ລາວສ້າງຄວາມເຂັ້ມແຂງໃຫ້ແກ່ສະມາຊິກສະພາຂັ້ນແຂວງ

ກອງປະຊຸມຝຶກອົບຮົມໃຫ້ແກ່ສະມາຊິກສະພາຂັ້ນແຂວງໃນຫົວຂໍ້: ຍົກລະດັບຄວາມຮູ້ກ່ຽວກັບແຜນພັດທະນາເສດຖະກິດ-ສັງຄົມ ແລະ ແຜນການງົບປະມານແຫ່ງລັດ, ໄດ້ຈັດຂຶ້ນໃນວັນທີ 12-13 ທັນວານີ້ທີ່ນະຄອນຫລວງວຽງຈັນ, ໂດຍການເປັນປະທານຂອງທ່ານປະທານສະພາແຫ່ງຊາດ ນາງ ປານີ ຢາທໍຕູ້, ມີທ່ານ ບຸຍດຶກຖຸ ຮອງຫົວໜ້າຄະນະກິດຈະການສະມາຊິກສະພາແຫ່ງຊາດ ສສ ຫວຽດນາມ, ຊິກສະພາປະຊາຊົນຂັ້ນແຂວງໃນທົ່ວປະເທດເຂົ້າຮ່ວມເປັນຈໍານວນຫລາຍ.

ທ່ານຮອງປະທານສະພາແຫ່ງຊາດ ສົມພັນ ແພງຄຳມີ ໄດ້ມີຄໍາເຫັນວ່າ: ຊຸດ ຝຶກອົບຮົມຄັ້ງນີ້, ເພື່ອຍົກລະດັບຄວາມຮູ້ຄວາມສາມາດໃຫ້ແກ່ສະມາຊິກສະພາປະຊາຊົນຂັ້ນທ້ອງຖິ່ນໃນການຄົ້ນຄວ້າ, ປະກອບຄຳເຫັນ ແລະ ພິຈາລະນາຮັບຮອງແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດໃນກອງປະຊຸມສະພາປະຊາຊົນຂັ້ນແຂວງເພື່ອໃຫ້ຮັບປະກັນຄວາມຖືກຕ້ອງສອດຄ່ອງຕາມລະບຽບກົດໝາຍ ແລະ ມີປະສິດທິຜົນສູງ. ໂດຍຜູ້ເຂົ້າຮ່ວມຈະໄດ້ຮັບຟັງ, ແລກປ່ຽນບົດຮຽນການພິຈາລະນາ ແລະ ຮັບຮອງແຜນພັດທະນາເສດຖະກິດ-ສັງຄົມຂັ້ນແຂວງ ລວມເຖິງການຄົ້ນຄວ້າ, ການປະກອບຄຳເຫັນ ແລະ ພິຈາລະນາຮັບຮອງແຜນພັດທະນາເສດຖະກິດ-ສັງຄົມ ຂັ້ນແຂວງຈາກກຳມາທິການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ ແລະ ປະສົບການໃນການພິຈາລະນາ ແລະ ຮັບຮອງແຜນງົບປະມານແຫ່ງລັດຂັ້ນແຂວງຂອງນະຄອນຫລວງຮ່າໂນ້ຍຈາກຊ່ຽວຊານຫວຽດນາມ ແລະ ການສ້າງ, ພິຈາລະນາຮັບຮອງ ແລະ ການຕິດຕາມກວດກາແຜນງົບປະມານແຫ່ງລັດຈາກກຳມາທິການແຜນການການເງິນ ແລະ ກວດສອບສະພາແຫ່ງຊາດນໍາດ້ວຍ.