ສຳເລັດການກໍ່ສ້າງຫໍສະມຸດໂຮງຮຽນ ມສ ນ້ຳສັງ

ພິທີມອບ-ຮັບ ແລະ ເປີດນຳ ໃຊ້ຫໍສະໝຸດໂຮງຮຽນ ມສ ນ້ຳສັງ ເມືອງສັງທອງ ນະຄອນຫລວງ ວຽງຈັນ, ໄດ້ມີຂຶ້ນໃນວັນທີ 7 ພະຈິກນີ້, ທີ່ໂຮງຮຽນດັ່ງກ່າວ, ລະຫວ່າງທ່ານ ໂມຮາມັດ ອິນິບິນ ອາຕານ ເອກອັກຄະລາຊາທູດ ມາເລເຊຍ ປະຈຳລາວ ແລະ ທ່ານ ສຸລິແສງ ສີຫາລາດ ຫົວໜ້າ ຫ້ອງການສຶກສາທິການ ແລະ ກິລາ ເມືອງສັງທອງ, ໂດຍການເຂົ້າຮ່ວມຂອງທ່ານ ພົງສະຫວັນ ສີລິພັນ ຮອງເຈົ້າ ເມືອງສັງທອງ, ພ້ອມດ້ວຍຄູອາ ຈານ ແລະ ພາກສ່ວນກ່ຽວຂ້ອງ.

+ ຖວທ ເຊກອງມອບໂທລະໂຄ່ງໃຫ້ບ້ານທົ່ງແຄນ

+ ຫລາຍພາກສ່ວນມອບເຄື່ອງຊ່ວຍເຫລືອໂຮງຮຽນມັດທະຍົມຕອນຕົ້ນບ້ານວັງມ້າ, ເມືອງສັງທອງ

ຫໍສະໝຸດດັ່ງກ່າວ ເປັນອາ ຄານຊັ້ນດຽວມີ 1 ຫ້ອງ, ມີ ເຄື່ອງ ຄອມພິວເຕີ ແລະ ຈັກກ໋ອບປີ້ 1 ຊຸດ, ໂຕະຕັ່ງ ແລະ ຕູ້ໃສ່ ເອກະສານ 6 ໜ່ວຍ ແລະ ອຸປະກອນ ອື່ນໆອີກ, ລວມມູນຄ່າ 400 ລ້ານ ກີບ, ເຊິ່ງເປັນທຶນຂອງ ທ່ານ ດາ ໂຕະ ເຊີຣີອາມັດ ຣັດສະນີ ມິ່ນ ໂມຫາມັດ ຣານ ເດຊລາ ອາດິດ ຮອງລັດຖະມົນຕີກະຊວງການ ເງິນປະເທດມາເລເຊຍ, ການກໍ່ ສ້າງແມ່ນ ເລີ່ມມາແຕ່ເດືອນກັນ ຍາຜ່ານມານີ້, ເພື່ອປະກອບສ່ວນ ເຂົ້າໃນວຽກງານພັດທະນາຊັບ ພະຍາກອນມະນຸດຂອງລາວໃຫ້ມີການກ້າວໜ້າຂະຫຍາຍຕົວ.