10 ເດືອນ ຫລວງພະບາງດຶງດູດນັກທ່ອງທ່ຽວໄດ້ 1,7ລ້ານກວ່າຄົນ ສະເລ່ຍຄ່າໃຊ້ຈ່າຍຂອງນັກທ່ອງທ່ຽວ 897 ລ້ານກວ່າໂດລາ

ທ່ານ ນາງ ສຸດາພອນ ຄົມທະວົງ, ຫົວຫນ້າພະແນກຖະ ແຫລງຂ່າວ, ວັດທະນະ ທຳ ແລະ ທ່ອງທ່ຽວ (ຖວທ) ແຂວງຫລວງພະບາງ ລາຍງານຕໍ່ກອງປະຊຸມປຶກສາຫາ ລືເພື່ອກຽມຕ້ອນຮັບນັກທ່ອງທ່ຽວປີ 2025 ທີ່ຈັດຂຶ້ນໃນວັນທີ 11 ພະຈິກ 2024 ວ່າ: ວຽກງານການທ່ອງທ່ຽວກາຍ ເປັນຫົວຈັກຂັບເຄື່ອນດ້ານເສດຖະກິດຂອງແຂວງຫຼວງພະບາງ, ສະເພາະ 10 ເດືອນກວ່າຂອງປີ 2024 ໄດ້ຮັບນັກທ່ອງທ່ຽວ ຫຼາຍກວ່າ 1,778,758 ເທື່ອຄົນ ເທົ່າກັບ 97% ຂອງແຜນການປີ.

ໃນນີ້ ມີນັກທ່ອງທ່ຽວສາກົນ 1,155,181 ເທື່ອຄົນ ເທົ່າກັບ 82%; ສະເລ່ຍຄ່າໃຊ້ຈ່າຍຂອງນັກທ່ອງທ່ຽວປະມານ 897,494,497 ໂດລາສະຫະລັດ. ມີແຫຼ່ງທ່ອງທ່ຽວທີ່ໄດ້ເປີດບໍລິການແລ້ວ 158 ແຫ່ງ, ໃນນີ້ມີສິ່ງຮອງຮັບດ້ານການທ່ອງທ່ຽວເຊັ່ນ: ບໍລິສັດນໍາທ່ຽວ 123 ບໍລິສັດ, ຮ້ານອາຫານ 384 ຮ້ານ, ຮ້ານບັນເທີງ 58 ຮ້ານ, ຮ້ານນວດ – ສະປາ 41 ຮ້ານ, ພະນັກ ງານນໍາທ່ຽວລະດັບແຂວງ ຈໍານວນ 196 ຄົນ, ຍິງ 81 ຄົນ, ໂຮງ ແຮມ – ລີສອດ 116 ແຫ່ງ ແລະ ເຮືອນພັກ 435 ແຫ່ງ ສາມາດຮອງຮັບນັກທ່ອງທ່ຽວໄດ້ 11,280 ເທື່ອຄົນຕໍ່ມື້.

ທີ່ມາ: Lao National Radio