ຜູ້ປະທ້ວງຊຸມນຸມຕໍ່ຕ້ານຜົນການເລືອກຕັ້ງປະທານາທິບໍດີເວເນຊູເອລາ ຕໍາຫລວດໃຊ້ແກັສນໍ້າຕາ-ລູກປືນຢາງສະຫລາຍການຊຸມນຸມ
ກອງກໍາລັງຄວາມໝັ້ນຄົງຢູ່ເວເນຊູເອລາໃຊ້ແກັສນໍ້າຕາ ແລະ ລູກປືນຢາງກັບຜູ້ປະທ້ວງທີ່ອອກມາຄັດຄ້ານຜົນການເລືອກຕັ້ງໃນວັນທີ 28 ກໍລະກົດຜ່ານມາ ພາຍຫລັງປະຊາຊົນຈໍານວນຫລາຍເຊື່ອວ່າອາດມີການສໍ້ໂກງການເລືອກຕັ້ງ.
ປະຊາຊົນຫລາຍພັນຄົນອອກມາລວມຕົວກັນຢູ່ໃຈກາງນະຄອນຫລວງກາຣາກັສໃນວັນທີ 29 ກໍລະກົດຜ່ານມາ, ບາງຄົນຍ່າງຈາກທ້ອງຖິ່ນແອອັດຢູ່ເທິງພູນອກເມືອງ ເພື່ອມຸ້ງໜ້າໄປທໍານຽບປະທານາທິບໍດີ.
ການປະທ້ວງເກີດຂຶ້ນ 1 ວັນ ພາຍຫລັງປະທານາທິບໍດີ ໂຄລັສ ມາດູໂຣ ທີ່ຄອງອໍານາດມາ 11 ປີ ອອກມາປະກາດວ່າທ່ານຊະນະການເລືອກຕັ້ງ ພາຍຫລັງຄະນະກໍາມະການການເລືອກຕັ້ງເປີດເຜີຍຜົນການນັບຄະແນນບໍ່ເປັນທາງການວ່າ: ທ່ານນໍາໜ້າຄູ່ແຂ່ງຄືທ່ານ ເອັດມຸນໂດ ກອນເຊາເລ.
ເຖິງຢ່າງໃດກໍຕາມ, ຝ່າຍຄ້ານລະບຸວ່າ: ຜົນການເລືອກຕັ້ງຄັ້ງນີ້ບໍ່ໂປ່ງໃສ ເພາະສວນທາງກັບຜົນສໍາຫລວດກ່ອນໜ້ານີ້ ທີ່ຊີ້ວ່າ: ທ່ານ ກອນຊາເລ ຈະຊະນະການເລືອກຕັ້ງດ້ວຍຄະແນນສຽງ 70%. ພ້ອມຢືນຢັນວ່າ: ທ່ານ ກອນຊາເລ ເປັນວ່າທີ່ປະທານາທິບໍດີທີ່ໄດ້ຮັບເລືອກໂດຍຍຸຕິທໍາ.
ອ້າງອີງ:
