Silverlake Axis ຮ່ວມມືກັບທະນາຄານ Lao Bullion Bank ເພື່ອສ້າງຄັງສຳຮອງຄໍາຂອງປະເທດ ແລະ ສົ່ງເສີມຄວາມໝັ້ນຄົງດ້ານການເງິນ

Silverlake Axis ຈະນຳເອົາລະບົບທະນາຄານແບບ Silverlake Symmetri ເຊິ່ງເປັນລະບົບທີ່ມີຊື່ສຽງລະດັບໂລກ ມາປັບໃຊ້ກັບທະນາຄານ Lao Bullion Bank

ນີ້ເປັນການຮ່ວມມືຄັ້ງທີສາມຂອງ Silverlake Axis ໃນ ສປປ ລາວ, ຫຼັງຈາກທີ່ ກ່ອນໜ້ານີ້ໄດ້ມີການຮ່ວມມືກັບ ທະນາຄານ ພົງສະຫວັນ ແລະ ທະນາຄານ RHB

ການຮ່ວມມືສອດຄ່ອງກັບຍຸດທະສາດຂອງ Silverlake Axis ຂອງການຂະຫຍາຍຕົວໃນລະດົບພາກພື້ນ ໂດຍຜ່ານສະຖາບັນການເງິນໃນທ້ອງຖິ່ນ BFSIs

ໃນວັນທີ 17 ກັນຍາ 2024 ທີ່ນະຄອນຫຼວງວຽງຈັນ- ບໍລິສັດ Silverlake Axis (SGX: 5CP) (“SAL”), ບໍລິສັດຊັ້ນນຳດ້ານການທະນາຄານ ແລະ ເຕັກໂນໂລຊີການເງິນ, ໄດ້ປະກາດການຮ່ວມມື ກັບທະນາຄານ Lao Bullion Bank ເຊິ່ງການ​ຮ່ວມ​ມື​ດັ່ງ​ກ່າວ​ໄດ້​ເລີ່ມ​ຕົ້ນ ​ໃນ​ພິ​ທີ​ລົງ​ນາມ​ ​ວັນ​ທີ 13 ກັນ​ຍາ 2024.

ພາຍໃຕ້ຄວາມຮ່ວມມືນີ້, SAL (Silverlake Axis) ຈະນຳເອົາລະບົບແບບ Silverlake Symmetri ໄປໃຊ້ກັບທະນາຄານ Lao Bullion Bank. Silverlake Symmetri ເປັນໜຶ່ງໃນລະບົບ ການແກ້ໄຂບັນຫາການທະນາຄານ ຊັ້ນນໍາສາກົນໃນປັດຈຸບັນ, ເຊິ່ງກວມເອົາທຸກດ້ານຂອງທຸລະກິດທະນາຄານ ວີທີການແກ້ໄຂບັນຫາດັ່ງກ່າວ ເຮັດຫນ້າທີ່ເພື່ອຊ່ວຍໃຫ້ທະນາຄານ ສາມາດປັບປຸງລະບົບຫຼັກໃຫ້ທັນສະໄຫມ ແລະ ບໍລິຫານຈັດການ ການຂະຫຍາຍຕົວ ໂດຍທີ່ສາມາດຮັກສາຕົ້ນທຶນຄ່າໃຊ້ຈ່າຍທີ່ຕ່ຳໄດ້.

“ໃນຖານະທີ່ເປັນທະນາຄານແຫ່ງທໍາອິດທີ່ອໍານວຍຄວາມສະດວກໃຫ້ແກ່ການຊື້ຂາຍຄໍາໃນລາວ, ການກໍ່ຕັ້ງທະນາຄານລາວ Lao Bullion Bank ຖືເປັນຊ່ວງເວລາສຳຄັນສຳລັບ ລະບົບການເງິນຂອງປະເທດ. ເຊິ່ງຈະຊ່ວຍໃຫ້ທັງ ນິຕິບຸກຄົນ ແລະ ນັກທຸລະກິດສາມາດ ຝາກ ແລະ ຊື້ຂາຍຄຳໄດ້ຢ່າງປອດໄພ, ພວກເຮົາໝັ້ນໃຈວ່າ ການຮ່ວມມືກັບ ບໍລິສັດ Silverlake Axis ຈະຊ່ວຍໃຫ້ພວກເຮົາບັນລຸພາລະກິດຂອງພວກເຮົາໃນການປະກອບສ່ວນເຂົ້າໃນການສ້າງ ສະຖຽນລະພາບໃຫ້ກັບ ຄ່າເງິນກີບ ແລະ ເສດຖະກິດໂດຍລວມ ດ້ວຍການສ້າງມາດຕະຖານການການຊື້ຂາຍຄໍາຕາມມາດຕະຖານສາກົນ” ກ່າວໂດຍ ທ່ານ ຈັນສອນ ສິດຖິໄຊ ປະທານທະນາຄານລາວ Lao Bullion Bank. “ພວກເຮົາມີຄວາມພູມໃຈທີ່ໄດ້ສະໜັບສະໜູນ ວິ​ໄສ​ທັດ​ຂອງ​ລັດຖະບານ ​ໃນການ​ເພິ່ງພາຕົນເອງ​ທາງ​ດ້ານ​ເສດ​ຖະ​ກິດ ​ແລະ ​ການ​ຂະ​ຫຍາຍ​ຕົວ​ແບບ​ຍືນ​ຍົງ.”

ການ​ຮ່ວມ​ມື​ດັ່ງກ່າວ​ ມີ​ຈຸດປະສົງ​ເພື່ອ​ສະໜັບສະໜູນ​ເປົ້າ​ໝາຍ​ຂອງ ​ທະນາຄານ Lao Bullion Bank ​ໃນ​ການ​ສ້າງ​ຄັງ​ຄຳ​​ສຳຮອງຢູ່ ປະເທດ​ລາວ, ​ເພີ່ມ​ທະວີ​ຄວາມ​ໝັ້ນຄົງ​ດ້ານ​ການ​ເງິນ​ຂອງ​ປະ​ເທດ ​ແລະ ​ເສີມ​ຂະຫຍາຍ​ເສດຖະກິດ​ໃຫ້ມີຄວາມເຂັ້ນແຂງ. ເນື່ອງຈາກທະນາຄານ ມີແຜນທີ່ຈະດໍາເນີນທຸລະກິດຢ່າງເຕັມຮູບແບບໃນທ້າຍປີນີ້, Silverlake Axis ຈະຊ່ວຍໃຫ້ລູກຄ້າ ຊື້ຂາຍຄໍາໄດ້ຢ່າງສະດວກສະບາຍ ແລະ ສາມາດໃຊ້ບໍລິການທາງດ້ານການເງິນອື່ນໆທີ່ທະນາຄານໄດ້ນຳສະເໜີ, ເຊິ່ງຈະຊ່ວຍເສີມຂະຫຍາຍບົດບາດຂອງທະນາຄານ ໃນຖານະ ສະຖາບັນສູນກາງໃນຕະຫຼາດທອງຄໍາ. ສິ່ງ​ດັ່ງກ່າວ, ​ຈະ​ເຮັດ​ໃຫ້​ທະນາຄານ​ສາມາດ​ສ້າງ​ມາດຕະຖານ​ການ​ຄ້າ ​ແລະ ການ​ລົງທຶນ​ຄຳ, ເພີ່ມການດຶງ​ດູດ​ບັນດາ​ຜູ້ຖືຮຸ້ນ ທັງ​ພາຍ​ໃນ ​ແລະ ຕ່າງປະ​ເທດ.

ທ່ານ Cassandra Goh, ຜູ້ອຳນວຍການໃຫຍ່ ຂອງກຸ່ມ ແລະ ຮອງປະທານ ບໍລິຫານ ຂອງ SAL ໄດ້ກ່າວວ່າ “ພວກເຮົາຮູ້ສຶກຕື່ນເຕັ້ນຫຼາຍທີ່ຈະໄດ້ຮ່ວມງານ ກັບທະນາຄານ Lao Bullion Bank ແລະ ຮູ້ສຶກເປັນກຽດ ທີ່ໄດ້ຮັບໂອກາດໃນການເປັນຜູ້ສະໜັບສະໜຸນດ້ານເຕັກໂນໂລຊີ ໃນເສດຖະກິດເກີດໃໝ່ ທີ່ມີທ່າແຮງການຂະຫຍາຍຕົວທີ່ເຂັ້ມແຂງ. ເຖິງແມ່ນວ່າອຸດສາຫະກຳນີ້ ຈະຢູ່ໃນຊ່ວງເລີ່ມຕົ້ນຂອງການພັດທະນາ, ແຕ່ພວກເຮົາກຳລັງເຫັນການປ່ຽນແປງ ໄປສູ່ທະນາຄານແບບດິຈິຕອນ ດ້ວຍການສະໜັບສະໜູນຢ່າງຕັ້ງໜ້າຈາກພາກລັດ. ຈາກໂອກາດທີ່ຈະເພີ່ມການສະຫນັບສະຫນູນນີ້ ດ້ວຍຮູບແບບການແກ້ໄຂຕ່າງໆຂອງພວກເຮົາ ພ້ອມກັບປະຫວັດຜົນງານທີ່ຍາວນານ ເຮັດໃຫ້ ສປປ ລາວ ເປັນຕະຫຼາດທີ່ຫນ້າສົນໃຈສໍາລັບພວກເຮົາ.”

ນັບວ່າເປັນການ​ຮ່ວມ​ມື​ຄັ້ງ​ທີ 3 ຂອງ SAL ຢູ່​ໃນ ປະເທດ​ລາວ ແລະ ເປັນ​ການຮ່ວມມື​ໃໝ່​ຄັ້ງ​ທຳ​ອິດ​ຂອງ​ບໍ​ລິ​ສັດ​ໃນ​ຮອບ​ທົດ​ສະ​ວັດ, ຖັດ​ຈາກ ​ທະ​ນາ​ຄານ ​ພົງ​ສະ​ຫວັນ ແລະ ທະນາຄານ RHB. ໃນຂົງເຂດອາຊີຕາເວັນອອກສຽງໃຕ້, ບໍລິສັດໄດ້ມີຄວາມພະຍາຍາມຢ່າງຕໍ່ເນື່ອງ ໃນການເພີ່ມກິດຈະກຳທາງທຸລະກິດ ແລະ ເຂົ້າສູ່ຕະຫຼາດໃຫມ່ໆ. ​ໃນ​ຊຸມ​ເດືອນ​ທີ່ຜ່ານມາ​ນີ້, SAL ​ໄດ້ຂະຫຍາຍທຸລະກິດໃນ ກຳປູ​ເຈຍ ​ແລະ ຫວຽດນາມ ດ້ວຍ​ການ​ຮ່ວມ​ມື​ກັບ​ກຸ່ມ​ບໍລິສັດ Chip Mong (ປະເທດກຳປູ​ເຈຍ) ​ແລະ KMS Solutions (ປະເທດຫວຽດນາມ) ພາຍໃຕ້ການນຳພາຂອງຜູ້ບໍລິຫານຄົນໃໝ່, SAL ມີແຜນທີ່ຈະຂະຫຍາຍຂອບເຂດການແກ້ໄຂບັນຫາທີ່ມີຢູ່ ເພື່ອຕອບສະໜອງຕໍ່ຄວາມທ້າທາຍທີ່ຫຼາກຫຼາຍ ໃນອຸດສາຫະກໍາຕ່າງໆໃນຂົງເຂດນີ້ອີກດ້ວຍ.