ລັດໄດ້ເງິນຈາກເສຍຄ່າທາງແລ້ວ 10 ຕື້ກວ່າກີບ

ຜູ້ອໍານວຍການໃຫຍ່ທະນາຄານການຄ້າຕ່າງປະເທດລາວມະຫາຊົນ (ທຄຕລ) ທ່ານ ພູຂົງ ຈັນທະຈັກ ໃຫ້ຮູ້ວ່າ: ພາຍຫລັງລັດຖະບານ ກໍຄືກະຊວງການເງິນໄດ້ມອບໃຫ້ທະນາຄານ ທຄຕລ ເປັນຜູ້ພັດທະນາລະບົບ ແລະ ຈັດຕັ້ງປະຕິບັດການຈັດເກັບຄ່າທໍານຽມທາງປະຈໍາປີ 2017 ຜ່ານລະບົບທະນາຄານ ແລະ ນັບແຕ່ໄດ້ເລີ່ມມາແຕ່ເດືອນຕຸລາມາຮອດປັດຈຸບັນສາມາດເກັບໄດ້ແລ້ວ 10 ຕື້ກວ່າກີບ ຫລື ປະມານ 10% ຂອງຈໍານວນພາຫະນະທັງໝົດໃນທົ່ວປະເທດ, ເຊິ່ງເຫັນວ່າລື່ນຄາດໝາຍວາງໄວ, ໂດຍສ່ວນໃຫຍ່ແມ່ນລົດສ່ວນຕົວ ແລະ ເງິນທີ່ໄດ້ຈາກເສຍຄ່າທາງນີ້ແມ່ນຈະໂອນເຂົ້າສູ່ລະບົບຄັງເງິນແຫ່ງຊາດໂດຍກົງ,ທັງມີຄວາມໂປ່ງໃສ ແລະ ພາຫະນະໃດທີ່ບໍ່ໄດ້ເສຍຄ່າທາງໃນຜ່ານມາລະບົບດັ່ງກ່າວຈະເຕືອນໃຫ້ຮູ້ທັນທີ ແລະ ເຈົ້າຂອງລົດຕ້ອງໄດ້ເສຍຄ່າທາງຢ້ອນຫລັງຕາມລະບຽບກົດໝາຍ.