ເມືອງມຸນລະປາໂມກຈັດບຸນຊ່ວງເຮືອປະເພນີດ້ວຍບັນຍາກາດຟົດ ຟື້ນມ່ວນຊື່ນ

ງານບຸນຊ່ວງເຮືອປະເພນີ ທີ່ເມືອງມຸນລະປາໂມກ ແຂວງຈຳປາສັກ, ໄດ້ຈັດຂຶ້ນ ດ້ວຍບັນຍາກາດອັນຟົດຟື້ນມ່ວນຊື່ນ ໃນວັນທີ 7 ທັນວານີ້, ທີ່ນໍ້າຂອງທ່າສາລາກາງ ຂອງເມືອງ, ​ໂດຍ​ມີການນຳຂັ້ນແຂວງ, ເມືອງ ພ້ອມດ້ວຍຜູ້ປະກອບການທຸລະກິດ, ຊາວຄ້າຂາຍ ແລະ ມວນຊົນເຂົ້າຮ່ວມຢ່າງຫລວງຫລາຍ.

ທ່ານ ສຳລີ ແກ່ນມະນີ ເຈົ້າເມືອງມຸນລະປາໂມກ ກ່າວວ່າ: ງານບຸນຊ່ວງເຮືອງ ປີນີ້ ມີເຮືອຊ່ວງເຂົ້າແຂ່ງຂັນທັງໝົດ 34 ລຳ, ໃນນັ້ນ ເຮືອປະເພນີ 33 ສີພາຍມີ 7 ລຳ, ເຮືອສູດ 33 ສີພາຍມີ 9 ລຳ, ເຮືອກິລາ 12 ສີພາຍມີ 18 ລຳ, ບຸນດັ່ງກ່າວຈັດຂຶ້ນ ເພື່ອເປັນການສືບທອດປະເພນີ ແລະ ວັດທະນະທຳຂອງທ້ອງຖິ່ນທີ່ມີມາແຕ່ດົນນານໃຫ້ ໄດ້ຮັບການອານຸລັກສົ່ງເສີມ, ເປັນການດຶງດູດນັກທ່ອງທ່ຽວພາຍໃນ ແລະ ຕ່າງປະ ເທດເຂົ້າມາທ່ອງທ່ຽວ ເມືອງມຸນລະປາໂມກ, ກໍຄືໃນປີທ່ອງທ່ຽວ 2018 ໃຫ້ນັບມື້ ຫຼາຍຂຶ້ນ.