ປີທ່ອງທ່ຽວລາວ 2018 ອັດຕະປືຈະຈັດບຸນນະມັດສະການພະເຈົ້າໄຊຍະເສດຖາທິລາດໃຫ້ຄຶກຄື້ນ
ແຂວງອັດຕະປື, ເປັນ ແຂວງໃຕ້ສຸດຂອງປະເທດມີ ຊາຍແດນຕິດກັບ ສສ ຫວຽດນາມ ແລະ ເພື່ອນ ບ້ານລາຊະອາ ນາຈັກກຳປູເຈຍ, ອັນຈະເປັນທ່າ ແຮງໜຶ່ງເພື່ອດຶງດູດນັກທ່ອງ ທ່ຽວຜ່ານສອງປະເທດດັ່ງກ່າວ ພ້ອມນັ້ນຍັງມີແຫລ່ງທ່ອງທ່ຽວ ທຳມະຊາດ, ປະຫວັດສາດ ແລະ ດ້ານວັດທະນະທຳຕ່າງໆຄື ສະເພາະໃນໂອກາດປີທ່ອງທ່ຽວ ລາວ 2018 ນີ້, ແຂວງອັດຕະ ປືຈະໄດ້ຈັດງານບຸນນະມັດສະການພະເຈົ້າໄຊເສດຖາທິລາດ ຂຶ້ນທີ່ບ້ານວັດທາດ, ເມືອງໄຊ ເສດຖາ, ອັນເປັນບຸນໃຫຍ່ເພື່ອ ລະນຶກເຖິງບຸນຄຸນຂອງເຈົ້າໄຊ ເສດຖາທິລາດຜູ້ເປັນວິລະບູລຸດ ອັນຍອດຍິ່ງແຫ່ງການຕ້ານສັດຕູ ຜູ້ຮຸກຮານພາຍນອກ ແລະ ເປັນ ຜູ້ ຍົກຍ້າຍນະຄອນຫລວງຈາກ ເມືອງຊຽງທອງ (ຫລວງພະ ບາງໃນປັດຈຸບັນ) ມາຕັ້ງເປັນ ນະຄອນຫລວງວຽງຈັນ ແລະ ໃນໂອກາດດັ່ງກ່າວ, ແຂວງອັດ ຕະປືຍັງຈະໄດ້ຈັດງານຕ້ອນຮັບ ຂະບວນຄະລາວານຂະໜາດ ໃຫຍ່ຈາກນະຄອນຫລວງຽງຈັນ ມາສູ່ແຂວງພາກກາງ ແລະ ພາກໃຕ້ລາວ ເພື່ອສ້າງສີສັນໃຫ້ ແກ່ການທ່ອງທ່ຽວຂອງບັນດາ ແຂວງດັ່ງກ່າວ.
+ ແຂວງເຊກອງມີຫລາຍກິດຈະກຳທີ່ໜ້າທ່ຽວຊົມໃນປີທ່ອງທ່ຽວ
ຫົວໜ້າພະແນກ,ຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງອັດຕະປື ໃຫ້ຮູ້ ວ່າ: ນອກຈາກສອງງານໃຫຍ່ ດັ່ງກ່າວແລ້ວແຂວງໄດ້ຖືເອົາ ງານບຸນ ປະເພນີຕ່າງໆຂອງ 11 ຊົນເຜົ່າເພື່ອເປັນອີກຈຸດໜຶ່ງ ດຶງດູດນັກທ່ອງທ່ຽວເຂົ້າມາ ທ່ຽວ ແຂວງອັດຕະປືໃຫ້ ຫລາຍ ຂຶ້ນຄື: ບຸນປະເພນີໄຂປະຕູເລົ້າ ເຂົ້າຂອງເຜົ່າຕະໂອຍ, ຂຶ້ນທີ່ ບ້ານ ອິນທີ, ເມືອງສະໜາມໄຊ, ບຸນເຂົ້າບ້ານໃໝ່ຂອງເຜົ່າ ເບຣົາ, ຢູ່ ບ້ານວັງຢາງ ເມືອງພູວົງ, ພິທີ ປ່ຽນຜ່າບ່ຽງພະອົງແສນທີ່ວັດສະແຄະ ເມືອງໄຊເສດຖາ, ບຸນ ບັ້ງໄຟບ້ານວັດຫລວງ ເມືອງໄຊ ເສດຖາ, ບຸນອອກພັນສາ-ຊ່ວງ ເຮືອປະເພນີ, ທີ່ເທສະບານ ແຂວງ, ບຸນກິນເຂົ້າໃໝ່ເຜົ່າ ຕະຫລຽງຢູ່ເມືອງຊານໄຊ, ພິ ທີກຳຜ່າໜອງ ແລະ ການຈັບ ປາແບບພື້ນເມືອງຢູ່ບ້ານຫີນ ລາດ ເມືອງ ສະໜາມໄຊ ແລະ ພິທີສະຫລອງສວນຫລັກ ເມືອງ ຂອງແຂວງອີກດ້ວຍ.
ຜູ້ຮັບຜິດຊອບວຽກງານ ທ່ອງທ່ຽວແຂວງດັ່ງກ່າວຍັງ ໃຫ້ຮູ້ວ່າ: ປັດຈຸບັນ ຢູ່ແຂວງອັດ ຕະປືມີແຫລ່ງທ່ອງທ່ຽວທຳ ມະຊາດ ແລະ ປະຫວັດສາດທີ່ ໜ້າສົນໃຈອີກຫລາຍແຫ່ງຄື:
ມີນ້ຳຕົກຕາດແຊພະ ແລະ ນ້ຳຕົກຕາດແຊປອງໄລ ທີ່ສວຍ ສົດງົດງາມ, ມີຕາດຫົວຄົນ- ລີ ສອດຕາດແຜດ ແລະ ຕາດຈໍ. ສ່ວນແຫລ່ງທ່ອງທ່ຽວທາງປະ ຫວັດສາດ ມີເສັ້ນທາງໂຮ່ຈິມິງ ຊາກລົດຕັງ ແລະ ລູກສອນໄຟ, ສະຖານທີ່ໝັ້ນການປະຕິວັດ ເຂດລາວໃຕ້ ແລະ ຮ່ອງຮອຍ ເມືອງອົງການເກົ່າ, ພ້ອມນີ້ ແຂວງອັດຕະປື ຍັງມີອາຫານ ພື້ນບ້ານທີ່ເປັນເອກະລັກສະ ເພາະ ທີ່ແຂວງອື່ນບໍ່ມີເປັນຕົ້ນ: ໝົກໃບໝາກຫຸ່ງ, ຊີ້ນຕະໂນດ, ແຈ່ວປາເຕົ່າ ແລະ ອື່ນໆ ໃຫ້ນັກ ທ່ອງທ່ຽວທັງພາຍໃນ ແລະ ຕ່າງປະເທດໄດ້ທ່ຽວຊົມ ແລະ ຊີມລົດຊາດອາຫານພື້ນບ້ານ ທີ່ຫລາກຫລາຍອື່ນໆອີກ.
