ບານບ້ວງຊີງຂັນຫົວໜ້າພະແນກ ສສກ ນະຄອນຫຼວງ ຈະເປີດແຂ່ງຂັນທ້າຍເດືອນພະຈິກນີ້

ສະຫະພັນບານບ້ວງນະ ຄອນຫລວງວຽງຈັນຮ່ວມກັບສະມາຄົມບານບ້ວງຈີນ ກຽມ ຈັດການແຂ່ງຂັນຊີງຂັນຫົວ ໜ້າພະແນກສຶກສາທິການ ແລະ ກິລາ (ສສກ) ນະຄອນ ຫລວງວຽງຈັນຂຶ້ນທ້າຍເດືອນພະຈິກນີ້ ທີ່ເດີ່ນບານບ້ວງໂຮງ ຮຽນລ້ຽວໂຕ້ ເມືອງຈັນທະບູລີ ນະຄອນຫລວງວຽງຈັນ ໂດຍ 3 ຮຸ່ນຄື: ຮຸ່ນເຍົາວະຊົນ, ທົ່ວ ໄປ ແລະ ຮຸ່ນອາວຸໂສ.
ທ່ານ ພຸດທະກອນ ບຸດ ຕະເວດ ຫົວໜ້າທີມສະມາຄົມ ບານບ້ວງຈີນ ໃຫ້ສໍາພາດວ່າ: ເພື່ອເປັນການຈັດຕັ້ງປະຕິບັດ ຕາມແຜນການເຄື່ອນໄຫວ ຂອງສະຫະພັນບານບ້ວງນະ ຄອນຫລວງວຽງຈັນ ໃຫ້ມີຂະ ບວນຟົດຟື້ນ ພ້ອມທັງເປັນ ການສະເຫລີມສະຫລອງວັນ ສໍາຄັນຕ່າງໆຂອງຊາດລາວ ໂດຍສະເພາະວັນທີ 2 ທັນວາ ທີ່ໃກ້ຈະມາເຖິງນີ້ ນອກຈາກ ນັ້ນຍັງເປັນການສະເຫລີມສະຫລອງວັນສ້າງຕັ້ງໂຮງຮຽນ ລ້ຽວໂຕ້ຄົບຮອບ 80 ປີ ດັ່ງ ນັ້ນ, ພວກເຮົາຈຶ່ງຈະຈັດການ ແຂ່ງຂັນຄັ້ງນີ້ຂຶ້ນມາເຊິ່ງຈະ ຈັດຂຶ້ນທ້າຍເດືອນນີ້ປະກອບມີ 3 ຮຸ້ນຄື: ຮຸ່ນເຍົາວະຊົນອາຍຸ 20 ປີ ລົງມາ,ຮຸ່ນທົ່ວໄປ ແລະ ຮຸ່ນອາວຸໂສ 35 ຂຶ້ນໄປ ເຊິ່ງ ຄາດວ່າຈະມີຫລາຍສະໂມ ສອນເຂົ້າຮ່ວມສໍາລັບການ ແຂ່ງຂັນຄັ້ງນີ້ພວກເຮົາຈະ ແບ່ງອອກເປັນກຸ່ມໂດຍຈະໃຫ້ທີມອັນດັບທີ 1 ແລະ ທີ 2 ກຸ່ມ ເຂົ້າເພື່ອຊີງເອົາຂັນລາງວັນ. ສ່ວນລາງວັນທີມອັນດັບທີ 1 ຈະໄດ້ຮັບຂັນລາງວັນພ້ອມ ດ້ວຍເງິນສົດ 2 ລ້ານກີບ, ອັນ ດັບທີ 2 ຈະໄດ້ຮັບຂັນລາງວັນ ພ້ອມດ້ວຍເງິນສົດລ້ານຫ້າ ແສນກີບ, ອັນດັບທີ 3 ຈະໄດ້ ຮັບຂັນລາງວັນພ້ອມດ້ວຍເງິນສົດ 1 ລ້ານກີບ.
ທ່ານ ພຸດທະກອນ ບຸດຕະ ເວດ ຍັງເວົ້າອີກວ່າ: ການ ແຂ່ງຂັນຄັ້ງນີ້ນອກຈາກຈະ ເປັນການສ້າງຂະບວນການ ແລ້ວ ຍັງຈະເປັນການປຸກລະ ດົມໃຫ້ນັກຮຽນ-ນັກສຶກສາ ຫັ້ນມາຫລິ້ນກິລາບານບ້ວງ ໃຫ້ຫລາຍຂຶ້ນກວ່າເກົ່າ ເພາະ ວ່າກິລາປະເພດດັ່ງກ່າວຍັງບໍ່ ໄດ້ຮັບຄວາມນິຍົມຫລາຍປານໃດໃນສັງຄົມລາວຍຸກປັດຈຸ ບັນ. ການແຂ່ງຂັນຄັ້ງນີ້ທຸກ ນັດແມ່ນຈະແຂ່ງຂັນທີ່ເດີນກິ ລາບານບ້ວງໂຮງຮຽນລ້ຽວ ໂຕ້.