ບໍ່ແກ້ວກຽມຈັດແຂ່ງຂັນເປຕັງຊີງຂັນປະທານສະພາທ້າຍເດືອນພະຈິກນີ້

ແຂວງບໍ່ແກ້ວກຽມຈັດການແຂ່ງຂັນເປຕັງຊີງຂັນປະທານສະພາແຂວງຂຶ້ນໃນທ້າຍເດືອນພະຈິກນີ້ ຢູ່ສວນອາຫານ ດາວລື ໄຊ ເມືອງຫ້ວຍຊາຍ ແຂວງບໍ່ແກ້ວ ໂດຍມີ 4 ລາຍການແຂ່ງຂັນຄື: ດ່ຽວຍິງ-ຊາຍ, ຄູ່ຍິງ-ຄູ່ ຊາຍ, ທີມຊຸດຍິງ-ຊາຍ ແລະ ຄູ່ຊາຍ ວີໄອພີ 45 ປີຂຶ້ນໄປ.

ອີງຕາມການໃຫ້ສໍາພາດ ທ່ານ ວົງສັກ ດາວລືໄຊ ຄະນະຮັບຜິດຊອບຈັດການແຂ່ງຂັນເປຕັງຊີງຂັນປະທານສະພາແຂວງບໍ່ແກ້ວ ໄດ້ກ່າວວ່າ: ໂດຍອີງ ການແຈ້ງການຂອງເຈົ້າແຂວງບໍ່ແກ້ວໃຫ້ຈັດການແຂ່ງຂັນຊີງ ຂັນປະທານສະພາແຂວງເພື່ອສ້າງຂະບວນການຕ້ອນຮັບວັນຊາດ 2 ທັນວາ ຄົບຮອບ 42 ປີ ທີ່ໃກ້ຈະມາເຖິງນີ້ ເຊິ່ງການແຂ່ງຂັນຈະເລີ່ມຈັດຂຶ້ນລະຫວ່າງວັນທີ 28-30 ພະຈິກນີ້ ທີ່ສວນອາຫານ ດາວລືໄຊ ເມືອງຫ້ວຍຊາຍ ແຂວງບໍ່ແກ້ວ ໂດຍຈະມີການແຂ່ງຂັນ 4 ລາຍການ. ສໍາລັບຄ່າ ລົງທະບຽນທັງ 4 ລາຍການປະກອບມີ: ດ່ຽວຍິງ-ຊາຍ 150.000 ກີບ, ຄູ່ຍິງ-ຊາຍ 200.000 ກີບ, ທີມຊຸດຍິງ-ຊາຍ 250.000 ກີບ ແລະ ຄູ່ຊາຍ ວີໄອພີ 45 ປີຂຶ້ນໄປ 200.000 ກີບ.

ສ່ວນລາງວັນອັນດັບທີ 1 ດຽວຍິງ-ຊາຍ ຈະໄດ້ຮັບຫລຽນຄໍາ ພ້ອມດ້ວຍເງິນສົດ 2.500.000 ກີບ, ອັນດັບທີ 2 ຈະໄດ້ຮັບຫລຽນເງິນພ້ອມເງິນສົດ 1.500.000 ກີບ, ອັນດັບທີ 3 ຈະໄດ້ຮັບຫລຽນທອງ ພ້ອມ ດ້ວຍເງິນສົດ 1.000.000 ກີບ; ຂະນະທີ່ອັນດັບທີ 1 ຄູ່ຍິງ-ຊາຍ ຈະໄດ້ຮັບຫລຽນຄໍາ ພ້ອມດ້ວຍ ເງິນສົດ 3.000.000 ກີບ, ອັນ ດັບທີ 2 ຈະໄດ້ຮັບຫລຽນເງິນ ພ້ອມດ້ວຍເງິນສົດ 2.000.000 ກີບ, ອັນດັບທີ 2 ຈະໄດ້ຮັບຫລຽນທອງພ້ອມດ້ວຍເງິນສົດ 1.000.000 ກີບ; ໃນນັ້ນ, ອັນ ດັບທີ 1 ທີມຊຸດຍິງ-ຊາຍຈະໄດ້ຮັບຫລຽນຄໍາ ພ້ອມດ້ວຍເງິນສົດ 4.000.000 ກີບ, ອັນດັບທີ 2 ຈະໄດ້ຮັບຫລຽນເງິນ ພ້ອມດ້ວຍ ເງິນສົດ 3.000.000 ກີບ, ອັນ ດັບທີ 3 ຈະໄດ້ຮັບຫລຽນທອງ ພ້ອມດ້ວຍເງິນສົດ 1.000.000 ກີບ; ສ່ວນອັນດັບທີ 1 ຄູ່ຊາຍ ວີໄອພີ ຈະໄດ້ຮັບຫລຽນຄໍາ ພ້ອມ ດ້ວຍເງິນສົດ 2.000.000 ກີບ, ອັນດັບທີ 2 ຈະໄດ້ຮັບຫລຽນເງິນ ພ້ອມດ້ວຍເງິນສົດ 1.000.000 ກີບ, ອັນດັບທີ 3 ຈະໄດ້ຮັບຫລຽນທອງ ພ້ອມເງິນສົດ 1.000.000 ກີບ.