ຂໍ້ຫ້າມໃນໂອກາດສະຫລອງປີໃໝ່ ພສ 2560
ສະບາຍດີ ເພື່ອນຜູ້ອ່ານທີ່ຮັກແພງ ເພື່ອເພີ່ມທະວີຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍ ໃນໂອກາດສະຫລອງສົງການປີໃໝ່ລາວທີ່ຈະໝູນວຽນມາຮອດໃນອີກບໍ່ດົນນີ້ ແລະ ໃຫ້ມີບັນຍາກາດເບີກບານ ມ່ວນຊື່ນ, ກອງບັນຊາການ ປກສ ນະຄອນຫລວງວຽງຈັນ ກໍໄດ້ອອກແຈ້ງການເຕືອນໃຫ້ສັງຄົມມີສະຕິ ແລະ ໄດ້ ອອກຂໍ້ຫ້າມ ຕ່າງໆຄື:
1. ຫ້າມບໍ່ໃຫ້ຂາຍ ແລະ ຈຳໜ່າຍສິນຄ້າທີ່ກໍ່ໃຫ້ເກີດມີສຽງແຕກ, ສຽງດັງທຸກປະເພດ, ບໍ່ ໃຫ້ຈູດໝາກກະໂພກ, ບັ້ງໄຟດອກທຸກຊະນິດ, ບໍ່ໃຫ້ນຳໃຊ້ທາດລະເບີດ, ທາດແຕກ, ທາດເບື່ອເຄມີ, ທາດກຳມະ ລັງສີ ແລະ ວັດຖຸອອກລິດຕໍ່ສຸຂະພາບຈິດ ເປັນຜົນລົບຕໍ່ຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງ ສັງຄົມ.
2. ຫ້າມບໍ່ໃຫ້ໃຊ້ນ້ຳເປື້ອນ, ນ້ຳສີ, ນ້ຳຄັນຄາຍ ແລະ ນ້ຳກ້ອນໃສ່ຖົງຢາງຫົດ- ແກວ່ງໃສ່ກັນ, ບໍ່ໃຫ້ນຸ່ງ ເຄື່ອງສັ້ນເຂີນຍົວະຍວນທີ່ບໍ່ຖືກຕາມຮີດຄອງປະເພນີ, ຫລິ້ນທ່ຽວແບບລາມົກອານາຈານ ແລະ ຫລິ້ນການພະ ນັນທຸກປະເພດຢ່າງເດັດຂາດ.
3. ຫ້າມບັນດາຮ້ານບັນເທີງ, ກິນດື່ມເປີດບໍລິການກາຍເວລາ 23:00 ໂມງຢ່າງ ເດັດຂາດ.
4. ຫ້າມບໍ່ໃຫ້ລົງຫລິ້ນຫາດຊາຍນ້ຳຂອງທີ່ບໍ່ໄດ້ຮັບອະນຸຍາດຈາກທາງການ ຫລື ບ່ອນທີ່ບໍ່ມີເຈົ້າໜ້າ ທີ່ຄອຍຮັກສາຄວາມສະຫງົບປອດໄພ ເພື່ອຫລີກເວັ້ນສິ່ງບໍ່ດີ, ບໍ່ເພິ່ງປາຖະໜາຕ່າງໆຕາມມາ.
5. ຫ້າມຂີ່ລົດເປັນ ພຶງເປັນແພ, ແລ່ນລົດໄວເກີນຂອບເຂດ, ເປີດເຄື່ອງສຽງໃນລົດດັງເກີນໄປ ແລະ ໃຫ້ຜູ້ຂັບຂີ່ເປັນເຈົ້າການປະຕິ ບັດຄຳຂວັນ “ດື່ມບໍ່ຂັບ-ຂັບບໍ່ດື່ມ” ເພື່ອຮັບປະກັນຄວາມສະຫງົບປອດໄພ ແລະ ພ້ອມນັ້ນ ກໍຫ້າມດື່ມສິ່ງມຶນເມົາ ແລ້ວຂັບຂີ່, ຫ້າມຜູ້ໂດຍສານເກາະປີນຂຶ້ນລົດ ແລະ ນັ່ງຫົວລົດໃນເວລາຂັບຂີ່ຢ່າງເດັດຂາດ, ໃຫ້ເອົາໃຈໃສ່ປະຕິບັດ ລະບຽບຈະລາຈອນໃຫ້ເຂັ້ມງວດ, ຫ້າມບັນທຸກສິນຄ້າ ແລະ ຜູ້ໂດຍສານເກີນກຳນົດ.
6. ຫ້າມໃຊ້ພາຫະນະທຸກປະ ເພດບັນຈຸຖັງນ້ຳ, ຄຸນ້ຳເລາະຫົດຕາມເສັ້ນທາງຕ່າງໆ.
7. ຫ້າມຫລິ້ນນ້ຳເປັນກຸ່ມເຕັ້ນຢູ່ຕາມທ້ອງຖະໜົນຫລວງ ຢ່າງເດັດຂາດ ແລະ ຫ້າມໃຊ້ທໍ່ນ້ຳຕໍ່ອອກມາຫົດຢູ່ກາງຖະໜົນຢ່າງເດັດຂາດ ແລະ
8. ແມ່ນຫ້າມຫົດນ້ຳໃສ່ເຈົ້າ ໜ້າທີ່ທີ່ກຳລັງປະຕິບັດໜ້າທີ່ຢູ່ຢ່າງເດັດຂາດ. ຖ້າໃຜລະເມີດກໍຈະຖືກສຶກສາອົບຮົມ, ປັບໄໝ ຫລື ຂັ້ນຮ້າຍແຮງກໍ ຈະໄດ້ດຳເນີນຄະດີຕາມລະບຽບກົດໝາຍ.
ພ້ອມນີ້ ກໍຮຽກຮ້ອງໃຫ້ທົ່ວສັງຄົມເອົາໃຈໃສ່ປະຕິບັດ ແລະ ເຄົາລົບລະ ບຽບກົດໝາຍ ແລະ ນິຕິກຳຕ່າງໆໃຫ້ເຂັ້ມງວດ, ມີສະຕິລະວັງຕົວ, ປົກປັກຮັກສາຊັບສົມບັດຂອງຕົນໃຫ້ດີ, ມີສະ ຕິຕໍ່ການນຳໃຊ້ຟືນໄຟ, ກ່ອນຈະອອກເຮືອນຕ້ອງໃສ່ໃຈມອດໄຟ ແລະ ເຄື່ອງໃຊ້ໄຟຟ້າຕ່າງໆໃຫ້ດີ, ເອົາໃຈໃສ່ເວນ ຍາມ ແລະ ປະກອບສ່ວນແກ້ໄຂປາກົດການຫຍໍ້ທໍ້ຕ່າງໆໃຫ້ມີປະສິດທິຜົນດີຂຶ້ນກວ່າເກົ່າ.
