ທະນາຄານໂລກກຽມເລີກສະໜັບສະໜູນ ໂຄງການປິໂຕຣລຽມຕົ້ນນ້ຳ
ທະນາຄານໂລກຖືເປັນອົງກອນການເງິນລະດັບໂລກແຫ່ງທຳອິດ ທີ່ກຽມຢຸດການຊ່ວຍເຫລືອແກ່ໂຄງການສຳຫລວດ ແລະ ຂຸດເຈາະນ້ຳມັນ ແລະ ແກັສທຳມະຊາດ ພາຍຫລັງປີ 2019 ເປັນຕົ້ນໄປ.
#BreakingNews: @WorldBank will no longer finance upstream #oil and #gas after 2019 → https://t.co/AhfGVFimay #OnePlanet pic.twitter.com/xRmU2FHuiy
— World Bank Climate (@WBG_Climate) December 12, 2017
ສຳນັກຂ່າວຕ່າງປະເທດລາຍງານຈາກນະຄອນຫລວງປາຣີ ປະເທດຝຣັ່ງ ໃນວັນທີ 13 ທັນວາວ່າ: ທະນາຄານໂລກ (WB) ອອກຖະແຫລງການໃນວັນທີ 12 ທັນວາ ກຽມຢຸດການມອບການສະໜັບສະໜູນດ້ານການເງິນໃຫ້ແກ່ໂຄງການສຳຫລວດ ແລະ ຂຸດເຈາະນ້ຳມັນ ແລະ ແກັສທຳມະຊາດ ຫລັງຈາກປີ 2019 ເປັນຕົ້ນໄປ ເພື່ອໃຫ້ສອດຄ່ອງກັບຈຸດຢືນຂອງອົງກອນໃນການສະໜັບສະໜູນຂໍ້ຕົກລົງປາຣີ ສະບັບປີ 2015 ວ່າດ້ວຍການຄວບຄຸມລະດັບອຸນຫະພູມ ເພື່ອບໍ່ໃຫ້ສົ່ງຜົນຕໍ່ການປ່ຽນແປງສະພາບອາກາດໂລກ.
News: Starting next year, the @WorldBank Group will report total net #greenhouse gas emissions from the #investment projects it finances in key emissions-producing sectors→ https://t.co/r0Uk7qlZkD #OnePlanet pic.twitter.com/YRRDeiWRP1
— World Bank Climate (@WBG_Climate) December 13, 2017
ເຖິງຢ່າງໃດກໍຕາມ, ລາຍງານຂອງທະນາຄານໂລກລະບຸເຖິງ “ຂໍ້ຍົກເວັ້ນ” ໃນການມອບການຊ່ວຍເຫລືອແກ່ໂຄງການດັ່ງກ່າວຂອງໜ່ວຍງານໃດກໍຕາມ ເພື່ອຜົນປະໂຫຍດຂອງປະຊາຊົນໃນປະເທດທີ່ທຸກຍາກ ເຊິ່ງຍັງມີ “ຄວາມຈຳເປັນ” ຕ້ອງໃຊ້ພະລັງງານດັ່ງກ່າວ ແລະ ໂຄງການທີ່ມີແນວທາງດຳເນີນງານເປັນໄປຕາມຂໍ້ບັງຄັບຂອງຂໍ້ຕົກລົງປາຣີ.
ການເຄື່ອນໄຫວດັ່ງກ່າວຂອງທະນາຄານໂລກຖືເປັນອົງກອນການເງິນລະດັບໂລກແຫ່ງທຳອິດ ທີ່ຮ່ວມສະແດງບົດບາດຢ່າງຈິງຈັງເພື່ອສະໜັບສະໜູນຂໍ້ຕົກລົງປາຣີ. ຂະນະດຽວກັນ ທະນາຄານໂລກຍັງເປີດເຜີຍເຖິງຄວາມຄືບໜ້າຂອງການເຂົ້າໃກ້ເປົ້າໝາຍ ໃນການຈັດສັນງົບປະມານ 28% ເພື່ອສະໜັບສະໜູນໂຄງການຮັກສາ ແລະ ພັດທະນາດ້ານສິ່ງແວດລ້ອມ ພາຍໃນປີ 2020 ນຳອີກ.
