ພໍ່ແມ່ຜູ້ປົກຄອງຕ້ອງເປັນເຈົ້າການບອກສອນລູກຫລານຂອງຕົນສະຫລອງປີໃໝ່ໃຫ້ປອດໄພ

ປັດຈຸບັນຍັງມີໄວໜຸ່ມຈຳນວນໜຶ່ງທີ່ຮູ້ເທົ່າບໍ່ເຖິງການໃນ ໄວຄຶກຄະນອງ ແລະ ມີການປະພືດຕົນທີ່ບໍ່ແທດ    ເໝາະຕໍ່ກັບຮີດຄອງປະເພນີອັນດີງາມຂອງເຮົາ ເຊິ່ງສະແດງອອກໃນການແຕ່ງກາຍ, ນຸ່ງຖືທີ່ມີລັກສະນະສັ້ນເຂີນ, ໂປ້ເປືອຍ ແລະ ຍົ້ວະຍວນ,    ໄປເຫີແຫນນຳວັດທະນະທຳ ແລະ ຄຳນິຍົມທີ່ບໍ່ແມ່ນ ຂອງຕົນແຂ່ງຂັນ ກັນຫລິ້ນກິນຟຸມເຟືອຍ  ແລະ ອື່ນໆ ແລະ ອີກບໍ່ດົນບຸນສົງ  ການປີໃໝ່ລາວເຮົາກໍຈະໝູນວຽນມາເຖິງ. ຜູ້ເປັນພໍເປັນແມ່ກໍຄືປົກຄອງທັງຫລາຍຍິ່ງກວ່າ ເວລາອື່ນໃດໝົດ, ທີ່ຈະຕ້ອງໄດ້ອອກແຮງບອກສອນລູກຫລານ ຂອງຕົນໃຫ້ດີໃນການປະພືດ ຂອງເຂົາເຈົ້າເພາະບົດຮຽນກໍໄດ້ ພິສູດໃຫ້ເຫັນໃນການສະເຫລີມ ສະຫລອງບຸນປີໃໝ່ຫລືງານເທສະການຕ່າງໆໃນຜ່ານມາເຫັນວ່າຍັງມີໄວໜຸ່ມຈຳນວນບໍ່ໜ້ອຍໃນການປະພືດໂຕບໍ່ເໝາະສົມກັບ  ຮີດຄອງປະເພນີ້, ເປັນຕົ້ນແມ່ນການແຕ່ງກາຍຂອງ ໄວໜຸ່ມຍິງມີລັກສະໂລດໂຜນ, ໂປ້ເປືອຍເຊິ່ງບໍ່ເວັ້ນແຕ່ເວລາຢູ່ບ່ອນສາທາລະນະຕ່າງໆເບິ່ງແລ້ວບໍ່ມີລະບຽບ  ແລະ ຮ້າຍແຮງກວ່ານັ້ນກໍແມ່ນ ການໃຊ້ນຳສີ, ນ້ຳທີ່ເປີະເປື້ອນໃນເວລາສົງການ, ກິນດື່ມສິ່ງ ມືນເມົາເກີນຂອບເຂດສົ່ງຜົນໃຫ້ມີອຸປະຕິເຫດອາ ລະວາດຕີກັນ, ເຫດການຢາດຊູ້ຢາດແຟນຍັງໃຫ້ເຫັນສ້າງໃຫ້ບ້ານເມືອງຂາດຄວາມສະຫງົບ ແລະ ຄວາມເປັນລະ ບຽບຮຽບຮ້ອຍ, ສົ່ງຜົນໃຫ້ການດຶງດູດນັກທ່ອງທ່ຽວເຂົ້າມາປະເທດເຮົາຂາດຄວາມຈັບອົກຈັບໃຈ, ດັ່ງນັ້ນຈິ່ງ ຂໍຝາກເຖິງທຸກຄົນໃນສັງຄົມ, ໂດຍສະເພາະພໍ່ແມ່ຜູ້ປົກຄອງ ແລະ ຄູອາຈານໃນໂຮງຮຽນຈົ່ງເປັນເຈົ້າ ການເອົາໃຈ ໃສ່ບອກສອນລູກ ຫລານ ແລະ ລູກສິດລູກຫາຂອງຕົນໃຫ້ດີ, ເພື່ອເຂົາເຈົ້າມີຄວາມ ເຂົ້າໃຈຕໍ່ການປະພຶດ ຂອງຕົນໃນວັນບຸນວັນງານຕ່າງໆຂອງຊາດ, ຮູ້ຈັກຮີດຄອງປະເພນີອັນດີງາມພັດທະນາຕົນເອງໃຫ້ກາຍເປັນ ຄົນດີຂອງສັງຄົມ.