ຫ້າມນໍາໃຊ້ໂດຣນບິນ ເພື່ອຖ່າຍພາບ ແລະ ຖ່າຍວີດີໂອ ຫລື ກິດຈະກໍາອື່ນໆ ໃນໄລຍະດໍາເນີນກອງປະຊຸມສຸດຍອດ ອາຊຽນ ຄັ້ງທີ 44, 45.
ຫ້າມນໍາໃຊ້ໂດຣນບິນ ເພື່ອຖ່າຍພາບ ແລະ ຖ່າຍວີດີໂອ ຫລື ກິດຈະກໍາອື່ນໆ ໃນໄລຍະດໍາເນີນກອງປະຊຸມສຸດຍອດ ອາຊຽນ ຄັ້ງທີ 44, 45.
ວັນທີ 27 ກັນຍາ 2024 ນີ້ ຫ້ອງວ່າການກະຊວງປ້ອງກັນຄວາມສະຫງົບ ແຈ້ງເຖິງຊາວນະຄອນຫລວງວຽງຈັນ ກ່ຽວກັບການຫ້າມໃຊ້ໂດຣນ ໃນລະຫວ່າງວັນທີ 01- 12 ຕຸລາ 2024 ສປປ ລາວ ຈະໄດ້ຮັບກຽດເປັນເຈົ້າພາບ ຈັດກອງປະຊຸມສຸດຍອດອາຊຽນ ຄັ້ງທີ 44,45, ເຊິ່ງ; ຈະມີປະມຸກລັດ, ຫົວຫນ້າລັດຖະບານຂອງບັນດາປະເທດອາຊຽນ, ປະເທດຄູ່ເຈລະຈາ ແລະ ແຂກຂັ້ນສູງຕ່າງປະເທດ ເຂົ້າຮ່ວມກອງປະຊຸມ ເພື່ອຮັບປະກັນໃຫ້ກອງປະຊຸມດັ່ງກ່າວມີຄວາມປອດໄພສູງສຸດ.
1. ຫ້າມນໍາໃຊ້ໂດຣນບິນຖ່າຍພາບ, ບິນໂດຣນເພື່ອສໍາຫລວດ, ບິນໂດຣນເພື່ອກະສິກໍາ ແລະ ອື່ນໆ, ໃນລະຫວ່າງ ວັນທີ 01-12 ຕຸລາ 2024 ໃນຂອບເຂດ 09 ຕົວເມືອງ, ໃນນະຄອນຫລວງວຽງຈັນ ຢ່າງເດັດຂາດ.
2. ຖ້າກໍລະນີຈໍາເປັນ ຕ້ອງໄດ້ນໍາໃຊ້ໂດຣນ ໃຫ້ເຮັດໜັງສືສະເໜີ ເຖິງຫ້ອງວ່າການກະຊວງປ້ອງກັນປະເທດ-ຫ້ອງວ່າການປ້ອງກັນຄວາມສະຫງົບ ເພື່ອຮັບຊາບ ແລະ ເພື່ອລາຍງານຂໍທິດຊີ້ນໍາຈາກຂັ້ນເທິງ.
3. ກໍລະນີທີກະຊວງປ້ອງກັນປະເທດ-ກະຊວງປ້ອງກັນຄວາມສະຫງົບ ໄດ້ອະນຸຍາດໃຫ້ນໍາໃຊ້ໂດຣນໃນໄລຍະກ່ອນ ຖືວ່າໃຫ້ຢຸດໂຈະຊົ່ວຄາວໃນໄລຍະວັນທີ 01-12 ຕຸລາ 2024.
4. ກໍລະນີບຸກຄົນ, ນິຕິບຸກຄົນ ຫຼື ການຈັດຕັ້ງ ຫາກຍັງບໍ່ປະຕິບັດຕາມແຈ້ງການສະບັບນີ້ ເຈົ້າຫນ້າທີ່ກວດກາພົບ ເຫັນຈະທໍາລາຍໂດຣນດັ່ງກ່າວ ພ້ອມທັງດໍາເນີນຄະດີ ຕາມລະບຽບກົດໝາຍ.
5. ໃຫ້ບັນດາຫ້ອງການກະຊວງ, ອົງການທຽບເທົ່າ, ສູນກາງແນວລາວສ້າງຊາດ, ອົງການຈັດ ຕັ້ງມະຫາຊົນຂັ້ນ ສູນກາງ, ຫ້ອງວ່າການນະຄອນຫລວງວຽງຈັນ, ພະນັກງານລັດຖະກອນ, ທະຫານ-ຕໍາຫລວດ, ຊາວຄ້າຂາຍປະຊາຊົນບັນ ດາເຜົ່າ, ຊາວຕ່າງດ້າວ ແລະ ຊາວຕ່າງປະເທດ ທີ່ອາໄສຢູ່ນະຄອນຫລວງວຽງຈັນ ນໍາເອົາແຈ້ງການສະບັບນີ້ ໄປເຜີຍແຜ່ໃຫ້ ຮັບຊາບຢ່າງທົ່ວເຖິງ.
ດັ່ງນັ້ນ, ຈຶ່ງໄດ້ແຈ້ງມາເພື່ອຊາບ ແລະ ພ້ອມກັນຈັດຕັ້ງປະຕິບັດຕາມເນື້ອໃນຂ້າງເທິງຢ່າງເຂັ້ມງວດ.
