ວິທີການດື່ມເບຍບໍ່ໃຫ້ຕຸ້ຍມີພຸງ
ຫລາຍຄົນຮູ້ດີວ່າການດື່ມເບຍເປັນສິ່ງທີ່ເຮັດໃຫ້ຮ່າງກາຍຕຸ້ຍ ແລະ ມີພຸງໄດ້ຫາກດື່ມຫລາຍຈົນເກີນໄປ, ແຕ່ແນວໃດກໍປະຕິ ເສດບໍ່ໄດ້ວ່າຈະບໍ່ຕ້ອງດື່ມ ແຕ່ຈະດື່ມແນວໃດບໍ່ໃຫ້ຕຸ້ຍຈົນມີພຸງ ມື້ນີ້ພວກເຮົາມີເຕັກນິກການດື່ມເບຍມາແນະນຳທ່ານ.
– ບໍ່ດື່ມຫລາຍຈົນເກີນໄປ : ໃນເບຍ 1 ແກ້ວ ໃຫ້ພະລັງງານຫລາຍເຖິງ 150 ກາລໍຣີ. ສະນັ້ນ ເພື່ອບໍ່ໃຫ້ມີພຸງ ຫລື ຕຸ້ຍຂຶ້ນ ກໍຄວນຫ້າມໃຈບໍ່ໃຫ້ດື່ມຫລາຍຈົນເກີນໄປດີກ່ວາ ຍິ່ງຖ້າທ່ານດື່ມເຂົ້າໄປຫລາຍໆ ຕັບຂອງທ່ານຈະເຮັດວຽກໄດ້ໜ້ອຍລົງ ນອກນີ້ອານກໍຮໍໃນເບຍເຫລົ່ານັ້ນກໍສາມາດປ່ຽນໄຂມັນໃຫ້ເປັນພະລັງງານໄດ້ຍາກຫລາຍ.
– ຄຳນວນປະລິມານກາລໍຣີ : ຖືວ່າເປັນສິ່ງສຳຄັນບໍ່ໜ້ອຍສຳລັບການນັບກາລໍຣີຂອງອາຫານທີ່ກິນເຂົ້າໄປໃນແຕ່ລະມື້ ຫາກໃຜທີ່ຄິດວ່າເປັນຄົນມັກດື່ມເບຍອາດຈະເລີ່ມຫລຸດອາຫານທີ່ມີກາລໍຣີສູງເພື່ອເວລາກິນເບຍຈະໄດ້ບໍ່ຊ່ວຍເພີ່ມຄວາມຕຸ້ຍເຂົ້າໄປອີກ.
– ເລືອກເບຍກາລໍຣີຕໍ່າ : ຮູ້ຢູ່ແລ້ວວ່າຫລາຍຄົນບໍ່ສາມາດລະເວັ້ນການດື່ມເບຍໄດ້ ເຖິງວ່າຈະເຮັດໃຫ້ຕຸ້ຍຫລາຍປານໃດກໍຕາມ, ແຕ່ຖ້າຢາກໃຫ້ຮູບຮ່າງງາມສົມສ່ວນ ລອງເລືອກເບຍທີ່ມີກາລໍຣີ ປະມານ 80 – 100 ກາລໍຣີ ຫລື ຈະເລືອກແບບທີ່ເຂົາເອີ້ນກັນວ່າ : ໄລ້ເບຍ (Light Beer) ກໍໄດ້ ຮັບຮອງບໍ່ມີພຸງແນ່ນອນ.
– ດື່ມນຳ້ສະຫລັບກັບດື່ມເບຍ : ເຕັກນິກນ້ອຍໆໃນການດື່ມເບຍ ດັ່ງການດື່ມນຳ້ຢ່າງໜ້ອຍ 1 ຈອກ ຕໍ່ເບຍ 1 ແກ້ວ ເພື່ອໃຫ້ຮ່າງກາຍຮັກສາຄວາມຊຸ່ມຊື່ນ ແລະ ບໍ່ພຽງແຕ່ເຮັດໃຫ້ທ່ານສົດຊື່ນ ແລະ ຮ່າງກາຍບໍ່ຂາດນຳ້ເທົ່ານັ້ນ, ແຕ່ຍັງຊ່ວຍກະຕຸ້ນການເຮັດວຽກຂອງຕັບ ແລະ ຊ່ວຍໃຫ້ການຍ່ອຍອາຫານດີຂຶ້ນນຳອີກ.
– ອອກກຳລັງກາຍສະໝໍ່າສະເໝີ : ເມື່ອໄດ້ມ່ວນຊື່ນກັບການດື່ມເບຍໄປແລ້ວ ກໍຄວນຈະຫາເວລາມາອອກກຳລັງກາຍເພື່ອເຜົາຜານໄຂມັນອອກໄປແດ່ ບໍ່ວ່າຈະແມ່ນການຍ່າງ, ແລ່ນ ຫລື ອອກກຳລັງກາຍໃນແບບອື່ນໆທີ່ທ່ານມັກກໍຈະຊ່ວຍເຮັດໃຫ້ຮູບຮ່າງງາມຢູ່ສະເໝີໄດ້.
ເຖິງວ່າການດື່ມເບຍດ້ວຍວິທີເຫລົ່ານີ້ຈະຊ່ວຍບໍ່ໃຫ້ຕຸ້ຍ ຫລື ມີພຸງ, ແຕ່ກໍຄວນດື່ມແຕ່ພໍດີພໍງາມ ເພາະແນວໃດແລ້ວມັນກໍບໍ່ແມ່ນເຄື່ອງດື່ມທີ່ດີຕໍ່ສຸຂະພາບເຮົາພໍເທົ່າໃດ.
