ເຮືອງ ມິນ ສ້າງສະຖິຕິເປັນນັກເຕະອາຊີຍິງປະຕູໃນພຣີເມຍລີກ ໄດ້ຫຼາຍທີ່ສຸດ

ຊົນ ເຮືອງມິນ ກອງໜ້າ ທີມຊາດ ສ.ເກົາຫຼີ ຂອງທີມ ທັອດແນມ ຮັອດສະເປີ ອອກ ມາຍອມຮັບວ່າເປັນເລື່ອງພິ ເສດຢ່າງຍິ່ງທີ່ສາມາດທຳ ລາຍສະຖິຕິຂອງ ພາກ ຈີ-ຊອງ ອະດີດກອງກາງ ຮ່ວມຊາດຂອງທີມ ແມນເຊສ ເຕີ ຢູໄນເຕັດ ໃນການກາຍ ເປັນນັກເຕະຈາກອາຊີ ທີ່ຍິງ ປະຕູໃນການແຂ່ງຂັນພຣີເມຍລີກ ອັງກິດ ຫຼາຍທີ່ສຸດ.
ກອງໜ້າອາຍຸ 25 ປີ ຍິງ ປະຕູໄຊໃຫ້ ສະເປີ ເປີດສະ ໜາມເວມບລີ ເອົາຊະນະ ຄຣິສຕັນ ພາເລດ 1-0 ໃນວັນ ອາທິດຜ່ານມາ ສົ່ງຜົນໃຫ້ຍິງ ໄປແລ້ວ 20 ປະຕູໃນລີກສູງ ສຸດຂອງ ອັງກິດ ຈາກການລົງ ສະໜາມ 72 ນັດ ທຳລາຍສະ ຖິຕິທີ່ ພາກ ຈີ-ຊອງ ເຄີຍເຮັດ ໄວ້ 19 ປະຕູຈາກ ຈາກການ ລົງສະໜາມ 154 ນັດ ໃຫ້ກັບ ແມນເຊສເຕີ ຢູໄນເຕັດ.
ເຮືອງມິນ ທີ່ຍ້າຍມາ ຈາກ ໄບເອີ ເລເວີຄູເຊນ ໃນປີ 2015 ກ່າວວ່າ: “ມັນເປັນ ວັນພິເສດສຳລັບຂ້ອຍ ພາກ ຈີ-ຊອງ ສ້າງສະຖິຕິໄວ້ ແລະ ລາວເປັນນັກເຕະຂວັນໃຈ ຂອງຂ້ອຍ ລາວເປັນຕຳນານ ລາວໄດ້ທຸກແຊ໊ມ ສ່ວນຂ້ອຍ ຍັງຕ້ອງເຮັດວຽກອີກຫຼາຍ ເພື່ອໄລ່ຕາມລາວ ມັນເປັນສະ ຖິຕິທີ່ເຮັດໃຫ້ຂ້ອຍມີຄວາມສຸກໃນວັນນີ້ແຕ່ຂ້ອຍຍັງມີຄວາມ ຕ້ອງການ ຂ້ອຍຫວັງວ່າຈະ ຍິງປະຕູໄດ້ຫຼາຍຂຶ້ນ ແລະ ຍິງ ເປັນຊຸດໃຫ້ກັບ ສະເປີ”.