ຮອຟແມນ ຂຶ້ນນຳດ່ຽວກ໊ອຟ ເດິ ມາສເຕີ

ການແຂ່ງຂັນກ໊ອຟເມເຈີທຳອິດຂອງປີລາຍການ ເດິ ມາສເຕີ 2017 ຊີງເງິນລາງວັນລວມ 10 ລ້ານໂດລາ ສະຫະລັດ ທີ່ສະໜາມ ອໍກັສຕ້າ ເນຊັນແນລ ກ໊ອຄລັບ ໄລຍະ 7.345 ແມັດ ພາ 72  ໃນ ເມືອງອໍກັສຕ້າ ລັດຈໍເຈຍ ປະເທດ ສະຫະລັດ ອາເມຣິກາ ຫຼັງຈົບ ຮອບທຳອິດ ຊາລີ ຮອຟແມນ ຈາກ ອາມເຣິກາ ມືວາງອັນດັບ 52 ຂອງໂລກ ອອກຫຼິ້ນໄດ້ດີ ເດັ່ນກວ່າໝູ່ ເມື່ອເຮັດໄປເຖິງ 9 ເບີດີ້ ເສຍພຽງ 2 ໂບກີ້ ມີ 7 ອັນ ເດີພາ 65 ຄະແນນ ເປັນຜູ້ນຳ ດຽວ ຕາມາດ້ວຍ ວິລລຽມ ແມັກ ເກິດ ໝູ່ຮ່ວມຊາດ ທີ່ເຄີຍຄວ້າ ແຊ໊ມ ພີຈີເທົວ ພຽງຄັ້ງດຽວໃນ ການຫຼິ້ນອາຊີບ 13 ປີ ມີ 3 ອັນເດີ ພາ 69 ຄະແນນ ຢູອັນດັບ 2 ແລະ ລີ ເວດວູສ ຈາກ ອັງກິດ ມີ 2 ອັນເດີພາ 70 ຄະແນນ ຢູ່ອັນ ດັບ 3.

ຂະນະທີ່ ຟິລ ມິກເຄລສັນ ມີ 1 ອັນເດີພາ 71 ຄະແນນ ຢູ່ໃນ ກຸ່ມທີ 4 ຮ່ວມກັບໝູ່ຂາດ ເຈສັນ ດັຟເນີ, ຣັສເຊລ ເຮນລີ, ຈັສຕິນ ໂຣສ ຈາກ ອັງກິດ ແລະ ເຊຄິໂອ ກາເຊຍ ຈາກ ສະເປນ. ສ່ວນ ຣໍຣີ ແມັກອິລຣອຍ ມືວາງອັນດັບ 2 ຂອງໂລກຄົນ ໄອແລນເໜືອ ອີ ເວນພາ 72 ຈົບທີ 12 ຮ່ວມ. ສ່ວນ ເຈສັນ ເດ ມືວາງອັນດັບ 3 ຂອງໂລກຈາກ ອອສເຕຣເລຍ 2 ໂອເວີພາ 74 ຄະແນນ ຈົບທີ 26 ຮ່ວມ. ແລະ ຈໍແດນ ສະປິດ ອະ ດີດແຊ໊ມປີ 2015 ເສຍວອດ ຣູເພິລ-ໂບກີ້ ທີ່ຂຸມ 15 ພາ 5 ກ່ອນຈົບທີ່ຕີເກີນ 3 ໂອເວີພາ 75 ຈົບທີ 41 ຮ່ວມ.