Apple ກຽມເປີດຕົວ iPad ໜ້າຈໍສຸດຂອບ ແລະ ມີ Face ID ເຊັ່ນດຽວກັບ iPhone X ໃນປີ 2018

Apple ກໍາລັງພັດທະນາ iPad ຮຸ່ນໃໝ່ທີ່ມີໜ້າຈໍໄຮ້ຂອບ ແລະ ຮອງຮັບ ເຊັ່ນດຽວກັບ iPhone X, ເວັບໄຊ Bloomberg ລາຍງານວ່າ Apple ກໍາລັງພັດທະນາ iPad ຫຼາຍຮຸ້ນສໍາລັບປີ 2018 ໂດຍໜຶ່ງໃນນັ້ນຈະເປັນຮຸ້ນໄຮເອນທີ່ມີຄວາມໜ້າສົນໃຈດັ່ງນີ້:

            ມີໜ້າຈໍ LCD ຂະໜາດ 10.5 ນິ້ວ (ບໍ່ແມ່ນ OLED ທີ່ໃຊ້ກັບ iPhone X) ທີ່ມີຂອບຈໍບາງລົງ ແລະ ບໍ່ມີປຸ່ມໂຮມ

ຮອງຮັບເຕັກໂນໂລຊີສະແກນໃບໜ້າ Face ID ສໍາລັບໃຊ້ໃນການປົດລັອກຕົວເຄື່ອງແທນເຊັນເຊີສະແກນລາຍນິ້ວມືທີ່ປຸ່ມໂຮມ

ພັດທະນາ Apple Pencil ແລະ ຊອບແວ ເພື່ອໃຫ້ສາມາດຂຽນ ຫຼື ແຕ້ມຮູບໄດ້ດີຍິ່ງຂຶ້ນ

            ຢ້ອນກັບໄປປີ 2015, iPad ໄດ້ກາຍເປັນຜະລິດຕະພັນທີ່ສ້າງລາຍຮັບໃຫ້ກັບ Apple ຫຼາຍທີ່ສຸດເປັນອັນດັບ 2 ແຕ່ໃນ​ໄລຍະຫຼັງມານີ້ ຍອດຈໍາໜ່າຍ iPad ທົ່ວໂລກໄດ້ຫຼຸດລົງ 17%, ເມື່ອໄຕມາດຫລ້າສຸດຜ່ານມາ iPad ສາມາດກັບມາສ້າງຍອດຈໍາໜ່າຍທີ່ໜ້າເພິ່ງພໍໃຈ (ເພີ່ມຂຶ້ນ 11%) ແລະ ສ້າງລາຍໄດ້ໃຫ້ກັບ Apple ໄປ 4,8 ພັນລ້ານໂດລາສະຫະລັດ. ດັ່ງນັ້ນ ເຮັດໃຫ້ Apple ເບິ່ງວ່າ iPad ຍັງຄົງເປັນຜະລິດຕະພັນຫຼັກ ແລະ ໄດ້ລົງທຶນໃນການພັດທະນາຢ່າງຕໍ່ເນື່ອງຕໍ່ໄປ.