ເຫດຜົນທີ່ເຮັດໃຫ້ຄົນຜິດຫວັງໃນຄວາມຮັກຕັດຜົມສັ້ນ

ທ່ານເຄີຍສົງໄສຫລືບໍ່ວ່າ ເປັນຫຍັງເວລາຄົນອົກຫັກ ຫລື ຜິດຫວັງໃນຄວາມຮັກຈຶ່ງມັກຈະໄປຕັດຜົມສັ້ນ ຫລື ເສັ້ນຜົມກ່ຽວ ຂ້ອງຫຍັງກັບຄວາມຮັກ ຫລື ການຕັດຜົມເປັນວິທີການປອບໃຈໂຕເອງວິທີໜຶ່ງ ? ມື້ນີ້ພວກເຮົາມີ 10 ເຫດຜົນວ່າເປັນຫຍັງເວລາອົກຫັກ ຈຶ່ງຕ້ອງຕັດຜົມສັ້ນມາບອກ.

1. ຕັດເພື່ອຢາກປ່ຽນໂຕເອງ ປຽບດັ່ງວ່າ : ຂ້ອຍບໍ່ແມ່ນຄົນເກົ່າແລ້ວ ແລະ ທຸກຢ່າງກໍບໍ່ຄວນຈະເປັນຄືເກົ່າ.
2. ຕັດຜົມໄປກ່ອນ ຕັດໃຈມັນຍາກ, ເຮັດອັນໃດໄດ້ກ່ອນໃນເວລານີ້ ກໍຄວນເຮັດ ຫາກມັນຊ່ວຍໃຫ້ຮູ້ສຶກດີຂຶ້ນໄດ້.
3. ຕັດຜົມຍ້ອນໝຸດໝັດ ຍາວເກີນໄປຈົນລຳຄານ, ສະຜົມລຳບາກ ແລະ ຮູ້ສຶກຮ້ອນເມື່ອຜົມຍາວຫລາຍ.
4. ປະຊົດຮັກ ປຽບດັ່ງວ່າ : ຮູ້ບໍ່ຂ້ອຍຕັດຜົມຍ້ອນອົກຫັກທີ່ຮັກເຈົ້າ ແລ້ວເຈົ້າຈະຮູ້ສຶກຜິດແດ່ບໍ່ ?
5. ວ່າງຫລາຍ ບໍ່ມີຄົນລົມ ບໍ່ມີຫຍັງເຮັດ ຈຶ່ງຕັດຜົມຫລິ້ນ.
6. ຜົມສັ້ນໄດ້ກໍຍາວໄດ້ ຈຶ່ງຈະບໍ່ຄິດຫລາຍນຳເລື່ອງເກົ່າໆ.
7. ຕັດເພື່ອເລີ່ມຕົ້ນສິ່ງໃໝ່ໆ ແລະ ຕັດເພື່ອເປັນການຕ້ອນຮັບເອົາສິ່ງດີໆເຂົ້າມາ.
8. ຕັດຜົມກໍຄືກັບຕັດຄົນທີ່ບໍ່ໄດ້ຮັກເຮົາຖິ້ມໄປ ເພາະມັນດີກ່ວາຈະມານັ່ງຝັງໃຈຢູ່ກັບຄົນເກົ່າແບບນີ້ໄປຕະຫລອດຊີວິດ ຢ່າງໜ້ອຍມັນກໍປຽບດັ່ງສິ່ງສະແດງໃຫ້ເຮົາຮູ້ວ່າເຮົາໄດ້ຕັດບາງສິ່ງບາງຢ່າງໄປຈາກເຮົາແລ້ວ.
9. ຍອມຮັບຄວາມຈິງເລື່ອງອົກຫັກບໍ່ໄດ້ ຈຶ່ງຢາກປ່ຽນຫຍັງທີ່ເກົ່າໆທີ່ເປັນຢູ່ ບໍ່ໃຫ້ເບິ່ງລຶ້ງເຄີຍ ແລະ ຊຳ້ຊາກຢູ່ຄືເກົ່າໄປເລື້ອຍໆ.
10. ອົກຫັກມາຫລາຍເທື່ອ ຕັດຜົມສັ້ນປ່ຽນບຸກຄະລິກໄປເລີຍດີກ່ວາ.

ສາເຫດທີ່ເຮັດໃຫ້ຄົນຢາກລາອອກຈາກວຽກ.

1. ບໍ່ພໍໃຈໃນວຽກທີ່ເຮັດຢູ່ : ຕອນຍັງບໍ່ຮູ້ຈັກ ຫລື ຍັງບໍ່ທັນໄດ້ເຮັດວຽກນີ້ ກໍຄິດວ່າຈະຖືກໃຈ, ແຕ່ເມື່ອໄດ້ເຮັດແລ້ວ ກໍເກີດຄວາມຮູ້ສຶກບໍ່ພໍໃຈໃນວຽກທີ່ເຮັດຢູ່ ຈຶ່ງມີເຫດຜົນນີ້ເພື່ອຢາກລາອອກ.
2. ບໍ່ມີໂອກາດກ້າວໜ້າ : ເມື່ອເຮັດວຽກໄປໄລຍະໜຶ່ງແລ້ວ ກໍໄດ້ເຫັນວ່າວຽກນີ້ບໍ່ແມ່ນໂອກາດຈະກ້າວໜ້າ ຈຶ່ງຢາກລາອອກ.
3. ຈັດຄວາມດຸ່ນດ່ຽງຂອງຊີວິດບໍ່ໄດ້, ມີຄວາມກົດດັນສູງ, ຮູ້ສຶກວ່າໂຕເອງເຮັດວຽກໄດ້ຕໍ່າກ່ວາລະດັບທີ່ພໍໃຈ ຈຶ່ງກາຍເປັນ ເຫດຜົນທີ່ເຮັດໃຫ້ຢາກລາອອກ.
4. ຮູ້ສຶກບໍ່ດີກັບຫົວໜ້າ : ນີ້ກໍແມ່ນອີກໜຶ່ງເຫດຜົນທີ່ເຮັດໃຫ້ຄົນຢາກລາອອກຈາກວຽກ.
5. ບໍ່ໄດ້ເລື່ອນຕຳແໜ່ງ : ເຮັດວຽກມາຫລາຍປີ, ສ້າງຜົນງານກໍຫລາຍ, ແຕ່ກໍຍັງບໍ່ໄດ້ເລື່ອນຕຳແໜ່ງຈັກເທື່ອ ຈຶ່ງມີຄວາມຄິດຢາກລາອອກ.
6. ຢາກມີທຸລະກິດສ່ວນໂຕ : ເຮັດວຽກມາຫລາຍປີບໍ່ມີຫຍັງ ຫລື ບໍ່ໄດ້ຫຍັງເປັນຂອງຕົນເອງ ແລະ ເບື່ອໜ່າຍການເຮັດຕາມກົດລະບຽບ ຈຶ່ງຢາກລາອອກມາເຮັດທຸລະກິດເປັນຂອງຕົນເອງ.
7. ມີໂອກາດທີ່ດີກ່ວາ : ເຮັດວຽກຢູ່ບ່ອນນີ້ມາຫລາຍປີແລ້ວ, ແຕ່ບັງເອີນໄດ້ຮູ້ຈັກ ຫລື ໄດ້ເຫັນໂອກາດທີ່ດີກ່ວາ ຈຶ່ງຢາກລາ ອອກຈາກວຽກເກົ່າ.
8. ຢາກຮຽນຮູ້ປະສົບການໃໝ່ໆ : ເຮັດວຽກເກົ່າມາຫລາຍປີ ຮຽນຮູ້ແຕ່ວຽກເກົ່າ ຈຶ່ງຢາກໄປຮຽນຮູ້ປະສົບການຈາກບ່ອນໃໝ່ ນີ້ກໍແມ່ນໜຶ່ງເຫດຜົນທີ່ເຮັດໃຫ້ຄົນຢາກລາອອກ.
9. ມີປັນຫາການເດີນທາງ : ນີ້ກໍແມ່ນໜຶ່ງປັນຫາຫຍຸ້ງຍາກອັນໜຶ່ງໃນການເຮັດວຽກ ແລະ ກໍເປັນເຫດຜົນຢາກໃຫ້ລາອອກໄດ້.
10. ເພື່ອນຮ່ວມງານບໍ່ໄດ້ : ຫາກມີເພື່ອນຮ່ວມງານບໍ່ດີ ເຮັດວຽກແນວໃດກໍບໍ່ມີຄວາມສຸກໄດ້ ເນື່ອງຈາກການຄວາມສາມັກຄີ ແລະ ຂາດການຊ່ວຍເຫລືອເຊິ່ງກັນແລະກັນ.