ມອບຜູ້ຖືກຫາ 2 ຄົນ ພ້ອມສັດປ່າຫວງຫ້າມ ໃຫ້ກອງກວດກາປ່າໄມ້ ແຂວງຄຳມ່ວນ ດຳເນີນຄະດີ

ຂ່າວ ປກສ ແຂວງຄຳມ່ວນ ລາຍງານວ່າ: ວັນທີ 19 ກັນຍາ 2024 ເຈົ້າໜ້າທີ່ພະແນກຕຳຫລວດສິ່ງແວດລ້ອມ ປກສ ແຂວງຄຳມ່ວນ ໄດ້ມອບຜູ້ຖືກຫາ 2 ຄົນ ຄື: ທ້າວ ເຈັກ ສຸລິມົນ ອາຍຸ 27 ປີ ແລະ ທ້າວ ບຸນໄມ ອາຍຸ 24 ປີ ທັງສອງ ເປັນປະຊາຊົນຢູ່ ບ້ານ ດຸ ເມືອງບົວລະພາ ແຂວງຄຳມ່ວນ ພ້ອມດ້ວຍສັດປ່າຫວງຫ້າມປະເພດ ລິ່ນ 2 ໂຕ, ນ້ຳໜັກ 4,9 ກິໂລກຣາມ, ລູກໂຕຄ່າງແດງ 1 ຕົວ, ນ້ຳໜັກ 1 ກິໂລກຣາມ. ໃຫ້ກອງກວດກາປ່າໄມ້ ແຂວງຄຳມ່ວນ ດຳເນີນຄະດີໃນຂໍ້ຫາການຄ້າຂາຍ ຫລື ມີໄວ້ໃນຄອບຄອງສັດນ້ຳ ຫລື ສັດປ່າທີ່ຫວງຫ້າມ ຕາມມາດຕາ 334 ມາດຳເນີນການສືບສວນ – ສອບສວນ ແລະ ດຳເນີນຄະດີຕາມຂັ້ນຕອນຂອງກົດໝາຍຕໍ່ໄປ.