ທ່ຽວແຂວງຈຳປາສັກ

ແຂວງຈຳປາສັກຕັ້ງຢູ່ຕອນໃຕ້ສຸດຂອງປະເທດເຮົາ, ມີເນື້ອ ທີ່ທັງໝົດ 14.415 ກິໂລແມັດ, ທິດໃຕ້ຕິດກັບກຳປູເຈຍ, ທິດ ຕາເວັນຕົກຕິດກັບໄທ ປະກອບ ມີ 10 ເມືອງຄື: ເມືອງປາກເຊ, ຊະນະສົມບູນ, ບາຈຽງ ຈະເລີນ ສຸກ, ປາກຊ່ອງ, ປະທຸມພອນ, ໂພນທອງ, ຈຳປາສັກ, ສຸຂຸມາ, ເມືອງໂຂງ ແລະ ເມືອງ ມູນລະ ປະໂມກ, ເຊິ່ງມີຫລາຍຊົນເຜົ່າອາ ໄສຢູ່ທັງໝົດ 7 ແສນກວ່າຄົນ ແລະ ເປັນແຂວງຕົ້ນຕຳລັບຂັບ ລຳສີ່ພັນດອນອັນໂດ່ງດັງ, ມີອາ ຫານທີ່ແຊບຊ້ອຍຫລາຍເຍື່ອງ, ໂດດເດັ່ນກວ່າໝູ່ກໍອາດແມ່ນ ປານ້ຳຂອງ ແລະ ເປັນແຂວງ ທີ່ ມີຄວາມອຸດົມສົມບູນດ້ານການ ທ່ອງທ່ຽວ, ພິເສດທີ່ສຸດກໍຄືຜາສາດຫີນວັດພູທີ່ສ່ອງແສງໃຫ້ ເຫັນເຖິງຄວາມຈະເລີນຮຸ່ງເຮືອງ ທາງດ້ານວັດທະນະທຳໃນສະ ໄໝກ່ອນ, ເປັນສະຖານທີ່ທ່ອງ ທ່ຽວທີ່ມີຄວາມສວຍສົດງົດ ງາມ ແລະ ໜ້າອັດສະຈັນ ເຊິ່ງ ໄດ້ຖືກຮັບຮອງເປັນມໍລະນະດົກ ໂລກ ຈາກອົງການຢູເນສໂກມາ ຫລາຍປີແລ້ວ ເຊິ່ງຕັ້ງຢູ່ຫ່າງ ຈາກເມືອງປາກເຊໄປປະມານ 40 ກິໂລແມັດ, ເປັນປູຊະນິຍະ ສະຖານອັນສຳຄັນ ແລະ ເປັນ ສະຖາປັດຕະຍະກຳກ່ອນຍຸກ ອັງກໍວັດໃນໄລຍະສະຕະວັດທີ 7-10, ຜາສາດ ຫີນວັດພູເປັນ ສູນກາງວັດທະນະທຳຂອງ ຂົງເຂດທົ່ງພຽງຈຳປາສັກໂດຍ ມີຈອມພູເກົ້າເປັນຈຸດສຸມກວມ ເອົາເນື້ອທີ່ກວ່າ 400 ເຮັກຕາ ເຊິ່ງ ໃນບໍລິເວນນີ້ ຍັງມີວັດ ວາອາຣາມ, ໜອງນ້ຳບູຮານ, ແຫລ່ງຕັດຫີນ ແລະ ຖະໜົນບູ ຮານທີ່ເຊື່ອມຕໍ່ໄປ ຫາອັງກໍວັດ, ລວມທັງຮ່ອງຮອຍ ເມືອງບູ ຮານ ອັນມີຊື່ວ່າ ເມືອງເສດຖາ ປຸຣະ ໃນຍຸກເລີ່ມຕົ້ນຂອງອາ ນາຈັກຂະແມ. ນອກນັ້ນກໍຍັງມີ ແຫລ່ງທີ່ຕັ້ງຊຸມຊົມແຫ່ງທີ 2 ຢູ່ທາງຕອນໃຕ້ຂອງຜາສາດ ຫີນດັ່ງກ່າວ ເຊິ່ງລວມມີໂຮງ ນາງ ສີດາ, ໂຮງທ້າວເຕົ່າ ແລະ ວັດໂຕະໂຫມະ ຢູ່ເບື້ອງຕາເວັນ ອອກຝັ່ງແມ່ນ້ຳຂອງ.

+ ບໍ່ແກ້ວຈະເປີດປີທ່ອງທ່ຽວລາວໃນເທດສະການດອກງິ້ວບານ

+ ທ່ຽວຊົມວັດພະບາດແອວຂັນແລ້ວພາກັນມາຂີ່ເຮືອແພທ່າງ່ອນ

ໃນເດືອນ ສາມເພັງ (ເດືອນລາວ) ຂອງ ທຸກໆປີ, ປະຊາຊົນຈາກ ທົ່ວທຸກ ແຫ່ງກໍຈະພາກັນເດີນທາງມາ ກາບໄຫ້ວສັກກະລະບູຊາງານ ບຸນນະມັດສະການຜາສາດ ຫີນແຫ່ງນີ້ເປັນ ຈຳນວນຫລວງ ຫລາຍ ແລະ ສິ່ງໂດດເດັ່ນອີກອັນ ໜຶ່ງກໍແມ່ນຫັດຖະກຳຕ່ຳແຜ່ນ ບ້ານສະຜ່າຍຕັ້ງຢູ່.

ຫ່າງຈາກ ເທດສະບານເມືອງ ຊະນະສົມ ບູນປະມານ 18 ກິໂລແມັດ, ເປັນ ສູນກາງດ້ານຫັດຖະກຳຕ່ຳແຜ່ນທີ່ສຳຄັນຂອງແຂວງຈຳປາສັກ ມາເປັນເວລາດົນນານ ເຊິ່ງປະຊາຊົນສ່ວນຫລາຍໄດ້ອາໄສ ການຜະລິດຕະພັນດັ່ງກ່າວເປັນ ແຫລ່ງລາຍຮັບຂອງຕົນ, ໂດຍ ແຕ່ລະມື້ ຈະມີພໍ່ຄ້າມາຮັບຊື້ເອົາ ໄປຂາຍຕໍ່ຢູ່ເມືອງປາກເຊ ແລະ ນະຄອນຫລວງວຽງຈັນ ແລະ ຍັງໄດ້ສົ່ງຂາຍອອກປະເທດໃກ້ ຄຽງອື່ນໆອີກ.