ຄວາມເສຍຫາຍອິດສະລາແອນໂຈມຕີລີບັງ ເສຍຊີວິດຫລາຍທີ່ສຸດໃນຮອບເກືອບ 20 ປີ

      ອິດສະລາແອນເລີ່ມໂຈມຕີທາງອາກາດ ໂດຍເນັ້ນເປົ້າໝາຍໃສ່ກຸ່ມແຮັດໂບລາຢູ່ລີບັງ ພາຍຫລັງຄວາມຂັດແຍ່ງລະຫວ່າງທັງສອງຝ່າຍທະວີຄວາມເຄັ່ງຕຶງຂຶ້ນໃນໄລຍະຜ່ານມາ. ເຫດການໂຈມຕີຄັ້ງຫລ້າສຸດຈາກອິດສະລາແອນເປັນວັນທີ່ມີຜູ້ເສຍຊີວິດຫລາຍທີ່ສຸດໃນຄວາມຂັດແຍ່ງນີ້ໃນຮອບເກືອບ 20 ປີ.

     ນອກຈາກນີ້ ຍັງມີຄອບຄົວອີກນັບພັນທີ່ຕ້ອງໜີອອກຈາກບ້ານເຮືອນ ພາຍຫລັງກອງທັບອິດສະລາແອນໂຈມຕີເປົ້າໝາຍ 1,300 ກວ່າຈຸດຢູ່ລີບັງ ທີ່ເຊື່ອວ່າສ້າງຂຶ້ນໂດຍແຮັດໂບລານັບແຕ່ສົງຄາມປີ 2006, ສ່ວນກຸ່ມແຮັດໂບລາຍິງຈະຫລວດ 200 ກວ່າລູກເຂົ້າໃສ່ຕອນເໜືອຂອງອິດສະລາແອນ ເຊິ່ງເຮັດໃຫ້ມີຜູ້ບາດເຈັບ 2 ຄົນ.