ໄລຍະ 10 ເດືອນ ຂອງປີ2024 ມີຜູ້ເຄາະຈາກລະເບີດຕົກຄ້າງ ເກືອບ 50 ຄົນ, ເສຍຊີວິດ 9 ຄົນ ສ່ວນຫລາຍເປັນເດັກນ້ອຍ

ທ່ານ ບຸນເພັງ ສີສະຫວັດ, ຫົວໜ້າຫ້ອງການ ຄະນະກຳມະການແຫ່ງຊາດລາວງານຕໍ່ກອງປະຊຸມ ຂະແໜງການແກ້ໄຂລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ວັນທີ 1 ພະຈິກ 2024 ນີ້ວ່າ: ນັບແຕ່ຕົ້ນປີ ຫາເດືອນ ຕຸລາ 2024 ນີ້ ສາມາດສຳຫຼວດພື້ນທີ່ ທີ່ຢັ້ງຢືນວ່າອັນຕະລາຍຈາກລະເບີດລູກຫວ່ານ( CHA), ເພື່ອຈະເກັບກູ້ລະເບີດໄດ້ທັງໝົດ 19,820 ເຮັກຕາ ເທົ່າກັບ 79% ຂອງເປົ້າໝາຍ ທີ່ວາງໄວ້ 25,000 ເຮັກຕາ ແລະ ເກັບກູ້ໄດ້ທັງໝົດ 5,275 ເຮັກຕາ ແລະ ທຳລາຍລະເບີດໄດ້ຫລາຍກວ່າ 71,875 ໜ່ວຍ

ຕະຫລອດໄລຍະ 10 ເດືອນ (ມັງກອນ-ຕຸລາ 20224) ມີຜູ້ເຄາະຮ້າຍຈາກອຸບັດເຫດຍ້ອນລະເບີດບໍ່ທັນແຕກ 48 ຄົນ ເສຍຊີວິດ 9 ຄົນ, ໃນນັ້ນເປັນເດັກນ້ອຍ ເຖິງ 62.5%. ມີຜູ້ບາດເຈັບ 23 ຄົນກວມ 35%, ສາເຫດຫຼັກ ແມ່ນມາຈາກ ການຈັບຫຼິ້ນລະເບີດ, ຕໍ່ມາແມ່ນ ການຂຸດດິນ 8 ຄົນ 30%, ການດັງໄຟຖືກລະເບີດ 3 ຄັ້ງ ໄດ້ຮັບບາດເຈັບ 8 ຄົນ ແລະ ການພະຍາຍາມມ້າງໜ່ວຍລະເບີດ ແລະ ການຖາງປ່າ 10% ຂອງຈຳນວນອຸປະຕິເຫດທັງໝົດ.

ໃນປີ 2025 ສປປ ລາວຈະເນັ້ນໃສ່ການ ເຜີຍແຜ່ຄວາມຮູ້ ແລະ ຄວາມອັນຕະລາຍຂອງລະເບີດ ຜ່ານ ວິທະຍຸກະຈາຍສຽງແຂວງ, ຂະຫຍາຍຕາໜ່າງການຊ່ວຍເຫຼືອ ຜູ້ເຄາະຮ້າຍ ໃນແຂວງ ທີ່ສຳຄັນ ລວມທັງການປັບປຸງລະບົບຂໍ້ມູນ, ກອງປະຊຸມການປົກຄອງ, ແລະ ການປະຕິບັດຕາມສົນທິສັນຍາຫ້າມລະເລີດລູກຫວ່ານ. ເຄື່ອງມືເກັບກູ້ທີ່ມີຄວາມທັນສະໄໝ, ການຝຶກອົບຮົມນັກວິຊາການ, ແລະ ລະບົບການຄຸ້ມຄອງຂໍ້ມູນຂ່າວສານທີ່ມີຄວາມເຂັ້ມແຂງເພື່ອຈະເສີມຂະຫຍາຍຄວາມປອດໄພຈາກລະເບີດບໍ່ທັນແຕກ ໃນທົ່ວປະເທດລາວ.

ທີ່ມາ: ວຽງຈັນທາຍ