ວັງວຽງຍັງມີສິ່ງມະຫັດສະຈັນອີກຫລາຍຢ່າງ
ເມື່ອເວົ້າເຖິງແຫລ່ງທ່ອງທ່ຽວທຳມະຊາດ ເມືອງວັງວຽງ, ແຂວງວຽງຈັນແລ້ວ,ນອກຈາກ ພວກເຮົາຈະໄດ້ສຳພັດກັບຄວາມ ງົດງາມຂອງທຳມະຊາດພູຜາປ່າ ໄມ້, ແມ່ນ້ຳລຳເຊອີກ ຫລາຍແຫ່ງແລ້ວ,ພວກເຮົາຍັງຈະໄດ້ສຳພັດ ກັບຖ້ຳຕ່າງໆດັ່ງຖ້ຳຈັງ ທີ່ໄດ້ຮັບ ຄວາມນິຍົມທີ່ສຸດ, ຕັ້ງຢູ່ຕິດກັບ ເມືອງ ເຊິ່ງຊາວບ້ານມີຄວາມເຊື່ອ ວ່າຖ້ຳນີ້ມີຄວາມສັກສິດ, ຖ້າຜູ້ໃດ ເຮັດແນວບໍ່ດີຢູ່ໃນຖ້ຳຈະເກີດອາ ການຈັງຂຶ້ນມາທັນທີ ຈຶ່ງເປັນທີ່ມາ ຂອງຊື່ຖ້ຳແຫ່ງນີ້.
+ ແຂວງເຊກອງມີຫລາຍກິດຈະກຳທີ່ໜ້າທ່ຽວຊົມໃນປີທ່ອງທ່ຽວ
ສ່ວນຖ້ຳປູຄຳຕັ້ງຢູ່ເຂດບ້ານ ນາທອງ, ຫ່າງຈາກຕົວເມືອງວັງ ວຽງພຽງ 3,5 ກິໂລແມັດ, ສາ ມາດເດີນທາງເຂົ້າໄປຫາຖ້ຳດັ່ງ ກ່າວໄດ້ສະດວກ. ປາກຖ້ຳມີລະ ດັບຄວາມສູງ ຈາກໜ້າ ດິນເຖິງ 100 ແມັດ, ຮູທາງເຂົ້າຖ້ຳຈະ ມີຂະໜາດນ້ອຍໆ, ແຕ່ເມື່ອເຂົ້າ ໄປດ້ານໃນແລ້ວຈະເຫັນວ່າຖ້ຳ ດັ່ງກ່າວມີລັກສະນະເປັນຜົ້ງ ກວ້າງ ຂວາງ, ມີພະປາງນອນ 1 ອົງ. ຢູ່ຕີນຜາດ້ານລຸ່ມຈະມີ ຫ້ວຍນ້ຳໃສເຢັນທີ່ໄຫລອອກ ຈາກຮູຜາດ່ັງກ່າວຢ່າງບໍ່ຂາດ ສາຍ ເຊິ່ງນັກທ່ອງທ່ຽວນິຍົມ ມາຫລິ້ນນ້ຳຢູ່ ນີ້ພ້ອມຂີ່ເຊືອກ ໂອນຊາຢ່າງມ່ວນຊື່ນ. ມີຄຳຊ່າ ລືກັນວ່າມີຜົວ- ເມຍຄູ່ໜຶ່ງອາໄສ ຢູ່ ໃນຖ້ຳແຫ່ງນີ້ ເອີ້ນກັນວ່າຄູ່ຜົວ ເມຍປູ່ຄຳ ແລະ ຖ້າໃຜໂຊກດີກໍ ຈະພົບເຫັນປູຄຳຄູ່ນີ້.
ຈາກນັ້ນກໍຈະແມ່ນຖ້ຳ ຊ້າງ, ຕັ້ງຢູ່ບ້ານນາດາວຫ່າງ ຈາກຕົວເມືອງວັງວຽງໄປທາງ ເໜືອປະມານ 14 ກິໂລແມັດ, ທ່ານ ຈະພົບກັບຜາຫີນທີ່ມີຮ່ອງ ຮອຍຂອງຫອຍທີ່ກາຍເປັນຫີນ ແລະ ພາຍໃນຖ້ຳກໍຈະພົບຄວາມ ງາມອັນຫລາກຫລາຍຂອງຫີນ ງອກຫີນຍ້ອຍທີ່ຮູບຮ່າງແຕກ ຕ່າງກັນ ແລະ ຢູ່ພາຍໃນຖ້ຳ ມີ ທາດທີ່ສ້າງຂຶ້ນໃນປີ ພສ 2511, ມີພະພຸດທະຮູບ ແລະ ຫີນທຳ ມະຊາດທີ່ມີຮູບຮ່າງ ຄ້າຍຄືຊ້າງຕັ້ງຢູ່ບໍລິເວນດ້ານ ຂວາຂອງຖ້ຳ ຈິ່ງເປັນທີ່ມາ ຂອງຊື່ຖ້ຳດັ່ງກ່າວ ສ່ວນຖ້ຳລົມ ເປັນອີກສະຖານທີ່ ທ່ອງທ່ຽວ ໜຶ່ງທີ່ມີຊື່ສຽງຂອງເມືອງວັງ ວຽງ, ຢູ່ຫ່າງ ຈາກຕົວເມືອງ ອອກໄປປະມານ 4 ກິໂລ ແມັດ, ຖ້ຳແຫ່ງນີ້ ມີຄວາມສວຍ ງາມ, ເມື່ອຍ່າງເຂົ້າໄປຈະຮູ້ສຶກວ່າມີ ລົມພັດເຢັນໄປທົ່ວຖ້ຳ ຈຶ່ງເປັນ ທີ່ມາຂອງຊື່ຖ້ຳດັ່ງກ່າວ. ເປັນ ບ່ອນທີ່ເໝາະ ແກ່ການພັກຜ່ອນຢ່ອນໃຈໃນຍາມອາກາດຮ້ອນອົບເອົ້າເມື່ອເຂົ້າມາຖ້ຳນີ້ແລ້ວ ກໍຈະເຢັນສະບາຍ. ດັ່ງມີພັດລົມ ໜ່ວຍໃຫຍ່.
