ແຂວງອຸດົມໄຊທຳລາຍສິນຄ້າໝົດອາຍຸປອມແປງລອກຮຽນແບບ

ເຊົ້າວັນທີ 1 ທັນວານີ້, ພະແນກອຸດສະຫະກຳ ແລະ ການຄ້າຮ່ວມກັບພາກສ່ວນກ່ຽວຂ້ອງຂັ້ນແຂວງ ແລະ ເມືອງໄຊ ແຂວງ ອຸດົມໄຊ ໄດ້ຈັດພິທີທຳລາຍທຳລາຍສິນຄ້າໝົດອາຍຸ, ເສື່ອມຄຸນ, ປອມແປງລອກຮຽນແບບ ແລະ ນຳເຂົ້າບໍ່ຖຶກຕ້ອງຂຶ້ນ. ໂດຍມີ ທ່ານ ຄຳເຜົ້າ ສີລິສຸກ ຫົວໜ້າພະ ແນກອຸດສະຫະກຳແລະການຄ້າ ແຂວງ, ພ້ອມດ້ວຍພະນັກງານ ວິຊາ ການເຂົ້າຮ່ວມນຳດ້ວຍ.

+ ສານແຂວງອຸດົມໄຊຕັດສີນລົງໂທດຜູ້ຄ້າຢາເສບຕິດ

+ ເມືອງປາກເຊທຳລາຍນ້ຳມັນເຄື່ອງປອມມູນຄ່າເກືອບຮ້ອຍລ້ານກີບ

ຫົວໜ້າຂະແໜງການຄ້າພາຍໃນ ໃຫ້ຮູ້ວ່າ: ສິນຄ້ານຳມາ ທຳລາຍໃນຄັ້ງນີ້ ສ່ວນໃຫຍ່ ແມ່ນ ເປັນສິນຄ້າທີ່ໝົດອາຍຸ, ເສື່ອມຄຸນ ແລະ ປອມແປງລອກຮຽນແບບ ເຊິ່ງເຈົ້າໜ້າທີ່ພະແນກອຸດສະຫະກຳ ແລະ ການຄ້າແຂວງ ໄດ້ ລົງກວດກາພົບເຫັນ ຢູ່ຕາມຮ້ານ ມີນີມາກ, ຊຸບເປີມາເກັດ ແລະ ຮ້ານຂາຍຍ່ອຍຕ່າງໆພາຍໃນ ຕະຫຼາດເທດ ສະບານແຂວງ. ໃນນັ້ນມີທັງປະເພດອາຫານ ແລະ ເຄື່ອງດື່ມຈຳນວນ 14 ລາຍ ການ, ລວມມີມູນຄ່າປະມານ 12 ລ້ານ ກວ່າກີບ. ເພື່ອເປັນ ການປົກປ້ອງຜູ້ບໍລິໂພກກໍຄື ຜູ້ຊົມໃຊ້ພະແນກອຸດສະຫະ ກຳ ແລະ ການຄ້າ ແຂວງ ຈິ່ງມີ ຄວາມເຂັ້ມງວດກວດຂັນ ການຈຳໜ່າຍສິນຄ້າຕ້ອງ ຫ້າມດັ່ງກ່າວ. ຕໍ່ກັບຜູ້ລະເມີດ ທາງເຈົ້າ ໜ້າທີ່ໄດ້ມີການກ່າວ ເຕື່ອນ, ແຕ່ຍັງຜ່າຝືນ. ຈະໄດ້ ດຳເນີນຄະດີຕາມລະບຽບ ການພ້ອມນີ້ພະແນກການດັ່ງ ກ່າວຍັງໄດ້ຮຽກຮ້ອງໄປຍັງ ຜູ້ປະກອບການ ແລະ ແມ່ຄ້າ ຊາວຂາຍພາຍ ໃນແຂວງອຸ ດົມໄຊບໍ່ໃຫ້ນຳເອົາສິນຄ້າທຸກ ປະເພດທີ່ ໝົດອາຍຸ, ເສື່ອມ ຄຸນ, ປອມແປງລອກຮຽນ ແບບມາຈຳໜ່າຍເດັດຂາດ. ເພື່ອແນໃສ່ ປົກປ້ອງຜູ້ບໍລິໂພກ ໃຫ້ມີຄວາມປອດໄພ.