ້ນທາງທ່ານ ຈະໄດ້ເບິ່ງໄດ້ຊົມຄວາມສວຍສົດງົດງາມຂອງ ທິວທັດ ທໍາມະຊາດ ແລະ ວິຖີຊີວິດ ຂອງ ຊາວເຜົ່າມົ້ງທີ່ຕັ້ງບ້ານເຮືອນ ຢູ່ຕາມສາຍທາງແຫ່ງດັ່ງກ່າວ. ດ້ວຍຄວາມປະທັບໃຈ.

–  ໜອງຂຽວ- ເມືອງງອຍ ເກົ່າຕັ້ງຢູ່ແຄມແມ່ນໍ້າອູ ເຊິ່ງຖືກ ອອ້ມຮອບໄປດ້ວຍພູຜາຫີນທີ່ ງົດງາມ ແລະ ສູງຊັນເປັນ ຖັ້ນ ເປັນແຖວບວກກັບປ່າໄມ້ທີ່ດົກໜາ ແລະ ຂຽວງາມ ປົກຄຸມໄປ ທົ່ວທຸກບ່ອນເຮັດໃຫ້ອາກາດ ເຂດນີ້ປອດໂປ່ງ ແລະ ສົດໃສດີ ຄອຍໆມີສາຍລົມພັດຜ່ານມາ ເປັນຮູດໆອັນໄດ້ກາຍເປັນມົນສະ  ເໜ່ດຶງດູດຈິດໃຈ ໃຫ້ຜູ້ມາທ່ຽວຊົມ. ຢູ່ບໍລິເວນໜອງຂຽວຍັງມີ ຂົວເກົ່າຂ້າມນໍ້າອູ ທີ່ຖືກສ້າງຂຶ້ນໃນປີ ຄສ 1973, ມີຮ້ານອາຫານ- ບໍລິການກິນດື່ມ ແລະ ເຮືອນພັກໄວ້ຄອຍບໍລິການ ເຊິ່ງ ໄດ້ມີໄຟຟ້າ-ນໍ້າປາປາເຂົ້າເຖິງ ເປັນທີ່ຮຽບຮ້ອຍແລ້ວ. ປັດຈຸບັນ ເຖິງແມ່ນວ່າ ໜອງຂຽວຈະ ໄດ້ ຮັບການພັດທະນາໃຫ້ມີຄວາມ ສະດວກສະບາຍຂຶ້ນເຊິ່ງບາງຈຸດ ກໍໄດ້ມີການເຕີມແຕ່ງໃຫ້ໂດດເດັ່ນ ແຕ່ກໍຍັງຄົງຮັກສາຄວາມ ເປັນເອກະລັກເປັນທໍາມະຊາດ ແບບດັ່ງເດີມຂອງ ມັນໄວ້ກັບບັນຍາກາດແບບງຽບສະຫງົບດີ, ເໝາະສົມແກ່ການມາພັກຜ່ອນ. ນອກຈາກນັ້ນແລ້ວ, ທ່ານສາ ມາດເດີນ ທາງໄປທ່ຽວຊົມ ແລະ ພັກຜ່ອນ ຢູ່ເມືອງງອຍເກົ່າໂດຍ ທາງເຮືອຂີ່ຂຶ້ນໄປຕາມລໍາແມ່ນໍ້າອູເຊິ່ງ ໃຊ້ເວລາປະມານ ໜຶ່ງຊົ່ວໂມງເຄິ່ງທ່ານກໍຈະຮອດ ເຊິ່ງເປັນ ສະຖານທີ່ພັກຜ່ອນຂອງນັ ທ່ອງທ່ຽວທີ່ໜີຈາກ ຄວາມແອອັດ ແລະ ມົນລະພິດຂອງຕົວເມືອງທີ່ສີວິໄລທັງໃກ້ ແລະ ໄກ. ພິເສດສຸດຢູ່ເມືອງງອຍເກົ່າທ່ານຈະ ໄດ້ຊິມລົດຊາດແຊບໆຂອງກຸ້ງໃຫຍ່ທໍາມະຊາດທີ່ຫຼົງລືມໄດ້ຍາກໃນຊ່ວງລະດູຝົນໂດຍສະ ເພາະກໍແມ່ນໃນເດືອນ ມີຖຸນາ- ເດືອນສິງຫາ.

–  ວັດຊຽງແມນ ກໍເປັນວັດເກົ່າແກ່ອີກແຫ່ງໜຶ່ງຂອງ ແຂວງຫຼວງພະບາງ ເຊິ່ງຕັ້ງ ຢູ່ທາງຝັ່ງຂວາຂອງ ແມ່ນໍ້າຂອງ ກົງກັນຂ້າມກັບຕົວເມືອງຫຼວງ ພະບາງ. ວັດຊຽງແມນເປັນວັດ ທີ່ໂດດເດັ່ນ ແລະ ສວຍງາມ ທາງດ້ານສິລະປະກໍາລວດລາຍລາວ ເຊິ່ງໄດ້ກາຍເປັນມິ່ງຂວັນ ແລະ ເປັນທີ່ເຄົາລົບບູຊາຂອງ ປະຊາຊົນໃນ ທ້ອງຖິ່ນ.

–  ບ້ານຈ່ານຕັ້ງຢູ່ແຄມແມ່ນໍ້າຂອງ ຂຶ້ນກັບເມືອງຈອມ ເພັດ, ເປັນບ້ານທີ່ມີຊື່ສຽງທາງດ້ານການປັ້ນໝໍ້ຫຼໍ່ໄຫມາ ແຕ່ບູຮານນະການດ້ວຍສີມືທີ່ປານີດ. ປະຊາຊົນເຂດບ້ານຈ່ານໄດ້ຢຶດຖືເອົາອາຊີບປັ້ນດິນເຜົາເປັນ ສ່ວນຫຼາຍ ແລະ ກາຍເປັນ ຜະ ລິດຕະພັນປະຈໍາບ້ານຈ່ານທີ່ ຖືກສົ່ງເຂົ້າໄປຂາຍໃນຕະຫຼາດ ຕ່າງໆພາຍໃນແຂວງ. ເມື່ອທ່ານ ໄປຮອດບ້ານຈ່ານ ທ່ານກໍຈະໄດ້ເບິ່ງ ແລະ ໄດ້ຊົມວິທີການປັ້ນ ໝໍ້ ຫຼໍ່ໄຫຂອງປະຊາຊົນເຂດນັ້ນພ້ອມທັງຊື້ສິນຄ້າ ເຫຼົ່ານັ້ນຕິດໄມ້ຕິດມືມາເພື່ອໃຊ້ຊອຍ ແລະ ເປັນ ເຄື່ອງທີ່ລະນຶກ ຫຼືຂອງຕ້ອນຂອງຝາກເພາະເຄື່ອງເຫຼົ່ານັ້ນເໝາະ ສົມເຂົ້າໃນການຕົບແຕ່ງເອ້ຢ້ອງເຮືອນຊານບ້ານພັກຕ່າງໆ.

ໃນປີ 2018 ນີ້, ສປປ.ລາວ ເຮົາຈະໄດ້ເປີດປີທ່ອງທ່ຽວລາວຂຶ້ນ ເຊິ່ງທຸກສະຖານທີ່ທ່ອງທ່ຽວບໍສະເພາະ ແຕ່ຢູ່ຫລວງພະບາງ ເຊິ່ງບ່ອນອື່ນໆກໍຈະໄດ້ ພ້ອມກັນປັບປຸງປົວແປງໃຫ້ມີຄວາມງົດງາມ ແລະ ສ້າງສິ່ງ ອຳນວຍຄວາມສະດວກຕ່າງໆສາມາດດຶງດູດ ແລະ ຮອງຮັບຜູ້ ມາທ່ຽວໃຫ້ຫລາຍຂຶ້ນ.