ເມືອງຊົນນະບູລີວາງສີລາລືກກໍ່ສ້າງສູນອະນຸລັກປ່າໂຄກ

ເຊົ້າວັນທີ 12 ທັນວານີ້, ອຳນາດການປົກຄອງເມືອງ ຊົນນະບູລີຮ່ວມກັບເຖົ້າແກ່ ແນວໂຮມພາຍໃນບ້ານ ແກ້ວ ຄຳດີ ແລະພາກສ່ວນກ່ຽວຂ້ອງ ຈາກສູນກາງ ໄດ້ພ້ອມກັນວາງ ສີລາລືກໂຄງການກໍ່ສ້າງສູນ ອະນຸລັກປ່າໂຄກ, ໂດຍການເຂົ້າ ຮ່ວມຂອງທ່ານ ທ່ອນແກ້ວ ພຸດ ທະໄກຍະລາດ ຮອງເຈົ້າແຂວງ ສະຫວັນນະເຂດ.

+ ວາງສີລາລຶກສ້າງອະນຸສາວະລີປະທານ ໄກສອນ ພົມວິຫານ ຢູ່ເມືອງໄຊບູລີ

+ ໂຄງການໄຟຟ້າພະລັງນໍ້າໄຊຍະບູລີ ສຳເລັດແລ້ວ 85%

ໂຄງການ ກໍ່ສ້າງສູນອະ ນຸລັກປ່າໂຄກຕັ້ງຢູ່ເຂດບ້ານອາ ຫໍ ແລະ ບ້ານ ແກ້ວຄຳດີ ເມືອງ ຊົນບູລີມີເນື້ອທີ່ ກວ້າງຫລາຍ ກວ່າ 72 ເຮັກຕາ, ເປັນຫ້ອງ ການສູນປ່າໂຄກແຫ່ງຊາດ 2 ຊັ້ນ, ປະກອບມີຫ້ອງ ເຮັດວຽກ ພະນັກງານ, ຫ້ອງປະຊຸມ, ຫ້ອງວາງສະແດງ ແລະ ມີ ຫ້ອງພັກພະນັກງານ 1 ຫຼັງ,ປະ ກອບມີ 5 ຫ້ອງນອນ ແລະ ໃນ ຕອນດິນດັ່ງກ່າວຍັງໄດ້ສ້າງ ຝາຍ ເກັບນ້ຳ, ສວນກ້າເບ້ຍໄມ້, ທາງຍ່າງສຶກສາປ່າ, ສວນຮັກ ສາພັນພືດໃກ້ຈະສູນພັນ, ຄອກ ບຳບັດສັດປ່າທີ່ຖືກບາດເຈັບ. ນອກ ຈາກອາຄານທັງສອງ ແລ້ວຍັງຈະໄດ້ສ້າງຫ້ອງການພາກ ສະໜາມຢູ່ເຂດບ້ານສະ ໜາມໄຊ, ຕັ່ງຫວາຍ ແລະ ໜອງສອງຫ້ອງບ່ອນລະຫຼັງ, ນອກນີ້,ຍັງມີເມືອງອ້ອມຂ້າງ ເປັນຕົ້ນ:ເມືອງ ພີນ, ພະລານ ໄຊ,    ທ່າປ່າງທອງ ແລະ ສອງ ຄອນ (ເມືອງລະຫຼັງ) ລວມ ມູນຄ່າທັງໝົດ 1.835 ລ້ານ ກວ່າກີບ.

ໃນພື້ນທີ່ເຂດອະນຸລັກ ປ່າໂຄກມີເນື້ອທີ່ທັງໝົດ 193.864 ເຮັກຕາ, ກວມ ເອົາ 5 ເມືອງຄື: ເມືອງພີນ 25 ພັນກວ່າເຮັກຕາ, ພະ ລານໄຊ 2 ພັນກວ່າເຮັກຕາ, ທ່າປາງທອງ 31 ພັນກວ່າ ເຮັກຕາ, ສອງຄອນ 6 ພັນ ກວ່າເຮັກຕາ, ຊົນນະບູລີ 34 ພັນກວ່າເຮັກຕາເປັນອະນຸລັກ ໂອ່ງ-ມັ່ງ.